IND vs ENG: જે ખેલાડીને પ્લેઈંગ ઈલેવનમાં ન મળી જગ્યા તેમણે જ ઈંગ્લેન્ડ સામે જીતાડી મેચ, જાણો કેવી રીતે થયો આ કમાલ
IND vs ENG: હર્ષિત રાણાએ ઈંગ્લેન્ડ સામે ચોથી T20 મેચમાં રિપ્લેસમેન્ટ તરીકે ડેબ્યૂ કર્યું. તેણે પોતાની ડેબ્યૂ મેચમાં 3 વિકેટ લીધી.
Harshit Rana Concussion Controversy: ભારત વિરુદ્ધ ઇંગ્લેન્ડ ચોથી T20, જેમાં ટીમ ઇન્ડિયા ત્રણ ફેરફારો સાથે મેદાનમાં ઉતરી. ટીમમાં વાપસી કરી રહેલા શિવમ દુબેએ 34 બોલમાં 53 રનની શાનદાર ઇનિંગ રમી અને ભારતના સ્કોરને 181 સુધી પહોંચાડવામાં મહત્વપૂર્ણ ભૂમિકા ભજવી. આ દરમિયાન, બોલ તેના હેલ્મેટ પર વાગ્યો, જેના કારણે જ્યારે બોલિંગનો સમય આવ્યો, ત્યારે દુબેની જગ્યાએ હર્ષિત રાણાને ટીમમાં સામેલ કરવામાં આવ્યો. હર્ષિતે પ્લેઇંગ ઇલેવનના ભાગ રૂપે નહીં પરંતુ રિપ્લેસમેન્ટ તરીકે ડેબ્યૂ કર્યું અને 3 વિકેટ પણ લીધી. હવે આ વિચિત્ર ઘટના પર હર્ષિતની પહેલી પ્રતિક્રિયા સામે આવી છે.
એક સ્વપ્ન સાકાર થયું - હર્ષિત રાણા
ચોથી T20 માં ભારતની 15 રનની જીત બાદ હર્ષિત રાણાએ કહ્યું, "મારા માટે હજુ પણ સ્વપ્ન સાકાર થવા જેવું છે. જ્યારે દુબે પાછો આવ્યો, ત્યારે આગામી 2 ઓવર પછી મને કહેવામાં આવ્યું કે હું દુબેનું સ્થાન લેવા જઈ રહ્યો છું. હું ફક્ત આ શ્રેણી જ નહીં, હું ઘણા સમયથી એવી તકની રાહ જોઈ રહ્યો હતો કે હું સાબિત કરી શકું કે હું આ ટીમનો ભાગ બનવાને લાયક છું. મેં IPLમાં સારી બોલિંગ કરી હતી અને અહીં પણ કંઈક આવું જ કરવા માંગતો હતો. મેં પ્રયાસ કર્યો.
હર્ષિત રાણા ચર્ચામાં રહ્યો
મેચમાં હર્ષિત રાણા પહેલી વાર ચર્ચાનો વિષય બન્યો જ્યારે તેણે આઠમી ઓવરમાં કેપ્ટન જોસ બટલરનો કેચ પકડ્યો. બટલર ફક્ત 2 રન બનાવીને આઉટ થયો. તેણે લિયામ લિવિંગસ્ટોનની મહત્વપૂર્ણ વિકેટ લીધી અને પછી 6 રનના સ્કોર પર જેકબ બેથેલને આઉટ કર્યો. આ દરમિયાન, જેમી ઓવરટન ક્રીઝ પર સેટ હતો, પરંતુ હર્ષિત રાણાએ તેને ક્લીન બોલ્ડ કરીને મેચ ભારતની જીતમાં ફેરવી દીધી. રાણાએ મેચમાં 4 ઓવરમાં 33 રન આપીને 3 વિકેટ લીધી.
Concussion સબસ્ટિટ્યુટ શું છે
તમને જણાવી દઈએ કે હર્ષિત રાણા આ મેચમાં કોન્કશન સબસ્ટિટ્યુટ તરીકે ઉતર્યો હતો. આ મેચ દરમિયાન શિવમ દુબેના સ્થાને તેને ભારતીય ટીમમાં સામેલ કરવામાં આવ્યો હતો. બેટિંગ કરતી વખતે શિવમને માથામાં ઈજા થઈ હતી. ભારતીય ઇનિંગ્સની છેલ્લી ઓવરમાં, જેમી ઓવરટનનો પાંચમો બોલ શિવમના હેલ્મેટ સાથે વાગ્યો. માથામાં ઈજા થયા બાદ તેણે ફક્ત એક જ બોલનો સામનો કર્યો. બાદમાં જ્યારે ભારતીય ટીમ બોલિંગ કરવા આવી ત્યારે શિવમની જગ્યાએ ટીમમાં સ્થાન લેવામાં આવ્યું.
આ પણ વાંચો....
ઘરઆંગણે ટીમ ઈન્ડિયાનો દબદબો યથાવત: સૂર્યકુમાર યાદવની કપ્તાની હેઠળ બીજી શ્રેણી જીતી
ટોપ સ્ટોરી
ટ્રેન્ડિંગ સમાચાર
