ICC મહિલા ક્રિકેટ વર્લ્ડકપનું શિડ્યૂલ જાહેર, ભારત કેટલી મેચો રમશે ને કોણ કરશે કેપ્ટનશી, જાણ વિગતે

આ સીરીઝ માટે છ શહેરોને પસંદ કરવામાં આવ્યા છે. આ વિષય પર વાત કરતા આઇસીસી મહિલા ક્રિકેટ વર્લ્ડકપના સીઇઓ એન્ડ્રિયા નેલ્સને કહ્યું કે અમે આ ટૂર્નામેન્ટ કરાવવા માટે પુરી રીતે તૈયાર છીએ. જલ્દી વિશ્વને એક નવો ચેમ્પિયન મળશે

નવી દિલ્હીઃ આંતરરાષ્ટ્રીય ક્રિકેટ કાઉન્સિલે મહિલા ક્રિકેટ વર્લ્ડકપનુ શિડ્યૂલ જાહેર કરી દીધુ છે. શિડ્યૂલ અનુસાર, આ ટૂર્નામેન્ટમાં કુલ 31 મેચ રમાશે. ટૂર્નામેન્ટની પહેલી મેચ 4 માર્ચ, 2022ના રોજ વેલિંગટનના બેસિન રિઝર્વમાં રમાશે. વળી ટૂર્નામેન્ટની ફાઇનલ મેચ 3 એપ્રિલ 2022એ ન્યૂઝીલેન્ડના ક્રાઇસ્ટચર્ચના હેગલી ઓવલ ગ્રાઉન્ડ પર રમાશે. આઇસીસીએ પોતાના આધિકારિક ટ્વીટર હેન્ડલ પર આ શિડ્યૂલ વિશે જાણકારી આપી છે. આ સીરીઝ માટે છ શહેરોને પસંદ કરવામાં આવ્યા છે. આ વિષય પર વાત કરતા આઇસીસી મહિલા ક્રિકેટ વર્લ્ડકપના સીઇઓ એન્ડ્રિયા નેલ્સને કહ્યું કે અમે આ ટૂર્નામેન્ટ કરાવવા માટે પુરી રીતે તૈયાર છીએ. જલ્દી વિશ્વને એક નવો ચેમ્પિયન મળશે. નેલ્સને કહ્યું કે, હું ઇચ્છુ છુ કે લોકો આ ટૂર્નામેન્ટને વધુમાં વધુ જુએ, અને પોતાની મનપસંદ ટીમને ચીયર કરે.

ગત ચેમ્પિયન ઇંગ્લેન્ડની ટીમ 5 માર્ચથી સેડોન પાર્કમાં ચિત પ્રતિદ્વન્દ્વી ઓસ્ટ્ર્રેલિયા સામે ટૂર્નામેન્ટની શરૂઆત કરશે. જ્યારે ભારત આ વર્લ્ડકપમાં કુલ સાત મેચો રમશે. ભારતની ચાર મેચો ન્યૂઝીલેન્ડ, ઓસ્ટ્રેલિયા, સાઉથ આફ્રિકા અને ઇંગ્લેન્ડ વિરુદ્ધ છે, જ્યારે ત્રણ મેચ ક્વૉલિફાયર ટીમો સામે રમશે. મિતાલી રાજ વર્લ્ડકપમાં ભારતીય ટીમની આગેવાની કરશે.