IPLમાંથી 150 કરોડની કમાણી કરનારો પહેલો ભારતીય ક્રિકેટર કોણ બન્યો? રોહિત-વિરાટમાં કોની કમાણી છે વધારે?

ધોની આઇપીએલમાં 150 કરોડથી વધુ કમાણી કરનારો પહેલો ક્રિકેટર બની ગયો છે, આ લિસ્ટમાં રોહિત અને કોહલી ઘણા પાછળ રહી ગયા છે

(ફાઇલ તસવીર)

નવી દિલ્હીઃ ઇન્ડિયન પ્રીમિયર લીગમાં ખેલાડીઓને રિટેન કરવાનો સિલસિલો ચાલુ છે. દરેક ફ્રેન્ચાઇઝીએ 21 જાન્યુઆરી સુધી ખેલાડીઓને રિટેન કરી લીધી છે, આમ છતાં 4થી ફેબ્રુઆરી સુધી રિટેન વિન્ડો ખુલ્લી છે. ત્યારે આ બધાની વચ્ચે રિપોર્ટ છે કે ચેન્નાઇ સુપર કિંગ્સે કેપ્ટન મહેન્દ્ર સિંહ ધોનીને રિટેન કરી લીધો છે. આ રિટેનની સાથે જ ધોનીએ એક નવો ઇતિહાસ રચી દીધો છે. ધોની આઇપીએલમાં 150 કરોડથી વધુ કમાણી કરનારો પહેલો ક્રિકેટર બની ગયો છે, આ લિસ્ટમાં રોહિત અને કોહલી ઘણા પાછળ રહી ગયા છે. ધોની એકમાત્ર એવો ખેલાડી છે જેને આઇપીએલમાં સૌથી વધારે કમાણી કરી છે, તેને અત્યારે સુધી 152 કરોડથી વધુ રૂપિયા આઇપીએલમાંથી કમાઇ લીધા છે. જેમાં ચેન્નાઇ સુપર કિંગ્સમાંથી તેને 137 કરોડ કમાયા છે. ધોની 2008થી ચેન્નાઇ સુપર કિંગ્સ સાથે જોડાયેલો છે, અને તેને દરેક સેશનની લગભગ કમાણી 15 કરોડથી વધુની છે. આ રિટેશન્સ બાદ ધોનીની કુલ કમાણી 150 કરોડની પાર થઇ ગઇ છે. તેની સેલેરી ઉપરાંત આઇપીએલની ત્રણ સિઝનમાં વિનિંગ ટીમ બનવાના કારણે 60 કરોડ રૂપિયા પણ મળી ચૂક્યા છે. ચેન્નાઇએ ફરી એકવાર ધોની પર ભરોસો રાખીને તેને 2021 માટે રિટેન કર્યો છે. (ફાઇલ તસવીર) રોહિત અને વિરાટ રહ્યાં ઘણા પાછળ.... મુંબઇ ઇન્ડિયન્સના કેપ્ટન રોહિત શર્મા અને રૉયલ ચેલેન્જર્સ બેંગ્લૉરના કેપ્ટન વિરાટ કોહલી આઇપીએલમાં કમાણી મામલે ધોનીથી ઘણા પાછળ છે. રોહિતની આઇપીએલની કમાણી 146.6 કરોડ છે, જેમાં તે દરેક સિઝનના 15 કરોડ રૂપિયા લઇ રહ્યો છે. વળી, કોહલની વાત કરીએ તો, તે આઇપીએલમાં અત્યાર સુધી 143.2 કરોડ રૂપિયા કમાઇ ચૂક્યો છે. જોકે, તે સિઝનની 17 કરોડ રૂપિયાની કમાણી કરી લે છે. (ફાઇલ તસવીર)