ક્રિસ ગેલને મળી રાહત, મીડિયા સામે માનહાનિ કેસમાં થઈ જીત

સિડનીઃ વેસ્ટ ઇન્ડીઝના ધુરંધર બેટ્સમેન ક્રિસ ગેલને ફેયરફેક્સ મીડિયા સામે કરેલ માનહાનીના કેસમાં જીત મળી છે. ન્યુ સાઉથ વેલ્સની કોર્ટે સબળ પુરાવાના અભાવે કેરેબિયાઈ ખેલાડીના તરફેણમાં ચુકાદો આપ્યો છે. ન્યૂસાઉથ વેલ્સની સુપ્રીમ કોર્ટમાં ચાર વ્યક્તિઓની જ્યૂરીને ક્રિસે ગેલે ૨૦૧૫ના વર્લ્ડ કપ દરમિયાન સિડનીમાં વેસ્ટ ઇન્ડીઝના ડ્રેસિંગ રૂમમાં મસાજ થેરપિસ્ટ સામે પોતાને નગ્ન કર્યો હોવાના ફેરફેક્સના દાવામાં કોઇ પણ જાતના પુરાવા મળ્યા નહોતા.

બે કલાકથી થોડા ઓછા સમયની ચર્ચા વિચારણા કર્યા બાદ જ્યુરીએ ફેરફેક્સ મીડિયા કે જે સિડની મોર્નિંગ હેરાલ્ડ, ધ એજ અને ધ કેનબેરા ટાઇમ્સ જેવા ન્યૂઝ પેપરો છાપે છે તેમની તરફથી કોઇ પણ જાતના પુરાવ મળ્યા નહોતા.

આ કેસમાં મસાજ થેરપિસ્ટ લિએન રસેલ કે જેણે ક્રિસ ગેલ પર આરોપ મૂક્યો હતો તે ગત અઠવાડિયામાં કોર્ટમાં હાજર રહી હતી. તેણે કહ્યું હતું કે ગેલે તેની સામે પોતાનો ટુવાલ ઉતારી નાખ્યો હતો અને પૂછયું હતું કે હતું કે શું તું આ શોધી રહી છે? આ સાંભળ્યા બાદ રસેલ ખૂબ રડી હતી.

જોકે ગેલ ઉપરાંત તેના સાથી ખેલાડી ડ્વેન સ્મિથે પણ આ પ્રકરણમાં આવું કઇ પણ બન્યું હોવાની સ્પષ્ટ ના પાડી હતી. લિએન રસેલે ધ એજ ન્યૂઝપેપરના એડિટરનો સંપર્ક કરી સમગ્ર ઘટના જણાવી હતી. રસેલે એમ પણ જણાવ્યું હતું કે જ્યારે તે ગેલના સાથી ખેલાડી સ્મિથે તેને ‘સેક્સી’ છે તેવો મેસેજ પણ મોકલ્યો હતો. જોકે, ગેલના વકીલ બ્રુસ મેક્લિન્ટોકે જણાવ્યું હતું કે રસેલે તેના ક્લાયન્ટને ખોટી રીતે લક્ષ્યાંક બનાવ્યો હતો.