David Warner Record: ડેવિડ વોર્નરનું મોટું કારનામું, 100મી ટેસ્ટ અને વન ડેમાં સદી ફટકારનારો વિશ્વનો માત્ર બીજો ખેલાડી બન્યો

David Warner: વોર્નર તેની 100મી વનડે અને તેની 100મી ટેસ્ટમાં સદી ફટકારનાર ગોર્ડન ગ્રીનિજ બાદ બીજો ખેલાડી બન્યો છે.

100મી વન ડે અને 100મી ટેસ્ટમાં સદી ફટકારનારો બીજો ખેલાડી બન્યો વોર્નર

Source : ICC

David Warner Century:  ઓસ્ટ્રેલિયાના દિગ્ગજ ઓપનર ડેવિડ વોર્નરે મેલબોર્નમાં ચાલી રહેલી બોક્સિંગ ડે ટેસ્ટ મેચમાં ઈતિહાસ રચ્યો છે. વાસ્તવમાં આ 100મી ટેસ્ટ મેચમાં વોર્નરે શાનદાર સદી ફટકારી છે. આવું કરનાર તે વિશ્વનો 11મો બેટ્સમેન બની ગયો છે. આ મેચમાં વોર્નરે તેની ટેસ્ટ કરિયરના 8 હજાર રન પણ પૂરા કર્યા છે.

100મી ટેસ્ટમાં સદી ફટકારી

ડેવિડ વોર્નરે બોક્સિંગ ડે ટેસ્ટમાં શાનદાર ઇનિંગ રમીને પોતાની 100મી ટેસ્ટમાં સદી ફટકારી હતી. આવું કરનાર તે વિશ્વનો 11મો બેટ્સમેન બની ગયો છે. આ સાથે જ તે ઓસ્ટ્રેલિયા માટે આવું કરનાર બીજો ખેલાડી બની ગયો છે. તેના પહેલા આ કારનામું ઓસ્ટ્રેલિયાના પૂર્વ કેપ્ટન અને અનુભવી બેટ્સમેન રિકી પોન્ટિંગે કર્યું હતું.

100મી વનડેમાં પણ સદી ફટકારી હતી

ડેવિડ વોર્નરે ટેસ્ટ પહેલા પોતાની 100મી વનડેમાં પણ સદી ફટકારી હતી. તેણે 2017માં બેંગલુરુમાં ભારત સામે તેની સદી ફટકારી હતી. હવે વોર્નરે તેની ટેસ્ટ ક્રિકેટની 100મી મેચમાં પણ આ કારનામું કરી બતાવ્યું છે. વોર્નર તેની 100મી વનડે અને તેની 100મી ટેસ્ટમાં સદી ફટકારનાર ગોર્ડન ગ્રીનિજ બાદ બીજો ખેલાડી બન્યો છે.

Players with a hundred in 100th Test and 100th ODI

Gordon Greenidge🏝️
David Warner🇦🇺#AUSvSA

— Kausthub Gudipati (@kaustats) December 27, 2022

8 હજાર ટેસ્ટ રન પણ પૂરા કર્યા

ડેવિડ વોર્નરે પોતાની 100મી ટેસ્ટ મેચમાં સદી ફટકારવાની સાથે સાથે તેની ટેસ્ટ કારકિર્દીના 8000 રન પણ પૂરા કર્યા છે. તેણે પોતાના ટેસ્ટ કરિયરમાં 25 સદી ફટકારી છે. નોંધનીય છે કે વોર્નરને ક્રિકેટના ત્રણેય ફોર્મેટનો સૌથી ખતરનાક ખેલાડી માનવામાં આવે છે.

100મી ટેસ્ટમાં સદી ફટકારનાર ખેલાડીઓ

કોલિન કાઉડ્રી (ઇંગ્લેન્ડ) – 1968

જાવેદ મિયાંદાદ (પાકિસ્તાન) - 1989

ગોર્ડન ગ્રીનિજ (વેસ્ટ ઈન્ડિઝ) - 1990

એલેક સ્ટુઅર્ટ (ઇંગ્લેન્ડ) – 2000

ઇન્ઝમામ-ઉલ-હક (પાકિસ્તાન) – 2005

રિકી પોન્ટિંગ *2 (ઓસ્ટ્રેલિયા) – 2006

ગ્રીમ સ્મિથ (દક્ષિણ આફ્રિકા) – 2012

હાશિમ અમલા (દક્ષિણ આફ્રિકા) – 2017

જો રૂટ (ઇંગ્લેન્ડ) - 2021

ડેવિડ વોર્નર (ઓસ્ટ્રેલિયા) – 2022

What could be better celebration than scoring 💯 in 100th Test.

David Warner scored hundred in his 100th ODI against India in 2017

And

Scored a hundred in his 100th Test against SA in 2022

He joins Gordon Greenidge to achieve the same.#Cricket pic.twitter.com/a4wTaN4xnZ

— Dr.Dinesh Dasa (@dineshdasa1) December 27, 2022