IND vs ENG 2nd T20: બેટિંગમાં ફ્લોપ રહેલા વિરાટ કોહલીએ ફિલ્ડીંગ દરમિયાન ડાન્સ કર્યો, વીડિયો વાયરલ

ભારત અને ઈંગ્લેન્ડ વચ્ચે 3 T20 મેચોની સિરીઝ રમાઈ રહી છે. ભારતે પ્રથમ બે મેચ જીતીને ટી-20 શ્રેણી જીતી લીધી છે. ભારતે શ્રેણીની પ્રથમ મેચ 50 રને અને બીજી મેચ 49 રને જીતી હતી.

વિરાટ કોહલી

India Vs England: ભારતીય ટીમ હાલના દિવસોમાં ઈંગ્લેન્ડના પ્રવાસે છે. અહીં બંને ટીમો વચ્ચે 3 T20 મેચોની સિરીઝ રમાઈ રહી છે. ભારતે પ્રથમ બે મેચ જીતીને ટી-20 શ્રેણી જીતી લીધી છે. ભારતે શ્રેણીની પ્રથમ મેચ 50 રને અને બીજી મેચ 49 રને જીતી હતી. બીજી મેચમાં ટોસ હાર્યા બાદ પ્રથમ બેટિંગ કરતા ભારતે 8 વિકેટે 170 રન બનાવ્યા હતા. જવાબમાં ઈંગ્લેન્ડની ટીમ 121 રનમાં જ સમેટાઈ ગઈ હતી.

સોશિયલ મીડિયા પર વીડિયો વાયરલઃ
બીજી T20માં પૂર્વ ભારતીય કેપ્ટન વિરાટ કોહલી સંપૂર્ણપણે નિષ્ફળ રહ્યો હતો. તેણે ફક્ત 3 બોલમાં 1 રન બનાવ્યો હતો. બેટિંગ બાદ જ્યારે ભારતીય ટીમ ફિલ્ડિંગ કરવા મેદાનમાં આવી ત્યારે વિરાટ કોહલી મસ્તી કરતો જોવા મળ્યો હતો. તેણે ચાહકોના મનોરંજન માટે મેદાન ઉપર ડાન્સ પણ કર્યો હતો. કોહલીના આ ડાન્સનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે.

IPLમાં વિરાટ ફ્લોપ રહ્યો હતોઃ
T20 વર્લ્ડ કપ 2021 થી, વિરાટ કોહલીએ માત્ર 2 T20 આંતરરાષ્ટ્રીય મેચ રમી છે. તો બીજી તરફ IPL 2022માં વિરાટ કોહલીનું પ્રદર્શન ખાસ રહ્યું ન હતું. વિરાટ ઈંગ્લેન્ડ સામેની 5મી ટેસ્ટ અને બીજી ટી20માં ફ્લોપ રહ્યો હતો. ઈંગ્લેન્ડ સામેની ટેસ્ટ મેચમાં વિરાટ કોહલીએ 11 અને 20 રન બનાવ્યા હતા. આ ટેસ્ટમાં ભારતને હારનો સામનો કરવો પડ્યો હતો અને ટેસ્ટ શ્રેણી 2-2થી ડ્રો થઈ હતી.

Virat Kohli entertaining the crowd with his dance 😊🇮🇳 pic.twitter.com/qGzWdQwU1q

— MOHIT SHUKLA (@MohitShukla1030) July 9, 2022

આ પણ વાંચોઃ