India vs Sri Lanka 1st T20I: ભારતે શ્રીલંકાને પ્રથમ ટી-20માં હરાવ્યું, ભુવનેશ્વરની 4 વિકેટ
IND vs SL: ભારતીય ટીમ સીનિયર ખેલાડીઓ વિના શ્રીલંકા પ્રવાસમાં છે. ટીમ ઇન્ડિયાની કેપ્ટનશીપ શિખર ધવન કરી રહ્યો છે, જ્યારે કૉચ તરીકે રાહુલ દ્રવિડ જવાબદારી સંભાળી રહ્યો છે.
LIVE
Background
IND vs SL, 1st T20I: ભારત અને શ્રીલંકા વચ્ચે રવિવાર એટલે કે આજથી ત્રણ મેચોની ટી20 સીરીઝ શરૂ થઇ રહી છે. આજે સીરીઝની પ્રથમ મેચ કોલંબોમાં (R.Premadasa Stadium, Colombo) રમાશે. ખાસ વાત છે કે બન્ને ટીમો વચ્ચે ત્રણ મેચોની વનડે સીરીઝ રમાઇ હતી, જેમાં ટીમ ઇન્ડિયાએ 2-1થી સીરીઝને પોતાના નામે કરી લીધી હતી. આજથી શરૂ થઇ રહેલી ટી20 સીરીઝમાં શ્રીલંકા જીત મેળવીને હિસાબ બરાબર કરવાની કોશિશ કરશે. ભારતીય ટીમ સીનિયર ખેલાડીઓ વિના શ્રીલંકા પ્રવાસમાં છે. ટીમ ઇન્ડિયાની કેપ્ટનશીપ શિખર ધવન કરી રહ્યો છે, જ્યારે કૉચ તરીકે રાહુલ દ્રવિડ જવાબદારી સંભાળી રહ્યો છે. આ સીરીઝમાં પણ યુવા ખેલાડીઓને મોકો આપવામાં આવી શકે છે.
ભારતની જીત
ભારત અને શ્રીલંકા વચ્ચે પ્રથમ ટી-20માં ભારતે શ્રીલંકાને 38 રને હાર આપી હતી. શ્રીલંકા 18.3 ઓવરમાં 136 રન બનાવી ઓલઆઉટ થઈ હતી. ભારત તરફથી ભુવનેશ્વર કુમારે ચાર વિકેટ લીધી હતી.
ચહરની ડબલ ધમાલ
16 ઓવરના અંતે શ્રીલંકાનો સ્કોર 6 વિકેટના નુકસાન પર 113 રન છે. દિપક ચહેરે એક જ ઓવરમાં બે વિકેટ લઈને ભારતની મજબૂત પકડ બનાવી હતી. શ્રીલંકાને જીતવા 24 બોલમાં 52 રનની જરૂર છે.
શ્રીલંકા 100 રનને પાર
શ્રીલંકા ટીમનો સ્કૉર 100 રનને પાર થઇ ગયો છે. 14 ઓવર બાદ સ્કૉર 4 વિકેટે 104 રન પર પહોંચ્યો છે. અસલન્કા 43 રન અને કેપ્ટન દાસુન શનાકા 2 રન ક્રિઝ પર છે.
અસલન્કાની આક્રમક રમત
શ્રીલંકા ટીમના મીડલ ઓર્ડર બેટ્સમેને ચરીત અસલન્કાએ આક્રમક રમત રમવાની શરૂ કરી દીધી છે. અસલન્કાએ 16 બૉલમાં વિસ્ફોટક રીતે 24 રન ફટકાર્યા છે, જેમાં 1 ચોગ્ગો અને 2 છગ્ગા સામેલ છે.
બંદારા-અસલન્કાની જોડી રમતમાં
11 ઓવરના અંતે શ્રીલંકા ટીમનો સ્કૉર 3 વિકેટના નુકશાને 73 રન પર પહોંચ્યો છે. બંદારા 6 (13) રન અને અસલન્કા 17 (13) રન બનાવીને ક્રિઝ પર છે.
ટ્રેન્ડિંગ સમાચાર
ટોપ સ્ટોરી
