IPL Mega Auction 2022: હરાજીમાં છવાઇ આ ત્રણ યુવતીઓ, ખેલાડીઓ પર લગાવી રહી છે કરોડો રૂપિયાનો દાવ

ઇન્ડિયન પ્રિમિયરનું મેગા ઓક્શન બેંગલુરુમાં ચાલી રહ્યું છે.તમામ ફ્રેન્ચાઇઝીએ પોતાની રણનીતિ અનુસાર ખેલાડીઓને ટીમમાં ઉમેરવાનું શરૂ કરી દીધું છે

IPL_auction

IPL 2022, Mega Auction: ઇન્ડિયન પ્રિમિયરનું મેગા ઓક્શન બેંગલુરુમાં ચાલી રહ્યું છે.તમામ ફ્રેન્ચાઇઝીએ પોતાની રણનીતિ અનુસાર ખેલાડીઓને ટીમમાં ઉમેરવાનું શરૂ કરી દીધું છે. આઇપીએલ ઓક્શનમાં ત્રણ યુવતીઓ સોશિયલ મીડિયા પર છવાઇ છે. આ યુવતીઓ ફ્રેન્ચાઇઝી તરફથી ખેલાડીઓ પર કરોડો રૂપિયાની બોલી પણ લગાવી રહી છે.ચાલો જાણીએ આ ત્રણ યુવતીઓ કોણ છે?

IPLની હરાજી દરમિયાન સનરાઇઝર્સ હૈદરાબાદના ટેબલ પર બેઠેલી યુવતી દરેકના આકર્ષણનું કેન્દ્ર બની છે. હરાજીમાં હૈદરાબાદ માટે બોલી લગાવનાર સુંદર છોકરીનું નામ કાવ્યા મારન છે. કાવ્યા સનરાઇઝર્સ હૈદરાબાદના માલિક કલાનિધિ મારનની પુત્રી છે. સનરાઇઝર્સ હૈદરાબાદ મેચ દરમિયાન તે પોતાની ટીમને સપોર્ટ કરતી જોવા મળે છે.

બોલિવૂડ એક્ટર અને કોલકાતા નાઈટ રાઈડર્સના માલિક શાહરૂખ ખાનની પુત્રી સુહાના ખાન અને તેનો ભાઈ આર્યન ખાન ખેલાડીઓ માટે બોલી લગાવી રહ્યા હતા. 21 વર્ષીય સુહાના પહેલીવાર હરાજીમાં પહોંચી છે, જ્યારે તેનો ભાઈ આર્યન ભૂતકાળમાં પણ હરાજીમાં આવતો રહ્યો છે. સુહાના પ્રી-ઓક્શનમાં પણ જોવા મળી હતી.

બોલિવૂડ એક્ટ્રેસ અને કોલકાતા નાઈટ રાઈડર્સની કો-ઓનર જૂહી ચાવલાની પુત્રી જ્હાનવી મહેતા ચાર વર્ષ બાદ ફરી એકવાર હરાજીમાં આવી છે. અગાઉ જ્યારે તે અહીં પહોંચી ત્યારે તેની ઉંમર 18 વર્ષની હતી. જ્હાન્વી સુહાના સાથે KKR વતી ખેલાડીઓની પસંદગી કરી રહી છે.