IML 2025: મેદાન પર સચિન-લારા વચ્ચે જંગ, આવતીકાલે રમાશે ઇન્ડિયા અને વેસ્ટ ઇન્ડિઝ વચ્ચે ચેમ્પિયન બનવા ફાઇનલ
IML 2025: ઈન્ડિયા માસ્ટર્સ ટીમ પહેલાથી જ ફાઇનલમાં પહોંચી ગઈ છે અને હવે તેઓ 16 માર્ચે વેસ્ટ ઈન્ડિઝ માસ્ટર્સ સામે ટકરાશે
IML 2025: ઇન્ટરનેશનલ માસ્ટર્સ લીગ (IML) ની બીજી સેમિફાઇનલ 14 માર્ચે શહીદ વીર નારાયણ સિંહ ઇન્ટરનેશનલ સ્ટેડિયમ, રાયપુર ખાતે રમાઈ હતી. આ રોમાંચક મેચમાં વેસ્ટ ઈન્ડિઝ માસ્ટર્સ ટીમે 6 રનથી રોમાંચક જીત નોંધાવી અને ફાઇનલમાં પ્રવેશ કર્યો. ઈન્ડિયા માસ્ટર્સ ટીમ પહેલાથી જ ફાઇનલમાં પહોંચી ગઈ છે અને હવે તેઓ 16 માર્ચે વેસ્ટ ઈન્ડિઝ માસ્ટર્સ સામે ટકરાશે. આ મેચમાં પ્રથમ બેટિંગ કરતા વેસ્ટ ઈન્ડિઝ માસ્ટર્સ ટીમે 5 વિકેટ ગુમાવીને 179 રન બનાવ્યા હતા. જવાબમાં, શ્રીલંકા માસ્ટર્સની ટીમ 20 ઓવર સુધી બેટિંગ કર્યા પછી 9 વિકેટ ગુમાવીને માત્ર 173 રન જ બનાવી શકી.
દિનેશ રામદીન અને ચેડવિક વૉલ્ટ્સને રમી સારી ઇનિંગ
પહેલા બેટિંગ કરવા આવેલી વેસ્ટ ઇન્ડીઝ માસ્ટર્સની શરૂઆત ખૂબ જ ખરાબ રહી. પહેલી જ ઓવરમાં ઓપનર ડ્વેન સ્મિથ ખાતું ખોલાવ્યા વિના પેવેલિયન પરત ફર્યો. તે પછી, વિલિયમ પર્કિન્સ અને લેન્ડલ સિમન્સે ટીમનો સ્કોર 44 સુધી પહોંચાડ્યો, ત્યારબાદ ટીમને બીજો આંચકો લાગ્યો. સિમન્સ ૧૨ બોલમાં ૧૭ રન બનાવીને આઉટ થયો હતો, ત્યારબાદ તરત જ પર્કિન્સ પણ ૩૦ બોલમાં ૨૪ રનની ધીમી ઇનિંગ રમીને આઉટ થયો હતો. ત્યારબાદ કેપ્ટન બ્રાયન લારાએ ઇનિંગ્સની કમાન સંભાળી, તે 33 બોલમાં 41 રન બનાવીને રિટાયર્ડ હર્ટ થયો. નીચે ક્રમે આવતા દિનેશ રામદીન અને ચેડવિક વોલ્ટને ઝડપી ઇનિંગ્સ રમીને ટીમને 179 રનના સ્કોર સુધી પહોંચાડી દીધી. રામદીન ૨૨ બોલમાં ૫૦ રન બનાવીને અણનમ રહ્યો. તેણે પોતાની ઇનિંગમાં ચાર ચોગ્ગા અને ત્રણ છગ્ગા ફટકાર્યા. તે જ સમયે, વોલ્ટને 20 બોલમાં 31 રનની સારી ઇનિંગ રમી.
બેકાર ગઇ ગુણારત્નેએ રમી અર્ધશતકીય ઇનિંગ
૧૮૦ રનના લક્ષ્યાંકનો પીછો કરતી વખતે શ્રીલંકા માસ્ટર્સને સારી શરૂઆત મળી. કુમાર સંગાકારા અને ઉપુલ થરંગાએ પ્રથમ વિકેટ માટે 31 રન જોડ્યા. સંગાકારા ૧૫ બોલમાં ૧૭ રન બનાવીને આઉટ થયો હતો. તેમના આઉટ થયા પછી લાહિરુ થિરિમાને બેટિંગ કરવા આવ્યા અને 7 બોલમાં ફક્ત 9 રન બનાવી શક્યા. થરંગા પણ ૫૭ રનના સ્કોર પર આઉટ થયો. તેના આઉટ થયા પછી, એશ્લે ગુણારત્ને એક છેડો પકડી રાખ્યો પરંતુ તેને બીજા છેડેથી કોઈ ટેકો મળ્યો નહીં. છેલ્લી ઓવરમાં શ્રીલંકા માસ્ટર્સને જીતવા માટે 15 રનની જરૂર હતી, પરંતુ તેમની ટીમ ફક્ત 8 રન જ બનાવી શકી. ગુણરત્ને ૪૨ બોલમાં ૬૬ રન બનાવ્યા બાદ અણનમ રહ્યા અને ટીમ માટે સૌથી વધુ રન બનાવનાર ખેલાડી રહ્યા. વેસ્ટ ઈન્ડિઝ ટીમ તરફથી ટીનો બેસ્ટે સૌથી વધુ 4 વિકેટ લીધી. જ્યારે ડ્વેન સ્મિથે બે વિકેટ લીધી.
ટોપ સ્ટોરી
ટ્રેન્ડિંગ સમાચાર
