તમિલનાડુ ઓપિનિયન પોલ: 234 બેઠકોની રેસમાં મોટો ઉલટફેર! ભાજપ ગઠબંધન આગળ, સત્તાધારી DMK પાછળ

મેટ્રિઝ-આઈએએનએસ (Matrize-IANS) ના તાજેતરના સર્વેમાં કાંટાની ટક્કરનો અંદાજ; ભાજપ ગઠબંધન બહુમતીનો આંકડો પાર કરી શકે છે, જ્યારે DMK ગઠબંધન બરાબરીની લડાઈમાં.

Tamil Nadu Opinion Poll 2026, BJP+ Ahead of DMK in Tight 234-Seat Race

Source : Social Media (X)

Show Quick Read

Key points generated by AI, verified by newsroom

• તમિલનાડુ ચૂંટણી: ભાજપ ગઠબંધન DMK કરતા આગળ.
• ઓપિનિયન પોલ: ભાજપ+ ૧૧૪-૧૨૭, DMK+ ૧૦૪-૧૧૪ બેઠકો.
• સ્વિંગ સીટો પર નાના પક્ષો નક્કી કરશે પરિણામ.
• ૨૩ એપ્રિલે મતદાન, ૪ મેના રોજ પરિણામ જાહેર.

દક્ષિણ ભારતના રાજકારણમાં એક બહુ મોટો ઉલટફેર થતો જોવા મળી રહ્યો છે. તમિલનાડુ વિધાનસભા ચૂંટણીને લઈને મેટ્રિઝ-આઈએએનએસ (Matrize-IANS) દ્વારા કરવામાં આવેલા ઓપિનિયન પોલના આંકડા સામે આવ્યા છે, જેણે સૌને ચોંકાવી દીધા છે. 234 બેઠકો વાળી વિધાનસભાના આ સર્વેમાં ભાજપ (BJP) ની આગેવાની હેઠળનું ગઠબંધન સત્તાધારી ડીએમકે (DMK) ગઠબંધન કરતા થોડું આગળ જોવા મળી રહ્યું છે. અંદાજ છે કે ભાજપ ગઠબંધન બહુમતીનો જાદુઈ આંકડો પાર કરી લેશે, જ્યારે DMK તેમને જોરદાર અને નજીકની ટક્કર આપી રહ્યું છે. આ કાંટાની ટક્કરમાં નાના પક્ષો પણ ગેમ ચેન્જર સાબિત થઈ શકે છે. રાજ્યમાં 23 એપ્રિલે એક જ તબક્કામાં મતદાન થવાનું છે અને તેના અંતિમ પરિણામો 4 મેના રોજ જાહેર થશે.

કોને કેટલી બેઠકો? (ઓપિનિયન પોલના ચોંકાવનારા આંકડા)

મેટ્રિઝ-આઈએએનએસ દ્વારા તમિલનાડુની તમામ 234 વિધાનસભા બેઠકો માટે કરવામાં આવેલા સર્વેના આંકડા નીચે મુજબ છે:

ભાજપ+ (BJP ગઠબંધન): 114 થી 127 બેઠકો

ડીએમકે+ (DMK ગઠબંધન): 104 થી 114 બેઠકો

ટીવીકે (TVK): 6 થી 12 બેઠકો

અન્ય પક્ષો (OTH): 1 થી 6 બેઠકો

આ આંકડાઓ સ્પષ્ટ ઈશારો કરે છે કે ભાજપ ગઠબંધન 234 સભ્યોની વિધાનસભામાં સરકાર બનાવવા માટે જરૂરી બહુમતીનો આંકડો (118 બેઠકો) આસાનીથી પાર કરી શકે છે. જોકે, DMK ગઠબંધન પણ બહુ પાછળ નથી, જે દર્શાવે છે કે અલગ-અલગ વિસ્તારોમાં મુકાબલો એકદમ રોમાંચક રહેશે.

'સ્વિંગ સીટો' નક્કી કરશે પરિણામ!

આ ઓપિનિયન પોલ દર્શાવે છે કે બંને મુખ્ય ગઠબંધન વચ્ચે બેઠકોનો તફાવત બહુ મોટો નથી. આનો સીધો અર્થ એ છે કે, આ ચૂંટણીમાં ખરાખરીનો જંગ જામશે અને અંતિમ પરિણામ એ 'સ્વિંગ સીટો' (જ્યાં બંને પક્ષો વચ્ચે કાંટાની ટક્કર હોય) પર આધાર રાખશે. આવી સીટો પર નાના પક્ષો કિંગમેકરની ભૂમિકા ભજવી શકે છે.

મતદાન અને પરિણામ ક્યારે?

ચૂંટણી પંચના સત્તાવાર કાર્યક્રમ મુજબ, તમિલનાડુમાં બધી 234 બેઠકો માટે 23 એપ્રિલના રોજ માત્ર એક જ તબક્કામાં મતદાન પૂર્ણ કરવામાં આવશે.

આસામ, પશ્ચિમ બંગાળ, કેરળ અને પુડુચેરીની ચૂંટણીઓની સાથે તમિલનાડુના પરિણામો પણ 4 મેના રોજ એકસાથે જાહેર કરવામાં આવશે. 4 મેના રોજ જ એ સ્પષ્ટ થશે કે ભાજપ ગઠબંધન દક્ષિણ ભારતના આ મહત્વના રાજ્યમાં પોતાનો પગપેસારો અને વર્ચસ્વ વધારવામાં સફળ થાય છે કે પછી DMK પોતાનો ગઢ અને સત્તા જાળવી રાખવામાં કામયાબ રહે છે.