IND vs BAN 3rd ODI LIVE: બાંગ્લાદેશ મુશ્કેલીમાં, અડધી ટીમ પેવેલિયન ભેગી થઇ
IND vs BAN 3rd ODI Score LIVE Updates: ભારત અને બાંગ્લાદેશ વચ્ચે આજે ચટગાંવના ઝહૂર અહેમદ ચૌધરી સ્ટેડિયમમાં ત્રીજી વનડે મેચ રમાઇ રહી છે.
LIVE
Background
IND vs BAN 3rd ODI Score LIVE Updates: ભારત અને બાંગ્લાદેશ વચ્ચે આજે ચટગાંવના ઝહૂર અહેમદ ચૌધરી સ્ટેડિયમમાં ત્રીજી વનડે મેચ રમાઇ રહી છે. બાંગ્લાદેશની ટીમે ટૉસ જીતીને પહેલા ફિલ્ડિંગ કરવાનો ફેંસલો કર્યો છે, જ્યારે ટીમ ઇન્ડિયાને પહેલી બેટિંગ મળી છે.
બાંગ્લાદેશનો સ્કૉર 100 રનને પાર
બાંગ્લાદેશની ટીમે 100 રનનો આંકડો પાર કરી લીધો છે, 19 ઓવર બાદ ટીમનો સ્કૉર 3 વિકેટના નુકશાને 106 રન પર પહોંચ્યો છે. અત્યારે યાસિર અલી 25 અને શાકિબ અલ હસન 35 રન બનાવીને ક્રિઝ પર છે.
બાંગ્લાદેશની મુશ્કેલીઓ વધી
બીજી ઇનિંગમાં બેટિંગ કરવા ઉતરેલી બાંગ્લાદેશની ટીમની મુશ્કેલી વધી ગઇ છે, ટીમે શરૂઆતની બન્ને વિકેટો સસ્તાં ગુમાવી દીધી છે, પહેલા અક્ષર પટેલે અનામૂલ હકને 8 રને આઉટ કર્યો હતો, ત્યારબાદ મોહમ્મદ સિરાજે કેપ્ટન લિટન દાસને 29 રનના અંગત સ્કૉર પર પેવેલિયન મોકલી દીધો છે. જોકે, અત્યારે ટીમનો સ્કૉર 50 રનને પાર પહોંચી ગયો છે.
બાંગ્લાદેશનો સ્કૉર 50 રનને પાર
410 રનોના લક્ષ્યનો પીછો કરવા ઉતરેલી બાંગ્લાદેશની ટીમનો સ્કૉર 50 રનને પાર પહોંચી ગયો છે. 10 ઓવર બાદ બાંગ્લાદેશનો સ્કૉર 2 વિકેટના નુકશાને 66 રન પર પહોંચ્યો છે. અત્યારે શાકિબ અલ હસન 23 રન અને મુસ્તફિકૂર રહીમ 4 રન બનાવીને ક્રિઝ પર છે.
બાંગ્લાદેશના તમામ બૉલરો ધોવાયા
બાંગ્લાદેશની વાત કરીએ તો બાંગ્લાદેશ તરફથી તમામ બૉલરોની ખુબ ધુલાઇ જોવા મળી હતી. બાંગ્લાદેશ તરફથી તસ્કીન અહેમદ, ઇબાદત હૌસેન અને શાકીબ અલ હસન જ 2-2 વિકેટો ઝડપવામાં સફળ રહ્યાં હતા. જ્યારે રહેમાન અને મેદહી હસનને 1-1 વિકેટો મળી હતી.
બાંગ્લાદેશને આપ્યો 410 રનોનો વિશાળ લક્ષ્યાંક
ભારતીય ટીમે પ્રથમ બેટિંગ કરતા શાનદાર પરફોર્મન્સ આપ્યુ છે, નિર્ધારિત 50 ઓવરના અંતે 8 વિકેટો ગુમાવીને 409 રન બનાવ્યા છે, આ સાથે બાંગ્લાદેશની ત્રીજી વનડેમાં જીત માટે 410 રનોનો વિશાળ લક્ષ્યાંક મળી ગયો છે, ભારત તરફથી ઇશાન કિશાને બેવડી સદી અને વિરાટ કોહલી સદી ફટકારીને ટીમને મજબૂત સ્થિતિમાં પહોંચાડી દીધી હતી.
ટ્રેન્ડિંગ સમાચાર
ટોપ સ્ટોરી
