ઓહોહો! ક્રિકેટ મેચ લાઈવ દેખાડવામાં આટલું બધું થાય છે? 700 લોકો, 40 કેમેરા અને 30 કરોડથી વધુનો ખર્ચ
ક્રિકેટ મેચનું જીવંત પ્રસારણ એક જટિલ પ્રક્રિયા છે જેમાં ઘણા કેમેરા, ક્રૂ મેમ્બર્સ અને કરોડો રૂપિયાનો ખર્ચ થાય છે.
Cricket match live broadcasting: ક્રિકેટ મેચ જોવી જેટલી રોમાંચક હોય છે, તેને ટીવી પર લાઈવ લાવવાની પ્રક્રિયા એટલી જ જટિલ અને ખર્ચાળ હોય છે. મેચની તસવીરો ગ્રાઉન્ડ પરથી તમારા ટીવી સ્ક્રીન સુધી કેવી રીતે પહોંચે છે તે જાણવું ખરેખર રસપ્રદ છે. ક્રિકેટ મેચનું નિર્માણ એક મોટી ટીમ અને અત્યાધુનિક ટેકનોલોજીની મદદથી થાય છે.
ક્રિકેટ વિશ્વની સૌથી લોકપ્રિય રમતોમાંની એક છે, ખાસ કરીને દક્ષિણ એશિયામાં તેનો ક્રેઝ અજોડ છે. ભારતમાં ક્રિકેટ મેચ દરમિયાન સ્ટેડિયમ ખીચોખીચ ભરાયેલા હોય છે, જ્યારે લાખો લોકો ઘરે બેસીને ટીવી પર મેચનો આનંદ લે છે. બોલિંગથી લઈને બેટિંગ અને ફિલ્ડિંગ સુધીની દરેક ક્ષણને અલગ-અલગ એંગલથી વિગતવાર બતાવવામાં આવે છે. પરંતુ શું તમે ક્યારેય વિચાર્યું છે કે આ બધું કેવી રીતે શક્ય બને છે?
ક્રિકેટ મેચના પ્રસારણ અધિકારો હવે અબજો રૂપિયામાં વેચાઈ રહ્યા છે, તેથી પ્રસારણની ગુણવત્તા પણ ઉચ્ચ સ્તરની હોવી જરૂરી છે. આ માટે મેદાનમાં આશરે 32 થી 40 જેટલા અત્યાધુનિક કેમેરા લગાવવામાં આવે છે. આશ્ચર્યની વાત એ છે કે આ દરેક કેમેરાની કિંમત 80 લાખ રૂપિયાથી લઈને 1 કરોડ રૂપિયા સુધીની હોઈ શકે છે. જો સરેરાશ 40 કેમેરાનો ઉપયોગ કરવામાં આવે અને દરેકની કિંમત 80 લાખ રૂપિયા ગણીએ તો, માત્ર કેમેરાનો જ ખર્ચ 32 કરોડ રૂપિયાથી વધુ થઈ જાય છે.
આ તમામ કેમેરા ઓપ્ટિકલ ફાઈબર કેબલ દ્વારા એક સબ-પ્રોડક્શન કંટ્રોલ રૂમ (PCR) સાથે જોડાયેલા હોય છે. આ પીસીઆરમાં ડાયરેક્ટરની સાથે વિઝન મિક્સર પણ હાજર હોય છે. ડાયરેક્ટરની સામે મોટી ટીવી સ્ક્રીન લગાવેલી હોય છે, જેના પર તમામ કેમેરા જે રેકોર્ડ કરી રહ્યા હોય તે દેખાય છે. ડાયરેક્ટર નક્કી કરે છે કે કયો કેમેરા એંગલ ક્યારે ટીવી પર લાઈવ બતાવવામાં આવશે. રિપ્લે માટે એક અલગ VT કોઓર્ડિનેટર પણ ત્યાં હાજર હોય છે.
જો કે, પીસીઆરની અંદર વિઝન મિક્સરનું કામ ડાયરેક્ટર કરતાં પણ વધુ મહત્વનું માનવામાં આવે છે. વિઝન મિક્સરની સામે એક મોટું કીબોર્ડ મૂકવામાં આવે છે, જેમાં 200 થી વધુ બટનો હોય છે. ડાયરેક્ટર જેમ જેમ ઓર્ડર આપે છે, તેમ તેમ વિઝન મિક્સરે તે બટનોને ખૂબ જ ઝડપથી દબાવવાના હોય છે. કહેવાય છે કે એક ક્રિકેટ મેચના નિર્માણમાં લગભગ 700 થી 800 લોકોની એક મોટી ટીમ કામ કરતી હોય છે. આ ટીમમાં કેમેરા ઓપરેટર્સ, ટેકનિશિયન્સ, સાઉન્ડ એન્જિનિયર્સ, ગ્રાફિક્સ ડિઝાઇનર્સ અને ઘણા અન્ય લોકોનો સમાવેશ થાય છે.
આમ, ક્રિકેટ મેચને તમારા ટીવી સુધી લાઈવ પહોંચાડવાની પ્રક્રિયા ખૂબ જ જટિલ, ખર્ચાળ અને ઘણા લોકોની મહેનતનું પરિણામ હોય છે.
ટોપ સ્ટોરી
ટ્રેન્ડિંગ સમાચાર
