IND vs AUS: વનડે સિરીઝ પહેલા ઓસ્ટ્રેલિયન ખેલાડીઓની અવળચંડાઈ! 'નો હેન્ડશેક' વિવાદની ઉડાવી મજાક, વીડિયો વાયરલ
IND vs AUS ODI 2025: ભારત સામેની ODI શ્રેણી પહેલા ઓસ્ટ્રેલિયન ખેલાડીઓનો એક વીડિયો વાયરલ થઈ રહ્યો છે. તેમાં, તેઓ ટીમ ઈન્ડિયાના પાકિસ્તાની ખેલાડીઓ સાથે હાથ ન મિલાવવાના નિર્ણયની મજાક ઉડાવી રહ્યા છે.
IND vs AUS ODI 2025: ભારતીય ક્રિકેટ ટીમ ઓડીઆઈ શ્રેણી માટે ઓસ્ટ્રેલિયા રવાના થઈ ગઈ છે, જેની પહેલી મેચ 19 ઓક્ટોબરે પર્થમાં રમાશે. પ્રવાસ પહેલા, ઓસ્ટ્રેલિયન ખેલાડીઓનો એક વીડિયો સોશિયલ મીડિયા પર વાયરલ થઈ રહ્યો છે જેમાં તેઓ ભારતીય ખેલાડીઓના પાકિસ્તાની ખેલાડીઓ સાથે હાથ ન મિલાવવાના નિર્ણયની મજાક ઉડાવતા હોય છે. એશિયા કપ 2025 દરમિયાન, સૂર્યકુમાર યાદવ અને તેમની ટીમે પાકિસ્તાન સામે રમવાનો નિર્ણય લીધો હતો પરંતુ તેમની સાથે હાથ ન મિલાવવાનો નિર્ણય લીધો હતો. જોકે, આ નિર્ણય ફક્ત પાકિસ્તાન પૂરતો મર્યાદિત હતો, અને ભારતીય ખેલાડીઓએ અન્ય ટીમોના ખેલાડીઓ સાથે હાથ મિલાવ્યા હતા અને મુલાકાત પણ કરી હતી.
AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
ટીમ ઈન્ડિયાનો આ નિર્ણય ખેલાડીઓની લાગણીઓ પર આધારિત હતો, કારણ કે તેઓ ભારતમાં આતંકવાદ ફેલાવતા દેશના ખેલાડીઓ સાથે હાથ મેળવવ માગતા ન હતા. તે પહેલગામ હુમલાના વિરોધમાં પણ હતો. જોકે, ઓસ્ટ્રેલિયન ખેલાડીઓએ તેની મજાક ઉડાવી અને તેનો એક વીડિયો શેર કર્યો. ભારત ઓસ્ટ્રેલિયા પ્રવાસ પર કુલ આઠ મેચ રમશે. ત્રણ વનડે પછી પાંચ મેચની ટી20 શ્રેણી રમાશે.
ઓસ્ટ્રેલિયન ખેલાડીઓએ તેની મજાક ઉડાવી!
આ વીડિયો કાયો સ્પોર્ટ્સના સોશિયલ મીડિયા પેજ પર શેર કરવામાં આવ્યો હતો. તેમાં, એન્કર કહે છે, "આપણે બધા જાણીએ છીએ કે ભારત જીત તરફ આગળ વધી રહ્યું છે, પરંતુ આપણે એક મોટી નબળાઈ ઓળખી છે. આપણે જાણીએ છીએ કે તેઓ પરંપરાગત હાથ મિલાવવાના ચાહક નથી, તેથી આપણે તેમને આ રીતે રોકી શકીએ છીએ." ઓસ્ટ્રેલિયન ખેલાડીઓએ આનો જવાબ એક વીડિયો બનાવીને આપ્યો. એક મહિલા ક્રિકેટરે તો ખોટો હાવભાવ પણ કર્યો, જેને બ્લર કરવો પડ્યો. મેક્સવેલ, મિશેલ માર્શ અને એલિસા હીલી જેવા ક્રિકેટરો પણ વીડિયોમાં દેખાયા અને ભારતીય ખેલાડીઓનું સ્વાગત કરવાની રીતો સૂચવી.
ભારત વિરુદ્ધ ઓસ્ટ્રેલિયા ODI ટીમ
ટીમ ઇન્ડિયા: શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (ઉપ-કેપ્ટન), અક્ષર પટેલ, કેએલ રાહુલ (વિકેટકીપર), નીતિશ કુમાર રેડ્ડી, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ સિરાજ, અર્શદીપ સિંહ, પ્રસિદ્ધ કૃષ્ણા, ધ્રુવ જુરેલ (વિકેટકીપર), યશસ્વી જયસ્વાલ.
ઓસ્ટ્રેલિયા: મિશેલ માર્શ (કેપ્ટન), ઝેવિયર બાર્ટલેટ, એલેક્સ કેરી, કૂપર કોનોલી, બેન ડ્વાશુઇસ, નાથન એલિસ, કેમેરોન ગ્રીન, જોશ હેઝલવુડ, ટ્રેવિસ હેડ, મિશેલ ઓવેન, મેટ રેનશો, મેથ્યુ શોર્ટ, મિશેલ સ્ટાર્ક, મેથ્યુ કુનેમેન અને જોશ ફિલિપ.
ટોપ સ્ટોરી
ટ્રેન્ડિંગ સમાચાર
