IND vs ENG 5th T20: શું આજે સંજુ સેમસન રમશે? આ દિગ્ગજ ખેલાડી થશે બહાર, જુઓ સંભવિત પ્લેઇંગ 11

IND vs ENG 5th T20: ઇંગ્લેન્ડ સામે સન્માન બચાવવા મેદાને ઉતરશે શ્રેયસ સેના, જાણો આજની અંતિમ મેચ માટે ભારતની સંભવિત પ્લેઇંગ 11.

india vs england 5th t20 playing 11 squad live stream updates

Source : ANI

Show Quick Read

Key points generated by AI, verified by newsroom

• ભારત-ઇંગ્લેન્ડ 5મી T20 આજે, શ્રેણી ગુમાવ્યા પછી સન્માનની લડાઈ.
• સંજુ સેમસનના પ્લેઇંગ-૧૧માં સ્થાન અંગે સસ્પેન્સ યથાવત છે.
• જો સંજુ રમશે તો અક્ષર, સુંદર કે શિવમ દુબે બહાર થઈ શકે છે.
• ટોપ-3 બેટિંગ ક્રમમાં ફેરફારની શક્યતા ઓછી, યુવાનોને તક મળશે.

IND vs ENG 5th T20: ભારત અને ઇંગ્લેન્ડ વચ્ચે 5મી અને અંતિમ T20 મેચ આજે હેમ્પશાયરના વેસ્ટ એન્ડ સ્થિત રોઝ બાઉલ ક્રિકેટ ગ્રાઉન્ડ ખાતે રમાવા જઈ રહી છે. શ્રેયસ ઐયરની કેપ્ટનશીપ હેઠળ ટીમ ઇન્ડિયા સતત 2 સિરીઝ હારી ચૂકી છે અને સળંગ 5 મેચમાં પરાજયનો સામનો કરવો પડ્યો છે. ઇંગ્લેન્ડ આ સિરીઝ પહેલા જ જીતી ચૂક્યું છે અને આજે તેની નજર ક્લીન સ્વીપ પર છે. જ્યારે ભારતીય ટીમ માટે આજની મેચ માત્ર સન્માન બચાવવાની લડાઈ બની ગઈ છે. એવામાં ક્રિકેટ ચાહકોની નજર એ વાત પર છે કે શું આજની મેચમાં સંજુ સેમસનને પ્લેઇંગ 11 માં સ્થાન મળશે કે પછી તેને ફરી બહાર બેસવું પડશે?

ટોપ-3 માં ફેરફારની શક્યતા નહિવત્

યુવા બેટ્સમેન વૈભવ સૂર્યવંશીએ આ સિરીઝમાં પોતાનું ડેબ્યૂ કર્યું છે. જોકે, તેણે પોતાની 3 ઇનિંગ્સમાં ખાસ કોઈ કમાલ નથી કરી, પરંતુ IPL માં તેના શાનદાર પ્રદર્શન અને લોકપ્રિયતાને જોતાં તેને વધુ કેટલીક તકો મળવાની પૂરી શક્યતા છે. બીજી તરફ, ઇશાન કિશન અને અભિષેક શર્માને બહાર કરવા મુશ્કેલ છે, કારણ કે બંને બેટ્સમેનો ICC T20 રેન્કિંગમાં અનુક્રમે 1લા અને 2જા ક્રમે છે. આથી, ટોપ-3 બેટિંગ ઓર્ડરમાં કોઈ ફેરફાર થવાની શક્યતા નથી.

શું સંજુ સેમસન રમશે? કોનું પત્તું કપાશે?

અગાઉ સંજુ સેમસનના સ્થાને જ ટીમ ઇન્ડિયામાં વૈભવ સૂર્યવંશીને સામેલ કરવામાં આવ્યો હતો. પરંતુ T20 વર્લ્ડ કપના 'પ્લેયર ઓફ ધ ટુર્નામેન્ટ' રહેલા સંજુને આ રીતે બહાર બેસાડવા પર મેનેજમેન્ટ અને કેપ્ટનની રણનીતિની આકરી ટીકા થઈ રહી છે. હવે મોટો સવાલ એ છે કે જો સંજુને પ્લેઇંગ 11 માં પાછો લાવવામાં આવે તો કોને બહાર કાઢવો?

હાલમાં કેપ્ટન શ્રેયસ ઐયર 4થા નંબર પર બેટિંગ કરે છે. ક્યારેક શિવમ દુબે 5મા નંબરે આવે છે, તો ક્યારેક અક્ષર પટેલને ઉપર મોકલી દેવામાં આવે છે. બેટિંગ ક્રમમાં થઈ રહેલા આ સતત ફેરફારો ટીમનું દબાણ સ્પષ્ટપણે છતું કરે છે. ઉપ-કપ્તાન તિલક વર્મા પણ આ સિરીઝમાં આઉટ ઓફ ફોર્મ છે અને તેને બહાર કરવાની માંગ ઊઠી રહી છે, પરંતુ તેને પડતો મૂકવામાં આવે તેવી શક્યતા ઓછી છે.

આ પણ વાંચોઃ ચોથી T20માં સંજુ સેમસનની થશે વાપસી? જાણો કોણ થશે બહાર અને કોને મળશે ટીમમાં તક

આવી સ્થિતિમાં, જો સંજુ સેમસનની વાપસી થાય છે, તો અક્ષર પટેલ અથવા વોશિંગ્ટન સુંદરને આરામ આપવામાં આવી શકે છે. આ ઉપરાંત, શિવમ દુબે પણ બહાર થઈ શકે છે કારણ કે તેણે આ સિરીઝમાં બેટ કે બોલ બંનેમાંથી કોઈનાથી પણ સારું પ્રદર્શન કર્યું નથી.

ક્યારે અને ક્યાં જોશો લાઇવ મેચ?

સમય: ભારત અને ઇંગ્લેન્ડ વચ્ચેની 5મી T20 સાંજે 7:00 વાગ્યે (IST) શરૂ થશે.

ટોસ: મેચનો ટોસ સાંજે 6:30 વાગ્યે (IST) થશે.

લાઇવ ટીવી બ્રોડકાસ્ટ: સોની સ્પોર્ટ્સ નેટવર્ક (Sony Sports Network).

લાઇવ સ્ટ્રીમિંગ: JioHotstar એપ અને SonyLIV એપ પર.

ભારતની સંભવિત પ્લેઇંગ 11:

વૈભવ સૂર્યવંશી, અભિષેક શર્મા, ઇશાન કિશન, શ્રેયસ ઐયર (કેપ્ટન), સંજુ સેમસન / વોશિંગ્ટન સુંદર, તિલક વર્મા, શિવમ દુબે, અક્ષર પટેલ, પ્રસિદ્ધ કૃષ્ણ, પ્રિન્સ યાદવ, અર્શદીપ સિંહ.

બંને ટીમોના સ્ક્વોડ (Squads):

ભારતીય ટીમ: શ્રેયસ ઐયર (કેપ્ટન), અભિષેક શર્મા, વૈભવ સૂર્યવંશી, ઇશાન કિશન (વિકેટકીપર), સંજુ સેમસન (વિકેટકીપર), અક્ષર પટેલ, પ્રસિદ્ધ કૃષ્ણ, વોશિંગ્ટન સુંદર, શિવમ દુબે, વરુણ ચક્રવર્તી, અર્શદીપ સિંહ, તિલક વર્મા, હર્ષિત રાણા, પ્રિન્સ યાદવ, રવિ બિશ્નોઈ, સૂર્યાંશ શેડગે.

ઇંગ્લેન્ડ ટીમ: હેરી બ્રુક (કેપ્ટન), જોસ બટલર (વિકેટકીપર), જોફ્રા આર્ચર, લ્યુક વુડ, સાકિબ મહમૂદ, લિયામ ડોસન, આદિલ રશીદ, સેમ કુરન, ફિલ સોલ્ટ (વિકેટકીપર), જોશ ટંગ, ટોમ બેન્ટન, વિલ જેક્સ, જેકબ બેથેલ, રેહાન અહેમદ, સોની બેકર, જોર્ડન કોક્સ (વિકેટકીપર), જેમ્સ કોલ્સ.

આ પણ વાંચોઃ ભારતની સતત હાર પર ગૌતમ ગંભીરે આખરે મૌન તોડ્યું, ડ્રેસિંગ રૂમની સૌથી મોટી નબળાઈ છતી કરી