60 રનમાં પડી હતી 5 વિકેટ, પછી 'જુનિયર એબી ડી વિલિયર્સ' એ દુબે સાથે મચાવી તબાહી ; CSKએ કોલકાતાને 2 વિકેટે હરાવ્યું
KKR vs CSK Highlights: ચેન્નાઈ સુપર કિંગ્સે કોલકાતા નાઈટ રાઇડર્સને 2 વિકેટથી હરાવ્યું. પ્લેઓફના દૃષ્ટિકોણથી KKR માટે આ મેચ જીતવી ખૂબ જ મહત્વપૂર્ણ હતી.
KKR vs CSK Match Highlights IPL 2025 Match 57: ચેન્નાઈ સુપર કિંગ્સે કોલકાતા નાઈટ રાઇડર્સને 2 વિકેટથી હરાવ્યું. પ્લેઓફની દૃષ્ટિએ KKR માટે આ મેચ ખૂબ જ મહત્વપૂર્ણ હતી. આ મેચમાં, KKR એ પ્રથમ બેટિંગ કરીને 179 રન બનાવ્યા, જેના જવાબમાં CSK એ છેલ્લી ઓવર સુધી ચાલેલી મેચમાં 2 વિકેટ બાકી રાખીને મેચ જીતી લીધી. આ મેચમાં એમએસ ધોની 17 રન બનાવીને અણનમ પાછો ફર્યો.
Elation for the men in yellow 🥳@ChennaiIPL make it 1⃣-1⃣ against #KKR in the season with a 2⃣ wicket win at Eden Gardens💛
— IndianPremierLeague (@IPL) May 7, 2025
Updates ▶ https://t.co/ydH0hsBFgS #TATAIPL | #KKRvCSK pic.twitter.com/6MTmj6NPMH
ઈડન ગાર્ડન્સ ખાતે રમાયેલી આ મેચમાં ચેન્નાઈ સુપર કિંગ્સને 180 રનનો લક્ષ્યાંક મળ્યો હતો. જવાબમાં, CSK ની શરૂઆત ખરાબ રહી કારણ કે બંને ઓપનર ખાતું ખોલાવ્યા વિના આઉટ થઈ ગયા. આયુષ મ્હાત્રે અને ડેવોન કોનવે પણ શૂન્યના સ્કોર પર આઉટ થયા હતા. આ મેચમાં IPLમાં ડેબ્યૂ કરનાર ઉર્વિલ પટેલે પોતાની વિસ્ફોટક બેટિંગથી દર્શકોને મંત્રમુગ્ધ કરી દીધા હતા. તેણે 31 રનની વિસ્ફોટક ઇનિંગમાં 1 ચોગ્ગો અને 4 છગ્ગા ફટકાર્યો.
CSK ટીમ મેનેજમેન્ટે રવિચંદ્રન અશ્વિનને ચોથા નંબરે મોકલીને મોટો જુગાર રમ્યો, જે નિષ્ફળ ગયો કારણ કે અશ્વિન ફક્ત 8 રન બનાવીને આઉટ થયો. રવિન્દ્ર જાડેજાને શરૂઆત મળી પણ 10 બોલમાં 19 રન બનાવીને પેવેલિયન પરત ફર્યા. 180 રનના લક્ષ્યનો પીછો કરતી વખતે, સીએસકેની અડધી ટીમ 60 રનના સ્કોરે પેવેલિયન પરત ફરી હતી.
શિવમ દુબે અને ડેવાલ્ડ બ્રેવિસે વાપસી કરી
ચેન્નાઈની અડધી ટીમ 60 રનના સ્કોરે આઉટ થઈ ગઈ હતી. શિવમ દુબે અને ડેવાલ્ડ બ્રેવિસે 67 રનની ભાગીદારી કરીને આ મુશ્કેલીમાંથી બહાર નીકળ્યા. બ્રેવિસે માત્ર 25 બોલમાં 52 રન બનાવ્યા અને આ દરમિયાન તેણે 4 છગ્ગા અને 4 ચોગ્ગા ફટકાર્યા.
ટોપ સ્ટોરી
ટ્રેન્ડિંગ સમાચાર
