IPL Auction 2022: IPLમાં હરાજી કરાવનાર Hugh Edmeadesની તબિયત લથડતા બોલતા બોલતા સ્ટેજ પરથી પડી ગયા

IPL 2022 માટે ખેલાડીઓની હરાજી  બેંગલુરુમાં શરૂ થઈ હતી. હરાજી દરમિયાન એક મોટી ઘટના બની હતી.

ફોટોઃ ટ્વિટર

મુંબઇઃ IPL 2022 માટે ખેલાડીઓની હરાજી  બેંગલુરુમાં શરૂ થઈ હતી. હરાજી દરમિયાન એક મોટી ઘટના બની હતી.  બ્રિટનના હરાજી કરાવનારા Hugh Edmeadesની તબિયત અચાનક લથડી હતી અને તેઓ સ્ટેજ પરથી બેહોશ થઈને પડી ગયા હતા. તે સમયે તે વનિન્દુ હસરંગા માટે શ્રીલંકાની બોલી લગાવી રહ્યા હતા. હસરંગાની બોલી 10.75 કરોડ રૂપિયા સુધી પહોંચી હતી.

ઓસ્ટ્રેલિયાના ઓપનર ડેવિડ વોર્નરને દિલ્હી કેપિટલ્સે રૂ. 6.25 કરોડમાં ખરીદ્યો હતો. મુંબઈ ઈન્ડિયન્સ અને ચેન્નાઈ સુપર કિંગ્સે પણ વોર્નરને ખરીદવામાં રસ દાખવ્યો હતો. હરાજી પહેલા વોર્નર વિશે ઘણી અટકળો ચાલી રહી હતી કે તે મોંઘા ખેલાડીઓમાંથી એક બની શકે છે. વોર્નરનો અગાઉ આઈપીએલનો પગાર 12.5 કરોડ રૂપિયા હતો. વોર્નરે 2021 સિવાય સનરાઇઝર્સ માટે દરેક સિઝનમાં 500થી વધુ રન બનાવ્યા છે. તેમ છતાં સનરાઇઝર્સે તેને છોડ્યો. ત્રણ વખત ઓરેન્જ કેપ કબજે કરનાર વોર્નરે પોતાની કેપ્ટનશીપમાં સનરાઇઝર્સને ચેમ્પિયન પણ બનાવ્યું છે.

 ઓસ્ટ્રેલિયન ટેસ્ટ ટીમના સુકાની પેટ કમિન્સ તેની અગાઉની ટીમ કોલકાતા નાઈટ રાઈડર્સમાં પરત ફર્યો છે. પરંતુ તેને ગત વખતની સરખામણીમાં અડધી કિંમત મળી હતી. ગુજરાત, લખનૌ જેવી ટીમોએ પણ કમિન્સને ખરીદવા માટે રસ દાખવ્યો હતો. પેટ કમિન્સને કોલકાતાએ 7.25 કરોડમાં ખરીદ્યો હતો. નોંધપાત્ર રીતે, કમિન્સને IPL 2020ની હરાજીમાં15.50 કરોડ રૂપિયાની ભારે કિંમતમાં વેચવામાં આવ્યો હતો.

આ સિઝનમાં શ્રેયસ કોલકાતા નાઈટ રાઈડર્સ તરફથી રમતો જોવા મળશે. KKR એ શ્રેયસને 12.25 કરોડ રૂપિયામાં ખરીદ્યો. શ્રેયસ ઐયરને ખરીદવાની રેસમાં દિલ્હી, બેંગલુરુ, ગુજરાત, લખનઉ જેવી ટીમો પણ સામેલ હતી. KKR એક કેપ્ટનની શોધમાં છે, તેથી શ્રેયસ અય્યર શ્રેષ્ઠ વિકલ્પ બની શકે છે.