IND vs AUS WTC Final 2023 Day 2: ઓસ્ટ્રેલિયાના નામે રહ્યો ટેસ્ટનો બીજો દિવસ, 151 રનમાં ભારતે 5 વિકેટ ગુમાવી
ICC World Test Championship Final 2023: વર્લ્ડ ટેસ્ટ ચેમ્પિયનશિપની ફાઈનલ મેચ ભારત અને ઓસ્ટ્રેલિયા વચ્ચે લંડનના કેનિંગ્ટન ઓવલ ખાતે રમાઈ રહી છે. આજે ફાઈનલ મેચનો બીજો દિવસ છે.
LIVE
Background
ICC World Test Championship Final 2023: વર્લ્ડ ટેસ્ટ ચેમ્પિયનશિપની ફાઈનલ મેચ ભારત અને ઓસ્ટ્રેલિયા વચ્ચે લંડનના કેનિંગ્ટન ઓવલ ખાતે રમાઈ રહી છે. આજે ફાઈનલ મેચનો બીજો દિવસ છે. પ્રથમ દિવસ ઓસ્ટ્રેલિયન ટીમના નામે રહ્યો હતો. પરંતુ આજે ટીમ ઈન્ડિયા વાપસી કરવા ઈચ્છશે.
ફાઈનલ મેચનો પ્રથમ દિવસ ઓસ્ટ્રેલિયન ટીમના નામે રહ્યો હતો. પ્રથમ દિવસની રમત પૂરી થયા બાદ કાંગારૂઓનો સ્કોર ત્રણ વિકેટે 327 રન છે. સ્ટમ્પ સમયે ટ્રેવિસ હેડ 146 અને સ્ટીવ સ્મિથ 95 રને અણનમ પરત ફર્યા હતા.
જોકે, એક સમયે ભારતે ઓસ્ટ્રેલિયા સામે માત્ર 76 રનમાં ત્રણ વિકેટ ગુમાવી દીધી હતી. પરંતુ ત્યારબાદ કાંગારૂઓએ જોરદાર વાપસી કરી હતી અને સમગ્ર દિવસ દરમિયાન એકપણ વિકેટ ગુમાવી ન હતી. આ દરમિયાન ટ્રેવિસ હેડે આક્રમક બેટિંગ કરી હતી અને સ્મિથે સંયમ સાથે રમતા એક છેડો જાળવી રાખ્યો હતો.
બીજા દિવસની રમત સમાપ્ત, ભારત ઓસ્ટ્રેલિયાથી 318 રન પાછળ
ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની અંતિમ મેચ લંડનમાં રમાઈ રહી છે. મેચનો બીજો દિવસ પણ ઓસ્ટ્રેલિયાના નામે રહ્યો હતો. ભારતે પ્રથમ દાવમાં 5 વિકેટ ગુમાવીને 151 રન બનાવ્યા છે. તે ઓસ્ટ્રેલિયાથી 318 રન પાછળ છે. ઓસ્ટ્રેલિયાએ પ્રથમ દાવમાં 469 રન બનાવ્યા હતા.
ટીમ ઈન્ડિયાને પાંચમો ફટકો, જાડેજા આઉટ
ભારતની પાંચમી વિકેટ જાડેજાના રૂપમાં પડી હતી. તે 51 બોલમાં 7 ચોગ્ગા અને એક છગ્ગાની મદદથી 48 રન બનાવીને આઉટ થયો હતો. જાડેજાના આઉટ થયા બાદ શ્રીકર ભરત બેટિંગ કરવા આવ્યો છે. રહાણે 27 રન બનાવીને રમી રહ્યો છે. ભારતે 35 ઓવરમાં 142 રન બનાવ્યા છે.
ભારતે 24 ઓવરમાં 98 રન બનાવ્યા
ભારતે 24 ઓવરમાં 4 વિકેટ ગુમાવીને 98 રન બનાવ્યા છે. અજિંક્ય રહાણે 31 બોલમાં 17 રન બનાવીને રમી રહ્યો છે જ્યારે રવિન્દ્ર જાડેજા 21 બોલમાં 18 રન બનાવીને રમી રહ્યો છે.
ટીમ ઈન્ડિયાને લાગ્યો ચોથો ઝટકો
ટીમ ઈન્ડિયાને ચોથો ઝટકો લાગ્યો છે. વિરાટ કોહલી 14 રન બનાવી આઉટ થયો છે. આ પહેલા ચેતેશ્વર પૂજારા પણ 14 રન બનાવી આઉટ થયો હતો. હાલમાં ટીમ ઈન્ડિયાએ 4 વિકેટના નુકસાને 72 રન બનાવી લીધા છે. રહાણે અને જાડેજા ક્રિઝ પર છે.
ભારતે 8 ઓવરમાં 35 રન બનાવ્યા
ભારતે 8 ઓવરમાં 2 વિકેટ ગુમાવીને 35 રન બનાવ્યા છે. વિરાટ કોહલી 4 રન બનાવીને રમી રહ્યો છે. ચેતેશ્વર પૂજારા એક રન બનાવીને ક્રિઝ પર ઊભો છે.
ટ્રેન્ડિંગ સમાચાર
ટોપ સ્ટોરી
