SA vs AFG Semi Final: સેમિફાઇનલની હારે તોડ્યું દિલ, અફઘાનિસ્તાનના ડ્રેસિંગ રૂમમાં માતમ

અફઘાનિસ્તાનની હાર બાદ ડ્રેસિંગ રૂમનું વાતાવરણ એકદમ ઉદાસ દેખાઈ રહ્યું હતું. સેમિફાઈનલમાં હાર બાદ ખેલાડીઓ ઉદાસ થઈ ગયા હતા.

ફોટોઃ X

અફઘાનિસ્તાનની હાર બાદ ડ્રેસિંગ રૂમનું વાતાવરણ એકદમ ઉદાસ દેખાઈ રહ્યું હતું. સેમિફાઈનલમાં હાર બાદ ખેલાડીઓ ઉદાસ થઈ ગયા હતા.

T20 વર્લ્ડ કપ 2024ની સેમિફાઇનલમાં અફઘાનિસ્તાનને હારનો સામનો કરવો પડ્યો હતો. ફાઈનલમાં પહોંચવાનું તેનું સપનું ચકનાચૂર થઈ ગયું. અફઘાનિસ્તાને આ T20 વર્લ્ડ કપમાં શાનદાર પ્રદર્શન કર્યું હતું. પરંતુ સેમિફાઇનલમાં તેના બેટ્સમેનોનું પ્રદર્શન કંગાળ રહ્યું હતું. આ હાર બાદ ટીમના ડ્રેસિંગ રૂમમાં માતમ છવાઇ ગયો હતો

અફઘાનિસ્તાનની હાર બાદ કેપ્ટન રાશિદ ખાન સહિત બાકીના ખેલાડીઓ દુઃખી થઈ ગયા હતા. ખેલાડીઓના ચહેરા પર દુઃખ સ્પષ્ટ દેખાતું હતુ. અફઘાન ખેલાડીઓની આંખો પણ ભીની થઇ ગઇ હતી

આ T20 વર્લ્ડ કપમાં અફઘાનિસ્તાન માટે ફઝલ હક ફારૂકીએ શાનદાર પ્રદર્શન કર્યું હતું. તેણે 8 મેચમાં 17 વિકેટ લીધી છે. તે ટૂર્નામેન્ટમાં સૌથી વધુ વિકેટ લેનાર બોલર હતો. પરંતુ તે પણ ટીમને જીત અપાવી શક્યો ન હતો.

સેમિફાઇનલમાં અફઘાનિસ્તાનની બેટિંગ ફ્લોપ રહી હતી. આખી ટીમ 56 રનના સ્કોર પર સમેટાઈ ગઈ હતી. જવાબમાં દક્ષિણ આફ્રિકાએ 1 વિકેટ ગુમાવીને મેચ જીતી લીધી હતી.

આ વખતે અફઘાનિસ્તાને ટૂર્નામેન્ટમાં ન્યૂઝીલેન્ડ અને ઓસ્ટ્રેલિયા જેવી મોટી ટીમોને હાર આપી છે. પરંતુ ટીમે સાઉથ આફ્રિકા સામે સરેન્ડર કર્યું હતું.

અફઘાનિસ્તાન સુપર 8 ના ગ્રુપ 1 માં હતું. તેણે સુપર 8ની ત્રણમાંથી બે મેચ જીતી હતી. અફઘાન ટીમને ભારત સામે હારનો સામનો કરવો પડ્યો હતો.