![ABP Premium](https://cdn.abplive.com/imagebank/Premium-ad-Icon.png)
બોલીવુડ બાદ ક્રિકેટની દુનિયામાં ધમાકેદાર એન્ટ્રી કરવાની તૈયારીમાં આ સ્મટાર કપલ, ખરીદશે IPL Team
IPL ટીમોની હરાજી માટે માત્ર 10 લાખ રૂપિયા અને દસ્તાવેજો જમા કરાવવાના રહેશે.
![બોલીવુડ બાદ ક્રિકેટની દુનિયામાં ધમાકેદાર એન્ટ્રી કરવાની તૈયારીમાં આ સ્મટાર કપલ, ખરીદશે IPL Team deepika padukone ipl bid ranveer singh and deepika padukone is all set to buy ipl team with bang બોલીવુડ બાદ ક્રિકેટની દુનિયામાં ધમાકેદાર એન્ટ્રી કરવાની તૈયારીમાં આ સ્મટાર કપલ, ખરીદશે IPL Team](https://wcstatic.abplive.in/en/prod/wp-content/uploads/2018/04/yipwqGn4xm.jpg?impolicy=abp_cdn&imwidth=1200&height=675)
Ranveer Singh Deepika Padukone IPL Bid: IPLની બે નવી ટીમો માટે બોલી લગાવવામાં આવશે જેને જોવાની ખૂબ જ મજા આવશે. સમાચાર અનુસાર, અદાણી ગ્રુપ અને આરપી સંજીવ ગોએન્કા ગ્રુપ બાદ હવે બોલીવુડ અભિનેતા રણવીર સિંહ તેની પત્ની દીપિકા પાદુકોણ સાથે આઈપીએલ ફ્રેન્ચાઈઝી ખરીદવાનું વિચારી રહ્યા છે. ટૂંક સમયમાં આ કપલ IPL ટીમ માટે બોલી લગાવતા જોવા મળશે. આ મહિનામાં, 25 ઓક્ટોબરના રોજ, અમદાવાદ અને લખનૌ ફ્રેન્ચાઇઝીઓ માટે બોલી લાગવાની છે. આવી સ્થિતિમાં એવી અપેક્ષા રાખવામાં આવે છે કે ભારતીય ક્રિકેટ કંટ્રોલ બોર્ડ આ બે ટીમોના વેચાણથી ચોક્કસપણે 7 થી 10 હજાર કરોડ રૂપિયાની કમાણી કરશે.
IPL ટીમોની હરાજી માટે માત્ર 10 લાખ રૂપિયા અને દસ્તાવેજો જમા કરાવવાના રહેશે. પરંતુ તે જ કંપની અથવા કન્સોર્ટિયમ આ હરાજીમાં ભાગ લઈ શકે છે, જેનું વાર્ષિક ટર્નઓવર 3 હજાર કરોડ છે. IPL ટીમોની બિડિંગ માટે બેઝ પ્રાઇસ માત્ર 2 હજાર કરોડ રૂપિયા નક્કી કરવામાં આવી છે. રિપોર્ટ અનુસાર, આઈપીએલની હરાજીમાં નવા દાવેદારોની એન્ટ્રી થઈ ત્યારથી અદાણી અને સંજીવ ગોયન્કા દૂર થઈ ગયા છે. મેગેઝિન સાથે વાત કરતા, હરાજી પ્રક્રિયામાં સામેલ એક અધિકારીએ ખુલાસો કર્યો છે કે ઘણા મોટા દાવેદારો વિશ્વની સૌથી મોટી ટી 20 લીગમાં નાણાં રોકવા માટે તૈયાર છે.
રણવીર સિંહ અને દીપિકા પાદુકોણની વાત કરીએ તો બોલીવુડ અને આઈપીએલ વચ્ચેનો સંબંધ નવો નથી. શાહરૂખ ખાન અને જુહી ચાવલા કોલકાતા નાઈટ રાઈડર્સ ટીમના સહમાલિક છે. આ સિવાય પ્રીતિ ઝિન્ટા પંજાબ કિંગ્સનો હિસ્સો છે. દીપિકા પાદુકોણનો રમતો સાથે જૂનો સંબંધ છે. દીપિકાના પિતા પ્રકાશ પાદુકોણ ઓલ ઈંગ્લેન્ડ બેડમિન્ટન ચેમ્પિયનશિપ જીતનાર પ્રથમ ભારતીય હતા. રણવીર સિંહ પહેલેથી જ ઇંગ્લિશ પ્રીમિયર લીગ સાથે સંકળાયેલા છે અને એનબીએના બ્રાન્ડ એમ્બેસેડર પણ છે જે વિશ્વની સૌથી મોટી બાસ્કેટબોલ લીગ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)