IND vs PAK Asia Cup 2023: ભારત-પાકિસ્તાનની મેચ વરસાદના કારણે રદ્દ
આજથી એશિયા કપમાં બે મોટી અને કટ્ટર હરિફ ટીમો વચ્ચે જંગ જામશે, એશિયા કપ 2023માં આજે ભારત અને પાકિસ્તાન આમને સામને વનડે ક્રિકેટમાં ટકરાઇ રહ્યાં છે
LIVE
Background
IND vs PAK Asia Cup 2023 LIVE: આજથી એશિયા કપમાં બે મોટી અને કટ્ટર હરિફ ટીમો વચ્ચે જંગ જામશે, એશિયા કપ 2023માં આજે ભારત અને પાકિસ્તાન આમને સામને વનડે ક્રિકેટમાં ટકરાઇ રહ્યાં છે, આજની મેચ શ્રીલંકાના પલ્લેકેલે સ્ટેડિયમમાં રમાઇ રહી છે. એકબાજુ રોહિત શર્માની આગેવાની વાળી ભારતીય ટીમ છે, તો વળી બીજી બાજુ બાબર આઝમની આગેવાની વાળી પાકિસ્તાની ટીમ છે. જાણો આજની મેચની પ્લેઇંગ ઇલેવન, પીચ રિપોર્ટથી લઇને હવામાન રિપોર્ટ અંગે.....
મેચ વરસાદના કારણે રદ
એશિયા કપમાં ભારત-પાકિસ્તાનની મેચ વરસાદના કારણે રદ કરવામાં આવી છે. ભારતીય ટીમે પાકિસ્તાનને જીતવા માટે 267 રનનો ટાર્ગેટ આપ્યો હતો, પરંતુ વરસાદને કારણે પાકિસ્તાનની ઇનિંગ્સ શરૂ થઈ શકી ન હતી. જે બાદ બન્ને ટીમને એક એક પોઈન્ટ આપવામાં આવ્યો છે.
The match has been called off ☹️
— ICC (@ICC) September 2, 2023
Pakistan and India share points with the rain cutting off a promising contest ⛈#AsiaCup2023 | #INDvPAK | 📝: https://t.co/5UWT3ziUDg pic.twitter.com/XBXtRvRFBc
જો ઓવર કાપવામાં આવે તો કેટલા રનનો ટાર્ગેટ મળશે પાકિસ્તાનને
જો વરસાદના કારણે 40 ઓવર રમાય તો પાકિસ્તાનને 239 રનનો ટાર્ગેટ મળશે. જ્યારે પાકિસ્તાનને 30 ઓવરમાં 203 રન બનાવવા પડશે. જો પાકિસ્તાનને માત્ર 20 ઓવર મળે તો 155 રનનો લક્ષ્યાંક રહેશે.
ફરી વરસાદ શરૂ થયો
કેન્ડીમાં સતત વરસાદ ચાલુ છે. જોકે, સારી વાત એ છે કે પલ્લેકેલે સ્ટેડિયમના આખા મેદાનને કવરથી ઢાંકી દેવામાં આવ્યું છે. આવી સ્થિતિમાં વરસાદ બંધ થતાં જ મેચ શરૂ કરવામાં આવશે.
ટીમ ઈન્ડિયા 266 રનમાં ઓલ આઉટ
ટીમ ઈન્ડિયાની ઈનિંગ 266 રનમાં સમેટાઈ ગઈ છે. 48.5 ઓવરમાં ભારતની ટીમ ઓલ આઉટ થઈ ગઈ છે. ભારત તરફથી સૌથી વધુ રન હાર્દિક પંડ્યાએ 87 અને ઈશાન કિશને 82 રન કર્યા હતા. પાકિસ્તાન તરપથી શાહિન આફ્રીદીએ 4 અને રઉફ અને નસીમ શાહે 3-3 વિકેટ લીધી હતી.
ભારતની ઉપરા ઉપરી 3 વિકેટ પડી
ટીમ ઈન્ડિયા ફરી મુશ્કેલીમાં આવી ગઈ છે. ઉપરાઉપરી 3 વિકેટ પડી છે. પહેલા હાર્દિક પંડ્યા 87 રને, જાડેજા 14 રને અને શાર્દુલ ઠાકુર 3 રન બનાવી આઉટ થયા છે.
ટ્રેન્ડિંગ સમાચાર
ટોપ સ્ટોરી
