PM Modi Independence Day Speech 2026: લાલ કિલ્લા પરથી ભારતીય બેન્કો અંગે શું બોલ્યા PM મોદી?

PM Modi Independence Day Speech 2026: પ્રધાનમંત્રી નરેન્દ્ર મોદીએ આજે, 15 ઓગસ્ટના રોજ લાલ કિલ્લા પરથી દેશને સંબોધિત કરતા ભારતીય અર્થતંત્ર, બેંકિંગ અને બિઝનેસ ક્ષેત્ર સાથે જોડાયેલા કેટલાક મોટા લક્ષ્યાંકો સામે રાખ્યા છે.

પીએમ મોદી

Source : ABP LIVE

PM Modi Independence Day Speech 2026: પ્રધાનમંત્રી નરેન્દ્ર મોદીએ આજે, 15 ઓગસ્ટના રોજ લાલ કિલ્લા પરથી દેશને સંબોધિત કરતા ભારતીય અર્થતંત્ર, બેંકિંગ અને બિઝનેસ ક્ષેત્ર સાથે જોડાયેલા કેટલાક મોટા લક્ષ્યાંકો સામે રાખ્યા છે. આ દરમિયાન તેમણે બેંકિંગ સેક્ટરને લઈને એવી વાત કહી જે આવનારા સમયમાં ભારતીય બેંકોની વૈશ્વિક ઓળખ બદલી શકે છે. પીએમ મોદીએ કહ્યું કે ઓછામાં ઓછી એક ભારતીય બેંક વિશ્વની ટોપ-5 બેંકોમાં સ્થાન પામવી જોઈએ. આ સાથે જ તેમણે ભારતીય ફાર્મા કંપનીઓને પણ વિશ્વની 5 સૌથી મોટી ફાર્માસ્યુટિકલ કંપનીઓમાં જગ્યા બનાવવાનો ટાર્ગેટ આપ્યો છે.

 

બેંક માટે પીએમ મોદીએ શું કહ્યું?

લાલ કિલ્લા પરથી પોતાના સ્વતંત્રતા દિવસના સંબોધનમાં પીએમ મોદીએ જણાવ્યું કે ભારતનું બેંકિંગ સેક્ટર ખૂબ જ ઝડપથી આગળ વધી રહ્યું છે અને હવે સમય આવી ગયો છે કે દેશની કોઈ એક બેંક વૈશ્વિક સ્તરે પણ પોતાની મજબૂત ઓળખ બનાવે. પ્રધાનમંત્રીએ લક્ષ્યાંક મુક્યો કે વિશ્વની ટોપ-5 બેંકોમાં ઓછામાં ઓછું એક નામ ભારતીય બેંકનું હોવું જોઈએ.

Fortune 500 માં 50 ભારતીય કંપનીઓ

પ્રધાનમંત્રીએ ભારતીય બિઝનેસ ક્ષેત્ર માટે આનાથી પણ મોટો લક્ષ્યાંક સામે રાખ્યો છે. તેમણે કહ્યું કે આવનારા સમયમાં Fortune 500 ની યાદીમાં 50 કંપનીઓ ભારતની હોવી જોઈએ. પીએમ મોદીના જણાવ્યા અનુસાર ભારતનો ટાર્ગેટ હવે નાનો ન હોઈ શકે. ભારતીય કંપનીઓએ હવે વૈશ્વિક સ્તરે મોટી કંપનીઓ સાથે સ્પર્ધા કરવા માટે તૈયાર થવું પડશે.

શું છે 'શક્તિની સપ્ત ધારા'?

પીએમ મોદીએ કહ્યું કે ભારતે આગામી 5 થી 7 વર્ષોમાં એ મેળવવાનો પ્રયાસ કરવો જોઈએ જે છેલ્લા 5 થી 7 વર્ષોમાં નથી થઈ શક્યું. આ માટે તેમણે 'શક્તિની સપ્ત ધારા'નો ઉલ્લેખ કર્યો. જે અંતર્ગત ઉત્પાદન (મેન્યુફેક્ચરિંગ), કૃષિ અને ફૂડ પ્રોસેસિંગ, ટેકનોલોજી અને ઇનોવેશન, ગતિ શક્તિ, સંરક્ષણ (ડિફેન્સ), ગ્રીન અને બ્લુ ઇકોનોમી તેમજ સોફ્ટ પાવર જેવા ક્ષેત્રો પર વિશેષ ભાર મૂકવામાં આવ્યો છે.

વૈશ્વિક ઓળખ બનાવવાની તૈયારી

પીએમ મોદીના ભાષણનો મુખ્ય સંદેશ એ પણ હતો કે ભારતે માત્ર પોતાના દેશના બજાર પૂરતું ઉત્પાદન કરવા સુધી સીમિત રહેવું જોઈએ નહીં. ભારતીય કંપનીઓએ એવી પ્રોડક્ટ્સ અને સેવાઓ તૈયાર કરવી પડશે, જે ગ્લોબલ માર્કેટમાં પણ સખત સ્પર્ધા આપી શકે. તેમણે ડિજિટલ ટેકનોલોજી અને 6G ને પણ વૈશ્વિક સ્તરે લઈ જવાની વાત કરી છે. પીએમ મોદીના અનુસાર ઈલેક્ટ્રોનિક્સ મેન્યુફેક્ચરિંગમાં આશરે 7 ગણો અને મોબાઈલ ફોન ઉત્પાદનમાં 33 ગણો વધારો થયો છે, જ્યારે સંરક્ષણ ઉત્પાદન પણ લગભગ 4 ગણું વધ્યું છે.

આ પણ વાંચો

Independence Day 2026: PM મોદીએ લાલા કિલ્લા પરથી ફ્રી કોચિંગ સાથે Gen Z માટે કરી આ મહત્વની જાહેરાત

'માનસિક નક્સલવાદીઓ હજુ પણ તકની શોધમાં છે...' PM મોદીની ચેતવણી