Rajkot News: રાજકોટમાં નકલી નોટ બનાવવાના રેકેટનો થયો પર્દાફાશ

રાજકોટમાં નકલી નોટ બનાવવાના રેકેટનો થયો પર્દાફાશ. રૈયાધાર ગૌશાળા પાસે મફતિયાપરામાં પોલીસે દરોડા પાડી નૈતિક અગ્રાવત નામના શખ્સની ધરપકડ કરી. આરોપી પાસેથી 100 અને 200ના દરની 38 નકલી નોટ પોલીસે કબજે કરી. આ સાથે જ સ્થળ પરથી A-4 સાઇઝના ફુલ પેપરમા આગળ પાછળ પ્રીન્ટ કરેલા તેમજ એક સાઇડ પ્રીન્ટ કરેલા ભારતીય ચલણની રૂ.100 ના દરની નોટવાળા 35 પેપર મળી આવ્યા હતા. આ ઉપરાંત ફૂટપટ્ટી, કટર, પ્રિન્ટર અને મોબાઈલ સહિત 23 હજારથી વધુનો મુદ્દામાલ કબજે કરવામાં આવ્યો. આ શખ્સ કેટલા સમયથી ભારતીય બનાવટની નકલી ચલણી નોટનું છાપકામ કરતો હતો અને કેટલી ચલણી નોટો બજારમાં કઈ કઈ જગ્યાએ આપી સાથે જ અન્ય કોઈ શખ્સો સંડોવાયેલા છે કે નહીં તેને લઈ તપાસનો ધમધમાટ શરૂ કર્યો છે..