IND vs SA Live Score, T20 WC Final: ભારતે સાઉથ આફ્રિકાને 7 રનથી હરાવી જીત્યો ટી20 વર્લ્ડ કપ
ફાઇનલમાં પીછો કરતી ટીમો સૌથી વધુ વખત ચેમ્પિયન બની છે. 2007 બાદ ભારત તેનો બીજો ટી20 ખિતાબ જીતવા આતુર છે. વળી, દક્ષિણ આફ્રિકાની ટીમ તેના પ્રથમ વર્લ્ડકપની શોધમાં છે.
LIVE
Background
T20 World Cup Fina, IND vs SA: આઇસીસી ટી20 વર્લ્ડકપ 2024ની ફાઈનલ આજે ભારત અને દક્ષિણ આફ્રિકા વચ્ચે બાર્બાડોસના મેદાનમાં રમાશે. આ મેચમાં ટૉસની ભૂમિકા મહત્વની હોઈ શકે છે. આ ટી20 વર્લ્ડકપની નવમી એડિશન છે અને છેલ્લી આઠ એડિશનમાં ટૉસને લઈને કેટલાક પરિણામો આવ્યા છે જે તમને આશ્ચર્યચકિત કરશે. તમને જાણીને નવાઈ લાગશે કે ટૉસ જીતનારી ટીમોએ 87.5 ટકા વખત ચેમ્પિયનશિપ જીતી છે. વળી, ટૉસ હારીને માત્ર એક ટીમ ચેમ્પિયન બની છે.
એટલું જ નહીં, ફાઇનલમાં પીછો કરતી ટીમો સૌથી વધુ વખત ચેમ્પિયન બની છે. ભારત તેનું બીજું ટી20 ખિતાબ જીતવા જઈ રહ્યું છે. તેણે 2007માં પ્રથમ એડિશનમાં ટ્રોફી જીતી હતી. વળી, દક્ષિણ આફ્રિકાની ટીમ તેના પ્રથમ વર્લ્ડકપની શોધમાં છે. ચાલો એક નજર કરીએ બાર્બાડોસમાં ટૉસનો રેકોર્ડ શું રહ્યો છે અને ટી20 વર્લ્ડકપની છેલ્લી આઠ એડિશનમાં ટૉસે શું ભૂમિકા ભજવી છે...
બાર્બાડોસના કેન્સિંગ્ટન ઓવલ મેદાન પર ચાલી રહેલા ટી20 વર્લ્ડકપમાં અત્યાર સુધીમાં આઠ મેચ રમાઇ છે, જેમાંથી છમાં પરિણામ આવ્યું છે. પ્રથમ અને બીજી બેટિંગ કરનારી ટીમોએ ત્રણ-ત્રણ મેચ જીતી છે, જ્યારે એક મેચ ટાઈમાં સમાપ્ત થઈ છે. કેન્સિંગ્ટન ઓવલ ટૂર્નામેન્ટમાં ત્રીજું સૌથી વધુ સ્કોરિંગ ગ્રાઉન્ડ છે, જેમાં પ્રતિ ઓવર 7.78ના દરે રન આવે છે. સેન્ટ લૂસિયાના ડેરેન સેમી નેશનલ ક્રિકેટ સ્ટેડિયમ અને એન્ટિગુઆના સર વિવિયન રિચર્ડ્સ સ્ટેડિયમમાં જ બેટ્સમેનોએ આ ટી20 વર્લ્ડકપ એડિશનમાં બાર્બાડોસ કરતા ઝડપી દરે રન બનાવ્યા છે. આ મેદાન પર અત્યાર સુધીમાં કુલ 29 ટી20 આંતરરાષ્ટ્રીય મેચ રમાઈ છે. તેમાંથી 19માં પ્રથમ બેટિંગ કરનારી ટીમ જીતી છે. જોકે, અહીં રમાયેલી છેલ્લી બે મેચ પીછો કરતી ટીમે જીતી છે.
વિજેતાને મળશે લગભગ 20 કરોડ
ટી20 વર્લ્ડકપ 2024ની ફાઇનલમાં ભારત અને સાઉથ આફ્રિકા આમને સામને ટકરાશે અને તેમાંથી જે પણ વિજેતા બનશે તેને ભારતીય ચલણમાં લગભગ 20.4 કરોડ રૂપિયાની ઈનામી રકમ મળશે. બીજીતરફ, રનર્સ અપને આમાંથી અડધુ એટલે કે 10.6 કરોડ રૂપિયા આપવામાં આવશે. આ વર્લ્ડકપમાં સૌથી નીચું સ્થાન મેળવનારી ટીમોને પણ પૈસા આપવામાં આવશે. સેમિફાઇનલમાં હારનારી ટીમો પણ અમીર બનશે, કારણ કે તે બંને ટીમોને 6.5 કરોડ રૂપિયા મળવાના છે.
IND vs SA Final Live: ભારત બન્યું વિશ્વ વિજેતા
ટી20 વર્લ્ડકપની ફાઇનલ મેચ જીતવા ભારતે આપેલા 177 રનના ટાર્ગેટ સામે સાઉથ આફ્રિકા 20 ઓવરમાં 8 વિકેટના નુકસાન પર 169 રન બનાવી શક્યું હતું. ભારતનો 7 રનથી રોમાંચક વિજય થયો હતો. ભારત તરફથી હાર્દિક પંડ્યાએ 20 રનમાં 3 વિકેટ, જસપ્રીત બુમરાહે 18 રનમાં 2 વિકેટ તથા અર્શદીપ સિંગહે 20 રનમાં 2 વિકેટ લીધી હતી.
IND vs SA Final Live: બુમરાહે અપાવી વધુ એક સફળતા
17.4 ઓવરના અંતે સાઉથ આફ્રિકાનો સ્કોર 6 વિકેટના નુકસાન પર 156 રન છે. બુમરાહે માર્કેો જેન્સનનો બોલ્ડ કર્યો હતો. ડેવિડ મિલર 18 રને રમતમાં છે.
IND vs SA Final Live: હાર્દિક પંડ્યાએ અપાવી મોટી સફળતા
16.1 ઓવરના અંતે સાઉથ આફ્રિકાનો સ્કોર 5 વિકેટના નુકસાન પર 151 રન છે. હેનરી ક્લાસેન 27 બોલમાં 52 રન બનાવી પંડ્યાની ઓવરમાં આઉટ થયો હતો. સાઉથ આફ્રિકાને જીતવા 23 બોલમાં 26 રનની અને ભારતને 5 વિકેટની જરૂર છે.
IND vs SA Final Live: અક્ષર પટેલની ખર્ચાળ ઓવર
અક્ષર પટેલે નાંખેલી 15મી ઓવર મેચનો ટર્નિંગ પોઇન્ટ બની શકે છે. આ ઓવમાં સાઉથ આફ્રિકાએ 22 રન લીધા હતા. સાઉથ આફ્રિકાને જીતવા 30 બોલમાં 30 રનની જરૂર છે.
IND vs SA Final Live: ભારતને મળી ચોથી સફળતા
14 ઓવરના સાઉથ આફ્રિકાનો સ્કોર 4 વિકેટના નુકસાન પર 109 રન છે. અર્શદીપ સિંહે ક્વિન્ટન ડીકોકને 39 રનના અંગત સ્કોર પર કુલદીપ યાદવના હાથે કેચ આઉટ કરાવ્યો હતો. ક્લાસેન 26 અને ડેવિડ મિલર 1 રને રમતમાં છે.
ટ્રેન્ડિંગ સમાચાર
ટોપ સ્ટોરી
