Asian Para Games 2023: એશિયન પેરા ગેમ્સમાં ભારતે જીત્યા 111 મેડલ, જાણો મેડલ ટેલીમાં કેટલામાં ક્રમે રહ્યું

ભારતે એશિયન પેરા ગેમ્સમાં પ્રથમ વખત 100 મેડલનો આંકડો પાર કર્યો છે. અગાઉના સર્વશ્રેષ્ઠ 2018માં 72 મેડલ હતા, ત્યારે ભારતે 15 ગોલ્ડ, 24 સિલ્વર અને 33 બ્રોન્ઝ મેડલ જીત્યા હતા.

એશિયન પેરા ગેમ્સમાં ભારતીય એથ્લેટનું શાનદાર પ્રદર્શન

Source : PTI

Asian Para Games 2023: ભારતે હાંગઝોઉમાં એશિયન પેરા ગેમ્સના ચોથા અને અંતિમ દિવસે એક મેડલ સાથે પ્રવેશ કર્યો અને તેમને સદીથી અલગ કર્યા. પુરૂષોની 400m T47 ફાઇનલમાં દિલીપ મહાદુ ગાવિતના સૌજન્યથી તે માઇલસ્ટોન સિદ્ધિ મળી. ત્યાર બાદ ભારતના પેરા-એથ્લેટ્સે 29 ગોલ્ડ, 31 સિલ્વર અને 51 બ્રોન્ઝ મળી કુલ 111 મેડલ સાથે  ગેમ્સને સમાપ્ત કરી. મેડલ ટેલીમાં ભારત પાંચમાં ક્રમે રહ્યું હતું.

2018માં ભારતે જીત્યા હતા 72 મેડલ

ભારતે એશિયન પેરા ગેમ્સમાં પ્રથમ વખત 100 મેડલનો આંકડો પાર કર્યો છે. અગાઉના સર્વશ્રેષ્ઠ 2018માં 72 મેડલ હતા, ત્યારે ભારતે 15 ગોલ્ડ, 24 સિલ્વર અને 33 બ્રોન્ઝ મેડલ જીત્યા હતા.

100 મેડલ પર પીએમ મોદીએ પણ આપ્યા અભિનંદન

એશિયન પેરા ગેમ્સમાં ભારતે 100 મેડલ જીત્યા પર પીએમ મોદીએ સોશિયલ મીડિયા એક્સ પર લખ્યું, એશિયન પેરા ગેમ્સમાં 100 મેડલ! અપ્રતિમ આનંદની ક્ષણ. આ સફળતા આપણા ખેલાડીઓની પ્રતિભા, સખત મહેનત અને નિશ્ચયનું પરિણામ છે. આ અદ્ભુત સીમાચિહ્નરૂપ હૃદયને અપાર ગર્વથી ભરી દે છે. હું આપણા અતુલ્ય એથ્લેટ્સ, કોચ અને તેમની સાથે કામ કરી રહેલા સમગ્ર સપોર્ટ સિસ્ટમ માટે મારી ઊંડી પ્રશંસા અને કૃતજ્ઞતા વ્યક્ત કરું છું. આ વિજય આપણને બધાને પ્રેરણા આપે છે. તેઓ એક રીમાઇન્ડર તરીકે સેવા આપે છે કે આપણા યુવાનો માટે કંઈપણ અશક્ય નથી.

100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.

This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM

— Narendra Modi (@narendramodi) October 28, 2023

મેડલ ટેલીમાં ટોપ-5 દેશ

પેરા એશિયન ગેમ્સમાં ચીન 518 મેડલ સાથે પ્રથમ ક્રમે રહ્યું. ચીને 212 ગોલ્ડ, 166 સિલ્વર અને 140 બ્રોન્ઝ મેડલ જીત્યા હતા. બીજામ ક્રમે રહેલા ઈરાને 128 મેડલ જીત્યા હતા. ઈરાને 43 ગોલ્ડ, 44 સિલ્વર અને 41 બ્રોન્ઝ મેડલ જીત્યા હતા. જાપાન 150 મેડલ સાથે ત્રીજા ક્રમે રહ્યું, જાપાને 42 ગોલ્ડ, 49 સિલ્વર અને 59 સિલ્વર મેડલ જીત્યા. હતા. કોરિયા 103 મેડલ સાથે ચોથા ક્રમે રહ્યું, કોરિયાએ 30 ગોલ્ડ, 33 સિલ્વર અને 40 બ્રોન્ઝ મેડલ જીત્યા હતા, જ્યારે 29 ગોલ્ડ મેડલ, 31 સિલ્વર મેડલ અને 51 બ્રોઝ મેડલ સાથે ભારત 111 મેડલ જીતીને પાંચમાં ક્રમે રહ્યું. (ગોલ્ડ મેડલના આધારે રેંક આપવામાં આવ્યા છે)