IPL 2026: કાલે KKR સામે ટકરાશે CSK, જુઓ કેવી હશે બંન્નેની પ્લેઇંગ 11 અને કોણ કોના પર પડશે ભારે?
KKR Vs CSK: ગત મેચમાં જીતથી ઉત્સાહિત ચેન્નાઈ સુપર કિંગ્સ (CSK)ની ટીમ મંગળવારે રમાનારી ઇન્ડિયન પ્રીમિયર લીગ (IPL)ની મેચમાં અત્યાર સુધી એક પણ મેચ નહીં જીતનારી કોલકાતા નાઈટ રાઈડર્સ (KKR)ની ટીમ સામે પ્રભુત્વ જમાવવાનો પ્રયાસ કરશે.
KKR Vs CSK: ગત મેચમાં જીતથી ઉત્સાહિત ચેન્નાઈ સુપર કિંગ્સ (CSK)ની ટીમ મંગળવારે રમાનારી ઇન્ડિયન પ્રીમિયર લીગ (IPL)ની મેચમાં અત્યાર સુધી એક પણ મેચ નહીં જીતનારી કોલકાતા નાઈટ રાઈડર્સ (KKR)ની ટીમ સામે પ્રભુત્વ જમાવવાનો પ્રયાસ કરશે. CSKએ દિલ્હી કેપિટલ્સ સામે રમતના દરેક વિભાગમાં સારું પ્રદર્શન કરીને સિઝનની પોતાની પ્રથમ જીત નોંધાવી હતી. તેની આ જીતના નાયક સંજુ સેમસન રહ્યો હતો જેમણે 56 બોલમાં અણનમ 115 રનની ઇનિંગ રમી હતી. ત્યારબાદ તેના બોલરોએ પણ સારું પ્રદર્શન કર્યું હતું. ડેવાલ્ડ બ્રેવિસ ફિટ થઈને પરત ફરતા CSKને તેના બોલિંગ સંયોજનમાં ફેરફાર કરવાની છૂટ મળી, જેના કારણે તે દિલ્હી કેપિટલ્સ સામે 212 રનનો બચાવ કરવામાં સફળ રહી.
ડાબા હાથના ફાસ્ટ બોલર ગુરજપનીત સિંહે પોતાના IPL ડેબ્યૂ પર પ્રભાવ પાડ્યો હતો. તેણે પોતાના વધારાના ઉછાળથી બેટ્સમેનોને ચોંકાવી દીધા હતા. જેમી ઓવરટને પણ શાનદાર પ્રદર્શન કર્યું અને સતત સારી બોલિંગ કરીને ચાર વિકેટ ઝડપી હતી. સિઝનની પોતાની પ્રથમ મેચ રમી રહેલા ડાબા હાથના સ્પિનર અકીલ હુસૈને પાવરપ્લેમાં CSKના બોલિંગ આક્રમણને એક નવો આયામ આપ્યો હતો.
બેટિંગની વાત કરીએ તો, સેમસન CSK માટે પોતાની ડેબ્યૂ સિઝનમાં આખરે રન બનાવવામાં સફળ રહ્યો. તેમણે પ્રથમ છ ઓવરમાં તોફાની બેટિંગ કરીને પોતાનો અસલી મિજાજ બતાવ્યો હતો. જોકે, CSK માટે કેપ્ટન રુતુરાજ ગાયકવાડનું ફોર્મ ચિંતાનો વિષય બનેલું છે. તે સંઘર્ષ કરી રહેલી KKR સામે એક મોટી ઇનિંગ રમીને લય પ્રાપ્ત કરવાનો પ્રયાસ કરશે. ટૂર્નામેન્ટની શરૂઆતમાં એવી જાહેરાત કરવામાં આવી હતી કે મહેન્દ્ર સિંહ ધોની પિંડીમાં ખેંચાણને કારણે થોડા અઠવાડિયા માટે બહાર રહેશે. ગત મેચમાં ગાયકવાડે સંકેત આપ્યો હતો કે આ સ્ટાર વિકેટકીપર બેટ્સમેન ટૂંક સમયમાં વાપસી કરશે.
બીજી તરફ KKR જીત માટે બેતાબ છે. લખનઉ સુપર જાયન્ટ્સ (LSG) સામે તે જીતની સાવ નજીક પહોંચી ગયું હતું, પરંતુ મુકુલ ચૌધરીની શાનદાર ઇનિંગે અજિંક્ય રહાણે અને તેની ટીમને પ્રથમ જીતથી વંચિત રાખી દીધી હતી. કેમરન ગ્રીને ગત મેચમાં KKR માટે બોલિંગ કરી હતી. આ ઓલરાઉન્ડર ચેપોકમાં શાનદાર પ્રદર્શન કરીને પોતાની ઊંચી કિંમતને સાચી સાબિત કરવાનો પ્રયાસ કરશે.
તેવી જ રીતે રિંકુ સિંહ મધ્યક્રમમાં રન બનાવવા માટે બેતાબ છે અને મંગળવારનો દિવસ તેના માટે ખાસ હોઈ શકે છે. રહાણેએ બેટિંગમાં સારું પ્રદર્શન કર્યું છે જ્યારે અંગકૃષ રઘુવંશીએ પણ પ્રભાવ પાડ્યો છે. રોવમેન પોવેલ અને ગ્રીને પણ LSG સામે કેટલાક રન બનાવ્યા હતા, જે ટીમ માટે હકારાત્મક સંકેત છે. KKRએ જો CSKને તેના ગઢમાં હરાવવી હોય તો તેના બોલરોએ પણ સારું પ્રદર્શન કરવું પડશે. તેના મુખ્ય બોલરો હજુ સુધી અપેક્ષિત પ્રદર્શન કરી શક્યા નથી જેની અસર પરિણામમાં જોવા મળી રહી છે.
બન્ને ટીમો આ પ્રમાણે છે:
CSK: રુતુરાજ ગાયકવાડ (કેપ્ટન), ડેવાલ્ડ બ્રેવિસ, એમએસ ધોની, ઉર્વિલ પટેલ, સંજુ સેમસન, શિવમ દુબે, આયુષ મ્હાત્રે, શ્રેયસ ગોપાલ, જેમી ઓવરટન, ખલીલ અહેમદ, અંશુલ કંબોજ, ગુરજપનીત સિંહ, નૂર અહેમદ, અકીલ હુસૈન, પ્રશાંત વીર, કાર્તિક શર્મા, મેથ્યુ શોર્ટ, અમન ખાન, સરફરાઝ ખાન, મેટ હેનરી, રાહુલ ચાહર, જેકરી ફોલ્ક્સ, સ્પેન્સર જોન્સન, રામકૃષ્ણ ઘોષ, મુકેશ ચૌધરી.
KKR: અજિંક્ય રહાણે (કેપ્ટન), મનીષ પાંડે, રોવમેન પોવેલ, અંગકૃષ રઘુવંશી, રમનદીપ સિંહ, રિંકુ સિંહ, સુનીલ નારાયણ, અનુકૂલ રોય, વૈભવ અરોરા, ઉમરાન મલિક, વરુણ ચક્રવર્તી, ફિન એલન, મથીશા પથિરાના, રાહુલ ત્રિપાઠી, ટિમ સીફર્ટ, તેજસ્વી દહિયા, રચિન રવીન્દ્ર, આકાશ દીપ, બ્લેસિંગ મુઝારાબાની, નવદીપ સૈની, પ્રશાંત સોલંકી, સાર્થક રંજન, કાર્તિક ત્યાગી, કેમરન ગ્રીન, સૌરભ દુબે, દક્ષ કામરા.
ટોપ સ્ટોરી
ટ્રેન્ડિંગ સમાચાર
