IPLની વચ્ચે KKRના આ યુવા ખેલાડી પર લાગ્યો બે મેચોનો પ્રતિબંધ, ICCએ દોષી ઠેરવ્યો, જાણો શું છે મામલો....

ICCએ અમેરિકન ફાસ્ટ બૉલર અલી ખાન (Ali Khan) પર પ્રતિબંધ મુક્યો છે. અલી ખાન યુએસએમાં પ્લેઓફ ક્વૉલિફાયર મેચ દરમિયાન ICCની આચાર સંહિતાના લેવલ 1 માટે દોષિત ઠર્યો છે.

ફાઇલ તસવીર (સોશ્યલ મીડિયા પરથી)

ICC News: ક્રિકેટની દુનિયા અત્યારે ઇન્ડિયન પ્રીમિયર લીગના રોમાંચમાં ડુબી છે, ત્યારે આ બધાની વચ્ચે આઇસીસી એટલે કે આંતરરાષ્ટ્રીય ક્રિકેટ કાઉન્સિલે એક મોટો ચૂકાદો આપ્યો છે. આઇસીસીએ (ICC) IPL માં રમી રહેલા એક ખેલાડી પર 2 મેચોની મોટો પ્રતિબંધ લગાવી દીધો છે. પ્રતિબંધનું કારણ એ છે કે, આ ખેલાડી હવે એક ICCની જ એક મહત્વપૂર્ણ ટૂર્નામેન્ટમાં નહીં રમી શકે. ઉલ્લેખનીય છે કે, ICCએ જે ખેલાડી પર પ્રતિબંધ લગાવ્યો છે તેનુ નામ અલી ખાન છે. ખાસ વાત છે કે અમેરિકાનો પહેલો ક્રિકેટર છે જે આઇપીએલમાં રમી રહ્યો છે. જાણો શુ છે મામલો....

આ ખેલાડીઓ પર લાગ્યો પ્રતિબંધ - 
ICCએ અમેરિકન ફાસ્ટ બૉલર અલી ખાન (Ali Khan) પર પ્રતિબંધ મુક્યો છે. અલી ખાન યુએસએમાં પ્લેઓફ ક્વૉલિફાયર મેચ દરમિયાન ICCની આચાર સંહિતાના લેવલ 1 માટે દોષિત ઠર્યો છે. અલી ખાનને ગયા મંગળવારે વિન્ડહોકમાં જર્સી ટીમ સામે યુએસએની મેચમાં ખેલાડી અને સહ-કાર્યકરો વિરુદ્ધ ઉશ્કેરણીજનક શબ્દો અને ભાષાપ્રયોગ કે હાવભાવનો ઉપયોગ કરવા જેવી અયોગ્ય વર્તણૂક માટે દોષિત ઠેરવવામાં આવ્યો હતો. આ ICC કલમ 2.5નું ઉલ્લંઘન છે અને તેને 1 ડીમેરિટ પૉઈન્ટ આપવામાં આવ્યો છે, આ કારણોસર હવે તેના પર બે મેચનો પ્રતિબંધ મુકવામાં આવ્યો છે. ખાસ વાત છે કે, ક્રિકેટ વર્લ્ડ કપ ક્વૉલિફાયર પ્લે-ઓફ મેચ દરમિયાન ICC આચાર સંહિતાનો ભંગ કરવા બદલ ત્રણ ખેલાડીઓને દંડ ફટકારવામાં આવ્યો છે. 4 એપ્રિલે યુએસએ અને જર્સી વચ્ચે રમાયેલી મેચમાં ખેલાડીઓ વચ્ચેનો વિવાદ સામે આવ્યો હતો.

યુએસએના બે ખેલાડીઓ, અલી ખાન અને જસદીપ સિંહ અને જર્સીના ઇલિયટ માઇલ્સને હાઇ-વોલ્ટેજ મેચમાં ICC આચાર સંહિતાના લેવલ 1 ભંગ બદલ દંડ ફટકારવામાં આવ્યો છે. ખાનને ICCની આચાર સંહિતાની કલમ 2.5નો ભંગ કરવા બદલ દોષી ઠેરવવામાં આવ્યો હતો. આ અંતર્ગત એવું કહેવામાં આવ્યું છે કે આંતરરાષ્ટ્રીય મેચ દરમિયાન બેટ્સમેનને આઉટ કર્યા બાદ ભાષા, હરકતો કે હાવભાવ દ્વારા તેનું અપમાન કરવામાં આવે તો તે નિયમોની વિરુદ્ધ છે.

આગામી બે મેચમાંથી મેચ ફીના 15 ટકા દંડ ફટકારવામાં આવ્યો છે
ખાનને ડિમેરિટ પોઈન્ટ મળે છે. જેનો અર્થ છે કે તે આગામી બે મેચ T20I અથવા ODI રમી શકશે નહીં. ખાન પહેલાથી જ ત્રણ ડીમેરિટ પોઈન્ટ મેળવી ચૂક્યો છે. 24 મહિનાની અંદર કુલ ચાર ડિમેરિટ પોઈન્ટ્સ પ્રાપ્ત કર્યા પછી કલમ 7.6 અનુસાર બે મેચ સસ્પેન્શનમાં રૂપાંતરિત. તેના પર મેચ ફીના 15 ટકાનો દંડ પણ ફટકારવામાં આવ્યો છે.