દિલ્હી કેપિટલ્સના ફ્લોપ ખેલાડીએ MLCમાં મચાવ્યો તરખાટ, ફક્ત આટલા બોલમાં ફટકારી સદી
અમેરિકામાં મેજર લીગ ક્રિકેટની ત્રીજી સીઝન રમાઈ રહી છે. ચાલુ ટુર્નામેન્ટની 10મી મેચમાં ટેક્સાસ સુપર કિંગ્સનો સામનો સાન ફ્રાન્સિસ્કો યુનિકોર્ન્સ સાથે થયો હતો
અમેરિકામાં મેજર લીગ ક્રિકેટની ત્રીજી સીઝન રમાઈ રહી છે. ચાલુ ટુર્નામેન્ટની 10મી મેચમાં ટેક્સાસ સુપર કિંગ્સનો સામનો સાન ફ્રાન્સિસ્કો યુનિકોર્ન્સ સાથે થયો હતો. આ મેચમાં ટેક્સાસના કેપ્ટન ફાફ ડુ પ્લેસિસે શાનદાર સદી ફટકારી હતી. પરંતુ તેની ઇનિંગ્સ ટીમને જીત અપાવી શકી ન હતી. પહેલા બેટિંગ કરતા ટેક્સાસની ટીમે 20 ઓવરમાં 5 વિકેટ ગુમાવીને 198 રન બનાવ્યા હતા. જવાબમાં યુનિકોર્ન્સ ટીમે 16.1 ઓવરમાં 3 વિકેટ ગુમાવીને આ લક્ષ્ય હાંસલ કર્યું હતું.
Captain. Classic. Century. 💯👑#TSKvSFU#WhistleForSuperKings#MLC2025 pic.twitter.com/QkeZyzWm7E
— Texas Super Kings (@TexasSuperKings) June 21, 2025
ફાફે આ સીઝનમાં કેપ્ટનશીપમાં શાનદાર પ્રદર્શન કર્યું છે
ફાફ ડુ પ્લેસિસે આ મેચમાં શાનદાર બેટિંગ કરી હતી. તે 51 બોલમાં 100 રનની ઇનિંગ્સ રમીને આઉટ થયો હતો. આ ઇનિંગ્સ દરમિયાન પ્લેસિસે 6 ચોગ્ગા અને 7 છગ્ગા ફટકાર્યા હતા. આ દરમિયાન તેમનો સ્ટ્રાઇક રેટ 196.08 હતો. ટી20 ક્રિકેટમાં આ તેની સાતમી સદી હતી. તે ટુર્નામેન્ટમાં ટેક્સાસની કેપ્ટનશીપ પણ કરી રહ્યો છે. તેમની ટીમે અત્યાર સુધી શાનદાર રમત બતાવી છે. ફાફની કેપ્ટનશીપ હેઠળ ટેક્સાસ ટીમે આ સીઝનમાં અત્યાર સુધીમાં 4 માંથી 3 મેચ જીતી છે.
Faf smashes his first century of the 2025 MLC season 💯 pic.twitter.com/1jq1w5mluD
— Cognizant Major League Cricket (@MLCricket) June 21, 2025
સાન ફ્રાન્સિસ્કો યુનિકોર્ન્સની ટીમે સરળતાથી લક્ષ્ય પ્રાપ્ત કર્યું
આ મેચમાં પ્રથમ બેટિંગ કરતા ટેક્સાસ સુપર કિંગ્સે સાન ફ્રાન્સિસ્કો યુનિકોર્ન્સની સામે જીત માટે 199 રનનો લક્ષ્યાંક રાખ્યો હતો. સાન ફ્રાન્સિસ્કો યુનિકોર્ન્સની ટીમ માટે ફિન એલને 35 બોલમાં સૌથી વધુ 78 રનની ઇનિંગ્સ રમી. આ દરમિયાન તેણે 8 છગ્ગા અને 4 ચોગ્ગા ફટકાર્યા હતા. આ ઉપરાંત મેથ્યુ શોર્ટે 29 બોલમાં 61 રન બનાવ્યા, જેમાં 6 ચોગ્ગા અને 4 છગ્ગાનો સમાવેશ થાય છે. જેક ફ્રેઝર મેકગર્કે 25 બોલમાં 37 રનનું યોગદાન આપ્યું. આ ત્રણેયની જબરદસ્ત બેટિંગને કારણે સાન ફ્રાન્સિસ્કોએ સરળતાથી લક્ષ્ય પ્રાપ્ત કર્યું હતું. બોલિંગમાં અગાઉ ઝેવિયર બાર્ટલેટ અને હેરિસ રૌફે 2-2 વિકેટ લીધી હતી.
The @SFOUnicorns take this one down for our first night here in Texas! The team remains undefeated at 4-0. ⚡🦄 pic.twitter.com/a9Q9cTclys
— Cognizant Major League Cricket (@MLCricket) June 21, 2025
ફાફ સિવાય ટેક્સાસના અન્ય ખેલાડીઓએ નિરાશ કર્યા
ટેક્સાસની બેટિંગની વાત કરીએ તો ફાફ ડુ પ્લેસિસ સિવાય બાકીના બધા બેટ્સમેનોએ નિરાશ કર્યા. કોનવેએ 100 ના સ્ટ્રાઇક રેટથી 23 રન બનાવ્યા હતા. Saiteja Mukkamallaએ 38 રનની ઇનિંગ રમી હતી. પ્લેસિસની સદી છતાં ટેક્સાસની ટીમ 20 ઓવરમાં ફક્ત 198 રન જ બનાવી શકી. આ મેચમાં તેમની બોલિંગ પણ ખૂબ જ નબળી રહી હતી. બધા બોલરો ખૂબ મોંઘા સાબિત થયા. એડમ મિલ્ને ટીમનો શ્રેષ્ઠ બોલર હતો, તેણે ત્રણ ઓવરમાં 24 રન આપીને 1 વિકેટ લીધી હતી.
ટોપ સ્ટોરી
ટ્રેન્ડિંગ સમાચાર
