IND vs AUS : ભારતે ઓસ્ટ્રેલિયાને હરાવી સેમિફાઇનલમાં જગ્યા બનાવી
T20 વર્લ્ડ કપના ઈતિહાસમાં અત્યાર સુધી ભારત અને ઓસ્ટ્રેલિયા વચ્ચે પાંચ મેચ રમાઈ છે. આ દરમિયાન ટીમ ઈન્ડિયાએ ત્રણ વખત કાંગારૂઓને હરાવ્યા છે.
LIVE
Background
Australia vs India, 51st Match, Super 8 Group 1: 2024 T20 વર્લ્ડ કપમાં આજે ભારત અને ઓસ્ટ્રેલિયા વચ્ચે મુકાબલો છે. ભારતીય સમય અનુસાર, આ મેચનો ટોસ સાંજે 7:30 વાગ્યે થશે, જ્યારે મેચ રાત્રે 8 વાગ્યે શરૂ થશે. બંને ટીમો વચ્ચેની આ મેચ સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં રમાશે. ચિંતાની વાત એ છે કે સેન્ટ લુસિયામાં ગઈકાલે એટલે કે રવિવારથી અવાર-નવાર વરસાદ પડી રહ્યો છે. આજે પણ અહીં વાદળછાયું વાતાવરણ છે અને પુષ્કળ વરસાદ પડ્યો છે.
રવિવારથી સેન્ટ લુસિયામાંથી વરસાદના વીડિયો સામે આવી રહ્યા છે અને હવે મેચના પાંચ કલાક પહેલા જ ત્યાં જોરદાર વરસાદ પડી રહ્યો છે, જેને જોતા એવું લાગી રહ્યું છે કે ભારત અને ઓસ્ટ્રેલિયા વચ્ચેની મેચ ટોસ વગર જ રદ્દ થઈ શકે છે. જો કે જો આ મેચ રદ્દ થશે તો ઓસ્ટ્રેલિયાની સેમીફાઈનલની આશાને મોટો ફટકો પડશે.
ટીમ ઈન્ડિયા આગળ છે
T20 વર્લ્ડ કપના ઈતિહાસમાં અત્યાર સુધી ભારત અને ઓસ્ટ્રેલિયા વચ્ચે પાંચ મેચ રમાઈ છે. આ દરમિયાન ટીમ ઈન્ડિયાએ ત્રણ વખત કાંગારૂઓને હરાવ્યા છે. ઓસ્ટ્રેલિયા બે વખત જીત્યું છે. જો કે ઓસ્ટ્રેલિયન ટીમ 2021 T20 વર્લ્ડ કપની વિજેતા પણ છે.
જો ભારત-ઓસ્ટ્રેલિયા મેચ રદ્દ થાય તો...
જો ભારત અને ઓસ્ટ્રેલિયા વચ્ચેની મેચ વરસાદના કારણે રદ્દ થશે તો ટીમ ઈન્ડિયા સેમીફાઈનલમાં પહોંચી જશે. કાંગારૂઓએ અફઘાનિસ્તાન સામે બાંગ્લાદેશની જીત માટે પ્રાર્થના કરવી પડશે. જો અફઘાનિસ્તાન બાંગ્લાદેશને હરાવશે તો તે સેમિફાઇનલમાં પહોંચી જશે.
સુપર-8માં ભારતે બે મેચ જીતી છે
ટીમ ઈન્ડિયાએ સુપર-8માં તેની શરૂઆતની બંને મેચ જીતી છે. ભારતે અફઘાનિસ્તાન સામેની પ્રથમ મેચ અને બાંગ્લાદેશ સામેની બીજી મેચ જીતી લીધી હતી, ત્યારબાદ તેનું સેમીફાઈનલમાં પહોંચવું લગભગ નિશ્ચિત છે. હવે જો ઓસ્ટ્રેલિયા સામેની મેચ રદ્દ થશે તો બંને ટીમોને એક-એક પોઈન્ટ મળશે. આવી સ્થિતિમાં ભારતીય ટીમ પાંચ પોઈન્ટ સાથે સેમીફાઈનલમાં પ્રવેશ કરશે.
IND vs AUS : ભારતે ઓસ્ટ્રેલિયા સામે જીત મેળવી
ટીમ ઈન્ડિયાએ ઓસ્ટ્રેલિયાને હરાવીને સેમી ફાઈનલમાં જગ્યા બનાવી છે. ઓસ્ટ્રેલિયા સામે ટીમ ઈન્ડિયાએ 24 રને જીત મેળવી છે. શાનદાર મુકાબલમાં પ્રથમ બેટિંગ કરતા ટીમ ઈન્ડિયાએ 205 રન બનાવ્યા હતા. જેમાં રોહિત શર્માએ 92 રનની તોફાની ઈનિંગ રમી હતી. 206 રનના લક્ષ્યાંકનો પીછો કરવા ઉતરેલી ઓસ્ટ્રેલિયાની ટીમની શરુઆત સારી રહી હતી. ટ્રેવિસ હેડે 76 રનની શાનદાર ઈનિંગ રમી હતી. પરંતુ બાદમાં ઓસ્ટ્રેલિયાની વિકેટ સતત પડી હતી. ઓસ્ટ્રેલિયા 20 ઓવરમાં 7 વિકેટ ગુમાવીને 181 રન બનાવી શક્યું.
IND vs AUS લાઇવ સ્કોર: ઓસ્ટ્રેલિયાને 36 બોલમાં 71 રનની જરૂર છે
14 ઓવર પછી ઓસ્ટ્રેલિયાનો સ્કોર 3 વિકેટે 135 રન છે. ટ્રેવિસ હેડ 35 બોલમાં 68 રન બનાવીને રમતમાં છે. અત્યાર સુધીમાં તેણે 8 ચોગ્ગા અને 4 છગ્ગા ફટકાર્યા છે. જ્યારે માર્કસ સ્ટોઈનિસ ત્રણ બોલમાં બે રન પર છે. ઓસ્ટ્રેલિયાને 36 બોલમાં 71 રનની જરૂર છે.
IND vs AUS: ઓસ્ટ્રેલિયાને બીજો ઝટકો
કુલદીપ યાદવે ઓસ્ટ્રેલિયાને બીજો ઝટકો આપ્યો હતો. તેણે મિશેલ માર્શને 87 રનના સ્કોર પર અક્ષર પટેલના હાથે કેચ આઉટ કરાવ્યો હતો. તે 28 બોલમાં 37 રન બનાવીને આઉટ થયો હતો. ગ્લેન મેક્સવેલ ચોથા નંબર પર બેટિંગ કરવા આવ્યો છે.
IND vs AUS: પાવરપ્લે સમાપ્ત, ઓસ્ટ્રેલિયાનો સ્કોર 65/1
પાવરપ્લે સમાપ્ત થઈ ગયો છે. ઓસ્ટ્રેલિયાએ છ ઓવરમાં એક વિકેટે 65 રન બનાવ્યા છે. હેડ (26) અને માર્શ (31) રનના જોરદાર પ્રદર્શન સાથે મેદાન પર છે. બંને ખૂબ જ સારી બેટિંગ કરી રહ્યા છે.
Live Score IND vs AUS : ઓસ્ટ્રેલિયાને પહેલો ફટકો લાગ્યો
ઓસ્ટ્રેલિયાને પહેલો ફટકો છ રનના સ્કોર પર લાગ્યો હતો. અર્શદીપ સિંહે ડેવિડ વોર્નરને આઉટ કર્યો હતો. તે માત્ર છ રન બનાવી શક્યો હતો. કેપ્ટન મિશેલ માર્શ ત્રીજા નંબર પર બેટિંગ કરવા આવ્યો છે. ટ્રેવિસ હેડ તેને સપોર્ટ કરવા માટે ક્રિઝ પર હાજર છે.