IND vs SA: દક્ષિણ આફ્રિકાની ટીમે દિલ્હીમાં શરૂ કર્યો અભ્યાસ, ટીમ ઈન્ડિયા આજે પહોંચશે
IND vs SA 1st T20: વિરાટ કોહલી અને રોહિત શર્માની ગેરહાજરીમાં આ શ્રેણી ઘણી મહત્વની બની રહેવાની છે. જેમાં કેએલ રાહુલની કેપ્ટનશીપ અને યુવા ખેલાડીઓના પ્રદર્શનની કસોટી થશે.
IND vs SA t20 series: દક્ષિણ આફ્રિકાની ટીમ 5 મેચની ટી-20 મેચની શ્રેણી માટે ભારત પહોંચી ગઈ છે. પ્રવાસી ટીમે દિલ્હીમાં પણ પ્રેક્ટિસ શરૂ કરી દીધી છે, જેની તસવીરો સોશિયલ મીડિયા પર વાયરલ થઇ છે. શ્રેણીની પ્રથમ મેચ 9 જૂને દિલ્હીના અરુણ જેટલી સ્ટેડિયમમાં રમાશે. આજે ભારતીય ટીમ પ્રથમ મેચ માટે દિલ્હી પણ પહોંચશે. ભારતીય ટીમના કેટલાક ખેલાડીઓ પહેલાથી જ દિલ્હીમાં છે. આ સિરીઝ માટે ખેલાડીઓએ બાયો-બબલમાં નહીં રહેવું પડે.
કેટલાક ખેલાડીઓ દિલ્હી પહોંચ્યા
વિરાટ કોહલી અને રોહિત શર્માની ગેરહાજરીમાં આ શ્રેણી ઘણી મહત્વની બની રહેવાની છે. જેમાં કેએલ રાહુલની કેપ્ટનશીપ અને યુવા ખેલાડીઓના પ્રદર્શનની કસોટી થશે. ઋષભ પંત સહિત ઘણા ખેલાડીઓ દિલ્હી પહોંચી ચૂક્યા છે. જેમાં ભુવનેશ્વર કુમાર, અર્શદીપ સિંહ, રવિ બિશ્નોઈ, ઈશાન કિશન વગેરેનો સમાવેશ થાય છે. ખેલાડીઓએ ફાસ્ટ બોલર દીપક ચહરના દિલ્હીમાં યોજાયેલા રિસેપ્શનમાં હાજરી આપી હતી. આ સાથે જ ભારતના અન્ય ખેલાડીઓ રવિવારે દિલ્હી પહોંચ્યા બાદ પ્રેક્ટિસ શરૂ કરશે.
T20 સીરીઝનો કાર્યક્રમઃ
- પહેલી મેચ - 9 જૂન, અરુણ જેટલી સ્ટેડિયમ દિલ્હી
- બીજી મેચ - 12 જૂન, બારાબતી સ્ટેડિયમ, કટક
- ત્રીજી મેચ - 14 જૂન, વીડીસીએ ક્રિકેટ સ્ટેડિયમ, વિશાખાપટ્ટનમ
- ચોથી મેચ - 17 જૂન, સૌરાષ્ટ્ર ક્રિકેટ એસો. સ્ટેડિયમ, રાજકોટ
- પાંચમી મેચ - 19 જૂન, એમ.ચિન્નાસ્વામી સ્ટેડિયમ, બેંગ્લોર
સાઉથ આફ્રિક સામે ટી-20 સીરિઝની જાહેર થયેલી ભારતીય ટીમ
કેએલ રાહુલ (કેપ્ટન), ઋતુરાજ ગાયકવાડ, ઈશાન કિશન. દીપક હુડા, શ્રેયસ અય્યર, રિષભ પંત (વિકેટકિપર), દિનેશ કાર્તિક (વિકેટકિપર), હાર્દિક પંડ્યા, વેંકટેશ અય્યર, યુઝવેંદ્ર ચહલ, કુલદીપ યાદવ, અક્ષર પટેલ, રવિ બિશ્નોઈ, ભુવનેશ્વર કુમાર, હર્ષલ પટેલ, અવેશ ખાન, અર્શદીપ સિંહ, ઉમરાન મલિક
ટી-20 શ્રેણી માટે દક્ષિણ આફ્રિકાની ટીમ
બાવુમા (કેપ્ટન), ક્વિન્ટોન ડી કોક, રીઝા હેન્ડ્રિક્સ, હેનરિચ ક્લાસેન, કેશવ મહારાજ, એડન માર્કરામ, ડેવિડ મિલર, લુંગી એનગિડી, એનરિક નોર્ટ્જે, વેઇન પાર્નેલ, ડ્વેન પ્રેટોરિયસ, કાગિસો રબાડા, તબરાઇઝ શમ્સી, ટ્રિસ્ટન સ્ટબ્સ, રોસી વાન ડેર ડુસન અને માર્કો જેન્સન
ટોપ સ્ટોરી
ટ્રેન્ડિંગ સમાચાર
