કોરોના વાયરસના કારણે ક્રિકેટની વધુ એક મોટી ટૂર્નામેન્ટ એક વર્ષ માટે રદ્દ કરાઇ, જાણો વિગતે

ઇંગ્લેન્ડમાં રમાનારી ધ હન્ડ્રેડ ક્રિકેટ લીગ, આ વર્ષે જુલાઇમાં શરૂ થવાની હતી, હવે આને એક વર્ષ માટે સ્થગિત કરી દેવામાં આવી છે, અને આગામી વર્ષ 2021માં રમાશે

નવી દિલ્હીઃ કોરોના વાયરસની ઝપેટમાં આખી દુનિયા આવી ગઇ છે. કોરોનાના કારણે રમત જગતની કેટલીય મોટી ટૂર્નામેન્ટ્સ રદ્દ થઇ છે, હવે આ લિસ્ટમાં વધુ એક ટૂર્નામેન્ટનુ નામ જોડાઇ ગયુ છે. ઇંગ્લેન્ડમાં આ વર્ષ રમાનારી ધ હન્ડ્રેડ ક્રિકેટ લીગની પહેલી સીઝનને રદ્દ કરી દેવામાં આવી છે. ઇંગ્લેન્ડમાં રમાનારી ધ હન્ડ્રેડ ક્રિકેટ લીગ, આ વર્ષે જુલાઇમાં શરૂ થવાની હતી, હવે આને એક વર્ષ માટે સ્થગિત કરી દેવામાં આવી છે, અને આગામી વર્ષ 2021માં રમાશે. ઇસીબીએ એક સ્ટેટમેન્ટમાં કહ્યું કે, ધ ઇંગ્લેન્ડ એન્ડ વેલ્સ ક્રિકેટ બોર્ડ (ઇસીબી) આજે એ સ્પષ્ટતા કરે છે કે, ધ હન્ડ્રેડ ક્રિકેટ લીગ હવે વર્ષ 2021માં ઉનાળમાં શરૂ કરાશે. તેમને કહ્યું બોર્ડ માટે આ વર્ષ લીગ રમાડવી સંભવ નથી, એટલે અમે આ નિર્ણય કર્યો છે.

ઇસીબીના સીઇઓ ટૉમ હેરિસને કહ્યું કોરોના વાયરસના ધ હન્ડ્રેડ ક્રિકેટ લીગના આયોજનમાં અનેક પ્રકારના પડકારો હતા, જેમાં સોશ્યલ ડિસ્ટન્સિંગ, સ્ટેડિયમની કમી વગેરે સામેલ છે. ઇસીબીના સીઇઓએ કહ્યું કે અમે નિરાશ છીએ આ વર્ષે લક્ષ્ય ના પ્રાપ્ત થયુ, અમે ધ હન્ડ્રેડ ક્રિકેટ લીગ સીરીઝને લઇને આગળ 2021માં આવીશું.