IND Vs NZ: ન્યૂઝિલેન્ડ સામેની ટી-20 સીરિઝ માટે ટીમ ઇન્ડિયાની જાહેરાત, રોહિત શર્મા ટીમના નવા કેપ્ટન

ટી-20 વર્લ્ડકપ બાદ ન્યૂઝિલેન્ડ વિરુદ્ધ રમાનારી સીરિઝ માટે ભારતીય ટીમની જાહેરાત કરી દેવામાં આવી છે.

rohit

નવી દિલ્હીઃ ટી-20 વર્લ્ડકપ બાદ ન્યૂઝિલેન્ડ વિરુદ્ધ રમાનારી સીરિઝ માટે ભારતીય ટીમની જાહેરાત કરી દેવામાં આવી છે. 17 નવેમ્બરથી શરૂ થનારી ટી-20 સીરિઝમાં રોહિત શર્મા ભારતીય ટીમની કેપ્ટનશીપ કરશે. વિરાટ કોહલીની કેપ્ટનશીપ છોડ્યા બાદ હવે રોહિત ટી-20 ટીમની કેપ્ટનશીપ સંભાળશે.

 

India’s T20 squad against NZ | R Sharma(Capt), KL Rahul (VC), R Gaikwad, Shreyas Iyer, Suryakumar Yadav, R Pant (WC), Ishan Kishan (WC),Venkatesh Iyer, Y Chahal, R Ashwin,Axar Patel,Avesh Khan, Bhuvneshwar Kr,D Chahar, Harshal Patel,Mohd Siraj

Rohit Sharma named India's T20 Capt pic.twitter.com/P2D4lOtKL3

— ANI (@ANI) November 9, 2021

ન્યૂઝિલેન્ડ વિરુદ્ધ ટી-20 સીરિઝમાં અનેક યુવા ચહેરાનો તક આપવામાં આવી છે જેમણે આઇપીએલમાં શાનદાર પ્રદર્શન કર્યું હતું. જેમાં વેંકટેશ ઐય્યર, આવેશ ખાન, હર્ષલ પટેલ, ઋતુરાજ ગાયકવાડના નામ સામેલ છે. જ્યારે ઇજા બાદ શ્રેયસ ઐય્યરની વાપસી થઇ રહી છે. જ્યારે વર્લ્ડકપમાં પડતા મુકવામાં આવેલા યુઝર્વેન્દ્ર ચહલની પણ વાપસી થઇ રહી છે. ટી-20 સીરિઝમાં વિરાટ કોહલી, જસપ્રીત બુમરાહ, રવિન્દ્ર જાડેજાને આરામ આપવામાં આવ્યો છે.

તે સિવાય હાર્દિક પંડ્યાની પણ પસંદગી કરવામા આવી નથી. હાર્દિક પંડ્યાની ખરાબ ફિટનેસ, ખરાબ ફોર્મના કારણે તેની પસંદગી નહી કરવામાં આવી હોવાનું માનવામાં આવી રહ્યું છે. ન્યૂઝિલેન્ડ સામેની ટેસ્ટ સીરિઝ માટે ટીમ ઇન્ડિયાની જાહેરાત કરવામાં આવી નથી. ત્રીજી ટી-20 મેચ સુધીમાં ટેસ્ટ ટીમની જાહેરાત થાય તેવું માનવામાં આવી રહ્યું છે.

NEWS - India’s squad for T20Is against New Zealand & India ‘A’ squad for South Africa tour announced.@ImRo45 named the T20I Captain for India.

More details here - https://t.co/lt1airxgZS #TeamIndia pic.twitter.com/nqJFWhkuSB

— BCCI (@BCCI) November 9, 2021

ન્યૂઝિલેન્ડ વિરુદ્ધ ટી-20 સીરિઝ માટે ટીમ ઇન્ડિયા:

રોહિત શર્મા (કેપ્ટન), લોકેશ રાહુલ (વાઇસ કેપ્ટન), ઋતુરાજ ગાયકવાડ, શ્રેયસ ઐય્યર, સૂર્યકુમાર યાદવ, ઋષભ પંત, ઇશાન કિશન, વેંકટેશન ઐય્યર, યુઝર્વેન્દ્ર ચહલ, રવિચંન્દ્રન અશ્વિન, અક્ષર પટેલ, આવેશ ખાન, ભુવનેશ્વર કુમાર, દીપક ચહર, હર્ષલ પટેલ, મોહમ્મદ સિરાજ

ન્યૂઝીલેન્ડનો ભારત પ્રવાસ

પ્રથમ ટી20, 17 નવેમ્બર, જયપુર

બીજી ટી20, 19 નવેમ્બર, રાંચી

ત્રીજી ટી20, 21 નવેમ્બર, કોલકાતા

પ્રથમ ટેસ્ટ, 25-29 નવેમ્બર, કાનપુર

બીજી ટેસ્ટ, 3-7 ડિસેમ્બર, મુંબઈ