ચેન્નઇ સુપર કિંગ્સના આ ખેલાડીએ કર્યા લગ્ન, IPLમાં ડેબ્યૂની જોઇ રહ્યો છે રાહ
ચેન્નઈ સુપર કિંગ્સ (CSK) ના ખેલાડી સી. હરિ નિશાંતે લગ્ન કરી લીધા છે.
ચેન્નઈ સુપર કિંગ્સ (CSK) ના ખેલાડી સી. હરિ નિશાંતે લગ્ન કરી લીધા છે. નિશાંતે ગુરુવારે (9 જૂન) અનુ સાથે સાત ફેરા લીધા હતા. CSK એ પોતાના સત્તાવાર ટ્વિટર એકાઉન્ટ પરથી વીડિયો શેર કરીને નિશાંતને અભિનંદન પાઠવ્યા હતા. નિશાંતે હજુ ઈન્ડિયન પ્રીમિયર લીગ (આઈપીએલ) માં ડેબ્યૂ કર્યું નથી. પરંતુ સ્થાનિક ક્રિકેટમાં તમિલનાડુ તરફથી રમે છે.
Hari got hitched! 😍 Here's to the one where we pronounce you “Super Couple!“ 🥳💛#WhistlePodu #Yellove 🦁 @harinishaanth16 pic.twitter.com/J8uh9BVrbh
— Chennai Super Kings (@ChennaiIPL) June 10, 2022
વીડિયો પોસ્ટ કરતાં CSKએ લખ્યું, 'હરિના લગ્ન થઇ ગયા છે. અમે તમને સુપર કપલ તરીકે સંબોધીએ છીએ. 25 વર્ષીય હરિ નિશાંતે સૈયદ મુશ્તાક અલી ટ્રોફી 2020-21માં શાનદાર પ્રદર્શન કર્યું હતું. નિશાંતે તે ટુર્નામેન્ટમાં 41ની એવરેજથી 246 રન બનાવ્યા હતા, જેમાં ફાઇનલમાં 35 રનની ઈનિંગ સામેલ હતી. નિશાંતે 2019-20 સીઝનમાં તમિલનાડુ માટે ફર્સ્ટ-ક્લાસ મેચ પણ રમી હતી પરંતુ તે સારુ પ્રદર્શન કરી શક્યો નહોતો.
નિશાંતને 20 લાખમાં ખરીદવામાં આવ્યો હતો
હરિ નિશાંતને 2021ની મિની-ઓક્શનમાં ચેન્નઈ સુપર કિંગ્સે બેઝ પ્રાઇઝમાં ખરીદ્યો હતો, પરંતુ તે ટીમ મેનેજમેન્ટને પ્રભાવિત કરવામાં નિષ્ફળ રહ્યો હતો. IPL 2022ની મેગા ઓક્શનમાં CSK દ્વારા હરિ નિશાંતને ફરી એક વાર 20 લાખની બેઝ પ્રાઈસમાં ખરીદ્યો હતો, પરંતુ આ સિઝનમાં પણ તેને એક પણ મેચ રમવાની તક મળી ન હતી.
એમએસ ધોનીની આગેવાની હેઠળની CSK સી હરિ નિશાંતને રિટેન રિટેન કરી શકે છે કારણ કે અંબાતી રાયડુ, રોબિન ઉથપ્પા જેવા ખેલાડીઓ હવે તેમની ક્રિકેટ કારકિર્દીના અંતિમ તબક્કામાં છે. IPL 2022માં CSKની ટીમનું પ્રદર્શન ખૂબ જ ખરાબ રહ્યું હતું અને તે નવમા સ્થાને રહી હતી.
ટોપ સ્ટોરી
ટ્રેન્ડિંગ સમાચાર
