Women Cricket Team Wins Gold: ક્રિકેટમાં ભારતની દીકરીઓએ અપાવ્યો ગોલ્ડ મેડલ, ફાઇનલમાં શ્રીલંકાને 19 રનથી હરાવ્યું

Women Cricket Team Wins Gold: એશિયન ગેમ્સની ફાઇનલમા ભારતે શ્રીલંકાને 19 રને હરાવ્યું હતું. 

ફોટોઃ ટ્વિટર ( Image Source :Twitter )

Women Cricket Team Wins Gold: ભારતીય મહિલા ક્રિકેટ ટીમે 19મી એશિયન ગેમ્સમાં ગોલ્ડ મેડલ જીત્યો છે. 25 સપ્ટેમ્બર (સોમવાર) ના રોજ પિંગફેંગ કેમ્પસ ક્રિકેટ ગ્રાઉન્ડ હાંગઝોઉ ખાતે રમાયેલી ફાઇનલ મેચમાં ભારતે શ્રીલંકાને 19 રને હરાવ્યું હતું.  

🇮🇳 𝑯𝒊𝒔𝒕𝒐𝒓𝒚-𝒎𝒂𝒌𝒆𝒓𝒔!

The incredible women's cricket team of India strike GOLD for the first time ever, clinching a thrilling victory against Sri Lanka! 🥇🎉 Let's celebrate these remarkable women who've made India proud at #AsianGames2022! 🥳👏 #Cheer4India pic.twitter.com/0xUrGdgfbA

— SAI Media (@Media_SAI) September 25, 2023

ભારતીય મહિલા ક્રિકેટ ટીમે હાંગઝોઉમાં ચાલી રહેલી 19મી એશિયન ગેમ્સમાં ગોલ્ડ મેડલ જીત્યો છે. ફાઈનલ એટલે કે ગોલ્ડ મેડલ મેચમાં ભારતે શ્રીલંકાને 117 રનનો ટાર્ગેટ આપ્યો હતો. ભારતે 20 ઓવરમાં સાત વિકેટ ગુમાવીને 116 રન બનાવ્યા હતા. સ્મૃતિ મંધાનાએ સૌથી વધુ 46 રનની ઇનિંગ રમી હતી. જ્યારે જેમિમાહ રોડ્રિગ્સે 42 રન બનાવ્યા હતા. જવાબમાં શ્રીલંકાની ટીમ 20 ઓવરમાં 8 વિકેટ ગુમાવીને માત્ર 97 રન બનાવી શકી હતી. આ રીતે ટીમ ઈન્ડિયાએ ફાઈનલ મેચ 19 રને જીતી લીધી હતી.       

Gold 🥇 Medal it is for #TeamIndia! 🙌 🙌

The team beats Sri Lanka by 19 runs in the summit clash to bag the top honours. 👏 👏

Scorecard ▶️ https://t.co/dY0wBiW3qA#IndiaAtAG22 | #AsianGames pic.twitter.com/dLEvEf6f97

— BCCI Women (@BCCIWomen) September 25, 2023

ટોસ જીતીને પ્રથમ બેટિંગ કરવા ઉતરેલી ભારતીય ટીમની શરૂઆત ખરાબ રહી હતી. શેફાલી વર્મા 15 બોલમાં નવ રન બનાવીને આઉટ થઈ ગઈ હતી. આ પછી સ્મૃતિએ જેમિમા સાથે મળીને બીજી વિકેટ માટે 73 રનની ભાગીદારી કરી હતી. રણવીરાએ આ ભાગીદારી તોડી હતી. તેણે મંધાનાને આઉટ કરી હતી. મંધાનાએ 45 બોલમાં ચાર ચોગ્ગા અને એક છગ્ગાની મદદથી 46 રનની ઇનિંગ રમી હતી. રિચા ઘોષ નવ રન બનાવીને આઉટ થઈ ગઈ હતી અને કેપ્ટન હરમનપ્રીત કૌર બે રન બનાવીને આઉટ થઈ હતી અને પૂજા વસ્ત્રાકર બે રન બનાવીને આઉટ થઈ હતી. જેમિમાહ રોડ્રિગ્સે 40 બોલમાં પાંચ ચોગ્ગાની મદદથી 42 રનની ઇનિંગ રમી હતી. દીપ્તિ અને અમનજોત એક-એક રન બનાવીને અણનમ રહ્યા હતા. શ્રીલંકા તરફથી ઉદેશિકા પ્રબોધની, સુગંદિકા કુમારી અને ઈનોકા રાનાવીરાએ બે-બે વિકેટ લીધી હતી.

જવાબમાં શ્રીલંકાની ટીમની શરૂઆત પણ ખરાબ રહી હતી. તિતાસ સાધુએ શાનદાર પ્રદર્શન કર્યું અને ચમારી અટાપટ્ટુ (12), અનુષ્કા સંજીવની (1) અને વિશ્મી ગુણરત્ને (0)ને પેવેલિયનમાં મોકલ્યા હતા. આ પછી હસિની પરેરા અને નિલાક્ષી ડી સિલ્વાએ ચોથી વિકેટ માટે 36 રનની ભાગીદારી કરી હતી. પૂજાએ નિલાક્ષી (23)ને આઉટ કરીને ભાગીદારી તોડી હતી. રાજેશ્વરીએ હસીની (25)ને આઉટ કરી હતી. દીપ્તિએ ઓશાદી રાણાસિંઘે (19)ને આઉટ કરી તો દેવિકા વૈદ્યએ કવિશા દિલહારીને (5) અને રાજેશ્વરીએ સુગંદિકા કુમારીને આઉટ કરીને શ્રીલંકાની આશાનો અંત લાવ્યો હતો. ભારત તરફથી તિતાસે સૌથી વધુ ત્રણ વિકેટ ઝડપી હતી. જ્યારે રાજેશ્વરીને બે વિકેટ મળી હતી. દીપ્તિ, પૂજા અને દેવિકાને એક-એક વિકેટ મળી હતી.