Guinness Book એ શેર કર્યા કિંગ કોહલીના 5 રેકોર્ડ, IPL 2026 પહેલા વિરોધી ટીમમાં ફફડાટ
Guinness Book એ IPL 2026 પહેલા વિરાટ કોહલીના પાંચ રેકોર્ડ શેર કર્યા છે - એવા રેકોર્ડ જે આજ સુધી કોઈ તોડી શક્યું નથી. કિંગ કોહલીએ ખરેખર પોતાની કુશળતા સાબિત કરી છે, ગિનિસ વર્લ્ડ રેકોર્ડ્સમાંથી પણ માન્યતા મેળવી છે.
IPL 2026: આઈપીએલ 2026 (IPL 2026) પહેલા ગિનીસ બુક (Guinness Book) દ્વારા સોશિયલ મીડિયા પર એક પોસ્ટ શેર કરવામાં આવી છે, જેમાં વિરાટ કોહલીના પાંચ આઈપીએલ રેકોર્ડ્સનો ઉલ્લેખ કરવામાં આવ્યો છે. આ પોસ્ટ પરથી સ્પષ્ટ થાય છે કે ગિનીસ વર્લ્ડ રેકોર્ડ્સ પણ 'કિંગ કોહલી' ની બાદશાહતને સ્વીકારવા મજબૂર બન્યું છે. તો ચાલો જાણીએ કોહલીના એ કયા મહારેકોર્ડ્સ છે જેની ચર્ચા કરવામાં આવી છે.
વિરાટ કોહલીના મહારેકોર્ડ્સ
-
પહેલો રેકોર્ડ: કોહલી આઈપીએલ ઈતિહાસમાં સૌથી વધુ રન બનાવનાર બેટ્સમેન છે. અત્યાર સુધી તેણે કુલ 8661 રન બનાવી લીધા છે.
-
બીજો રેકોર્ડ: આઈપીએલની એક સીઝનમાં સૌથી વધુ રન બનાવવાનો રેકોર્ડ પણ કોહલીના નામે છે. 2016ની આઈપીએલમાં તેણે 973 રન ફટકાર્યા હતા.
-
ત્રીજો રેકોર્ડ: આઈપીએલ ઈતિહાસમાં સૌથી વધુ સદી ફટકારવાનો રેકોર્ડ પણ વિરાટના નામે છે. અત્યાર સુધી કોહલીએ 8 સદી ફટકારી છે.
-
ચોથો રેકોર્ડ: કોહલી આઈપીએલ ઈતિહાસમાં સૌથી વધુ ફિફ્ટી (અર્ધસદી) ફટકારનાર બેટ્સમેન પણ છે. અત્યાર સુધી તેના બેટથી 63 અર્ધસદી નીકળી ચૂકી છે.
-
પાંચમો રેકોર્ડ: ફિલ્ડિંગમાં પણ કિંગ કોહલી આગળ છે, તેણે મેદાન પર સૌથી વધુ 117 કેચ ઝડપ્યા છે.
આગામી સીઝન માટે કોહલી સજ્જ
આગામી એટલે કે 2026ની આઈપીએલ સીઝન માટે વિરાટ કોહલી પૂરેપૂરો તૈયાર દેખાઈ રહ્યો છે. સીઝનની શરૂઆત પહેલા ઇન્ટ્રા સ્ક્વોડ મેચમાં કોહલીએ શાનદાર ફોર્મનું પ્રદર્શન કર્યું છે. પ્રથમ પ્રેક્ટિસ મેચમાં તેણે 12 બોલમાં 29 રન બનાવ્યા હતા, જ્યારે બીજી મેચમાં માત્ર 19 બોલમાં 45 રનની આક્રમક ઇનિંગ રમી હતી. આ ઇનિંગ્સ પરથી સ્પષ્ટ થાય છે કે કોહલી મેદાનમાં ધમાલ મચાવવા તૈયાર છે.
Virat Kohli heads into the 2026 @IPL as the tournament's all-time leader for:
— Guinness World Records (@GWR) March 26, 2026
- Most runs (8,661)
- Most runs in a season (973 in 2016)
- Most hundreds (eight)
- Most fifties (63)
- Most catches by an outfield player (117) pic.twitter.com/m8qg1feEO1
કોહલીની આઈપીએલ કારકિર્દી
વિરાટ કોહલીની આઈપીએલ કારકિર્દીની વાત કરીએ તો, તેણે અત્યાર સુધી 267 મેચ રમી છે. આ મેચોની 259 ઇનિંગ્સમાં બેટિંગ કરતા કોહલીએ 39.54ની એવરેજ અને 132.85ના સ્ટ્રાઈક રેટથી 8661 રન બનાવ્યા છે. આ દરમિયાન તેના નામે 8 સદી અને 63 અર્ધસદી નોંધાયેલી છે, જેમાં તેનો હાઈ સ્કોર અણનમ 113* રન રહ્યો છે.
ટોપ સ્ટોરી
ટ્રેન્ડિંગ સમાચાર
