IND vs NAM, Match Highlights: ટીમ ઇન્ડિયાની જીત સાથે વર્લ્ડકપમાંથી વિદાય, અંતિમ મેચમાં નામિબિયાને હરાવ્યું
ICC T20 WC 2021, IND vs NAM: ગઇકાલે રમાયેલી અફઘાનિસ્તાન અને ન્યૂઝીલેન્ડ વચ્ચેની મેચમાં ન્યૂઝીલેન્ડને જીત મળતાની સાથે જ ભારતીય ટીમ ટી20 વર્લ્ડકપની સેમિ ફાઇનલની રેસમાંથી બહાર ફેંકાઇ ગયુ છે.
LIVE
Background
આજે ભારત અને નામિબિયા વચ્ચે આઇસીસી ટી20 વર્લ્ડકપની મેચ રમાશે, આજની મેચ ભારતીય ટીમ માટે ખાસ મહત્વની નથી પરંતુ માત્ર ઔપચારિક રહી ગઇછે. ગઇકાલે રમાયેલી અફઘાનિસ્તાન અને ન્યૂઝીલેન્ડ વચ્ચેની મેચમાં ન્યૂઝીલેન્ડને જીત મળતાની સાથે જ ભારતીય ટીમ ટી20 વર્લ્ડકપની સેમિ ફાઇનલની રેસમાંથી બહાર ફેંકાઇ ગયુ છે. હાલમાં પૉઇન્ટ ટેબલ પર નજર કરીએ તો ભારતીય ટીમ 4 મેચમાંથી બે જીત સાથે 4 પૉઇન્ટ ધરાવે છે, જ્યારે નામિબિયા 4 મેચમાં એક જીત સાથે માત્ર 2 પૉઇન્ટ જ મેળવી શક્યુ છે, આથી આજની મેચ બન્ને ટીમો માટે માત્ર ઔપચારિક જ છે.
ટીમ ઇન્ડિયાની અંતિમ મેચમાં જીત
ટીમ ઇન્ડિયાએ જીત સાથે ટી-20 વર્લ્ડકપમાંથી વિદાય લીધી હતી. ટીમ ઇન્ડિયાએ નામિબિયાને વ વિકેટે હરાવ્યું હતું. લોકેશ રાહુલ 54 અને સૂર્યકુમાર યાદવ 25 રન પર અણનમ રહ્યા હતા. આ અગાઉ રોહિત શર્મા 56 રન બનાવી આઉટ થયો હતો.
રોહિત શર્મા 56 રન બનાવી આઉટ
ટીમ ઇન્ડિયા જીતની નજીક પહોંચી ગઇ છે. ટીમ ઇન્ડિયા 10 ઓવર બાદ 87 રનમાં એક વિકેટ ગુમાવી દીધી છે. રોહિત શર્મા 37 બોલમાં આક્રમક 56 રન ફટકારી આઉટ થયો હતો. તેણે સાત ચોગ્ગા અને બે સિક્સ ફટકારી હતી.
જાડેજા-અશ્વિને ત્રણ-ત્રણ વિકેટ ઝડપી
નામિબિયાએ 20 ઓવરમાં આઠ વિકેટ ગુમાવી 132 રન ફટકાર્યા હતા. ટીમ ઇન્ડિયા તરફથી રવિન્દ્ર જાડેજા અને આર.અશ્વિને ત્રણ-ત્રણ વિકેટ ઝડપી હતી. બુમરાહે બે વિકેટ ઝડપી હતી. ભારતને જીત માટે 133 રનનો ટાર્ગેટ મળ્યો હતો.
અશ્વિન-જાડેજાએ ત્રણ-ત્રણ ઝડપી
નામિબિયાની ટીમે 93 રનમાં છ વિકેટ ગુમાવી દીધી છે. ભારત તરફથી આર.અશ્વિન અને જાડેજાએ ત્રણ-ત્રણ વિકેટ ઝડપી છે. જ્યારે બુમરાહે એક વિકેટ ઝડપી છે.
ભારતીય બોલરોનો સારો દેખાવ
આર.અશ્વિને નિકોલ લોફ્ટી-ઇટનને પાંચ રનમાં આઉટ કર્યો હતો. નામિબિયાએ 10 ઓવરમાં 51 રનમાં ચાર વિકેટ ગુમાવી દીધી છે. અશ્વિન અને બુમરાહે એક-એક વિકેટ જ્યારે જાડેજાએ બે વિકેટ ઝડપી છે.
ટ્રેન્ડિંગ સમાચાર
ટોપ સ્ટોરી
