Joe Root Record: જો રૂટે 61મી સદી ફટકારી રચ્યો ઈતિહાસ! લારાનો વર્ષો જૂનો મહારેકોર્ડ તોડી ટોપ-8માં બનાવી જગ્યા
Joe Root 61st Century: ક્રિકેટ જગતમાં નવો કીર્તિમાન, શ્રીલંકા સામેની ત્રીજી વનડેમાં જો રૂટની તોફાની બેટિંગ; વેસ્ટ ઈન્ડિઝના દિગ્ગજ બ્રાયન લારાને પાછળ છોડીને સૌથી વધુ રન બનાવનાર વિશ્વનો આઠમો બેટ્સમેન બન્યો.
- શ્રીલંકા સામેની ત્રીજી વનડેમાં જો રૂટે 111 રનની ઈનિંગ રમી આંતરરાષ્ટ્રીય કારકિર્દીની 61મી સદી ફટકારી.
- રૂટે બ્રાયન લારાના (22,358 રન) રેકોર્ડને તોડીને કુલ 22,413 રન નોંધાવ્યા છે.
- આ સિદ્ધિ સાથે જો રૂટ વિશ્વમાં સૌથી વધુ રન બનાવનાર બેટ્સમેનોની યાદીમાં 8મા ક્રમે પહોંચી ગયો છે.
- આ લિસ્ટમાં સચિન તેંડુલકર પ્રથમ અને વિરાટ કોહલી બીજા નંબરે બિરાજમાન છે.
- જો રૂટની 61 સદી સામે વિરાટ કોહલી 85 સદી સાથે હજુ ઘણો આગળ છે.
Joe Root 61st Century: આંતરરાષ્ટ્રીય ક્રિકેટ (International Cricket) માં ઈંગ્લેન્ડના સ્ટાર બેટ્સમેન જો રૂટ (Joe Root) નું બેટ આગ ઓકી રહ્યું છે. શ્રીલંકા સામે રમાયેલી ત્રીજી વનડે (ODI) મેચમાં રૂટે શાનદાર પ્રદર્શન કરતા પોતાની કારકિર્દીની 61મી સદી ફટકારીને ઈતિહાસ રચી દીધો છે. 111 રનની યાદગાર ઈનિંગ સાથે રૂટે ક્રિકેટના મહાન ખેલાડી બ્રાયન લારા (Brian Lara) ના વર્ષો જૂના રેકોર્ડને તોડી નાખ્યો છે અને સૌથી વધુ રન બનાવનારા બેટ્સમેનોની એલિટ ક્લબમાં પોતાનું સ્થાન મજબૂત કર્યું છે.
બ્રાયન લારાનો રેકોર્ડ ધ્વસ્ત
જો રૂટે શ્રીલંકાના બોલરોની ધોલાઈ કરતા 111 રન ફટકાર્યા હતા. આ ઈનિંગ સાથે જ તેના આંતરરાષ્ટ્રીય ક્રિકેટમાં કુલ રનનો આંકડો 22,413 પર પહોંચી ગયો છે. આ સાથે તેણે વેસ્ટ ઈન્ડિઝના લેજેન્ડરી બેટ્સમેન બ્રાયન લારાને પાછળ છોડી દીધા છે.
બ્રાયન લારા: 22,358 રન
જો રૂટ: 22,413 રન (506 ઈનિંગ્સમાં)
ઉલ્લેખનીય છે કે, જો રૂટે અત્યાર સુધીમાં 61 સદી (Centuries) અને 116 અડધી સદી ફટકારીને પોતાની સાતત્યપૂર્ણ બેટિંગનો પરચો આપ્યો છે.
વિશ્વના ટોપ-8 રન સ્કોરર (Most International Runs)
જો રૂટ હવે વિશ્વમાં સૌથી વધુ રન બનાવનારા બેટ્સમેનોની યાદીમાં આઠમા ક્રમે પહોંચી ગયો છે. જોકે, ક્રિકેટના ભગવાન ગણાતા સચિન તેંડુલકર હજુ પણ ટોચ પર બિરાજમાન છે. યાદી નીચે મુજબ છે:
સચિન તેંડુલકર: 34,357 રન
વિરાટ કોહલી: 28,215 રન
કુમાર સંગાકારા: 28,016 રન
રિકી પોન્ટિંગ: 27,483 રન
મહેલા જયવર્ધને: 25,957 રન
જેક્સ કાલિસ: 25,534 રન
રાહુલ દ્રવિડ: 24,208 રન
જો રૂટ: 22,413 રન
વિરાટ કોહલી હજુ પણ 'કિંગ'
જો રૂટે ભલે લારાનો રેકોર્ડ તોડ્યો હોય, પરંતુ ભારતીય રન મશીન વિરાટ કોહલી (Virat Kohli) થી તે હજુ ઘણો પાછળ છે. વિરાટ કોહલીએ ટેસ્ટ અને T20 માંથી નિવૃત્તિ લીધી હોવા છતાં, માત્ર ODI રમીને પણ 28,215 રનનો પહાડ જેવો સ્કોર ખડક્યો છે.
સદીનો મુકાબલો: જો રૂટની 61 સદી સામે વિરાટ કોહલીના નામે આંતરરાષ્ટ્રીય ક્રિકેટમાં કુલ 85 સદી બોલે છે. કોહલીએ માત્ર વનડે ફોર્મેટમાં જ 54 સદી ફટકારીને વિશ્વ વિક્રમ સ્થાપિત કરેલો છે.
ટોપ સ્ટોરી
ટ્રેન્ડિંગ સમાચાર
