![ABP Premium](https://cdn.abplive.com/imagebank/Premium-ad-Icon.png)
આજે મોદી સ્ટેડિયમમાં પ્રથમ ટી-20, જાણો કેટલા વાગે ને કઈ ચેનલ પરથી થશે ટેલિકાસ્ટ
બન્ને ટીમો આ સીરીઝ અમદાવાદમાં રમવાના છે. ટેસ્ટ સીરીઝ 3-1થી જીત્યા બાદ ટીમ ઇન્ડિયાનો આત્મવિશ્વાસ વધુ છે, જ્યારે ઇંગ્લિશ ટીમ હારમાંથી બહાર આવીને ટી20 સીરીઝમાં સારુ પરફોર્મ કરવા કોશિશ કરશે
![આજે મોદી સ્ટેડિયમમાં પ્રથમ ટી-20, જાણો કેટલા વાગે ને કઈ ચેનલ પરથી થશે ટેલિકાસ્ટ india vs england t20i series when and where to watch આજે મોદી સ્ટેડિયમમાં પ્રથમ ટી-20, જાણો કેટલા વાગે ને કઈ ચેનલ પરથી થશે ટેલિકાસ્ટ](https://feeds.abplive.com/onecms/images/uploaded-images/2021/03/12/b8ce708c079cbc27334060b61d7f0dd7_original.jpg?impolicy=abp_cdn&imwidth=1200&height=675)
અમદાવાદઃ ભારત અને ઇંગ્લેન્ડ વચ્ચે આજે પાંચ ટી20 સીરીઝની પ્રથમ મેચ રમાવવાની છે. બન્ને ટીમો આ સીરીઝ અમદાવાદમાં રમવાના છે. ટેસ્ટ સીરીઝ 3-1થી જીત્યા બાદ ટીમ ઇન્ડિયાનો આત્મવિશ્વાસ વધુ છે, જ્યારે ઇંગ્લિશ ટીમ હારમાંથી બહાર આવીને ટી20 સીરીઝમાં સારુ પરફોર્મ કરવા કોશિશ કરશે.
ક્યાંથી જોઇ શકશો ભારત અને ઇંગ્લેન્ડ વચ્ચેની ટી20 મેચ....
પ્રથમ ટી20 મેચનુ સીધુ પ્રસારણ Star Sports નેટવર્ક પર 5 ભાષાઓમાં થશે. વળી DD Sports પર પણ આ સીરીઝને જોઇ શકાશે. તમે Disney+ Hotstar પર લાઇવ સ્ટ્રીમિંગની મજા ઉઠાવી શકો છો.
ક્યાં રમાઇ રહી છે ટી20....
ભારત અને ઇંગ્લેન્ડ વચ્ચે આ ટી20 સીરીઝ અમદાવાદના નરેન્દ્ર મોદી સ્ટેડિયમમાં રમાઇ રહી છે. ભારતીય સમય મુજબ આ મેચની શરૂઆત સાંજે 7 કલાકે શરૂ થશે. 6.30 કલાકે ટોસ થશે.
ભારતની સંભવિત પ્લેઇંગ ઇલેવન....
ભારતીય ટીમ- રોહિત શર્મા, કેએલ રાહુલ, વિરાટ કોહલી (કેપ્ટન), શ્રેયસ અય્યર/સૂર્યકુમાર યાદવ, ઋષભ પંત (વિકેટકીપર), હાર્દિક પંડ્યા, વૉશિંગટન સુંદર, યુજવેન્દ્ર ચહલ, દીપક ચાહર, ભુવનેશ્વર કુમાર, અક્ષર પટેલ/નવદીપ સૈની/ટીનટરાજન.
કેટલી વેચાઇ ટિકીટો....
ટી20 સીરિઝમાં દર્શકોને પૂરી ક્ષમતા સાથે સ્ટેડિયમમાં જવાની મંજૂરી મળી છે. પ્રથમ ટી20માં મોટી સંખ્યામાં દર્શકો આવી શકે છે. આ મેચની ટીકિટ Bookmyshow વેબસાઈટ અને એપથી ખરીદી શકાય છે. ટિકિટની કિંમત 500થી 10 હજાર રૂપિયાની વચ્ચે છે.
બિઝનેસ સ્ટાન્ડર્ડના રિપોર્ટ પ્રમાણે ગુજરાત ક્રિકેટ એસોસિએશનના અધિકારીએ કહ્યું, ટેસ્ટ મેચમાં પણ મોટી સંખ્યામાં દર્શકો આવ્યા હોવાથી ટી-20માં પણ ક્રિકેટરસિયા મોટી સંખ્યામાં ઉમટી પડશે તેવી અમને આશા છે. અમે 40 હજારથી વધુ ટિકિટ વેચી શકીએ છીએ. પ્રથમ ટી-20માં સ્ટેડિયમ દર્શકોની ખીચોખીચ ભરાઈ જાય તેવી આશા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)