SA Vs BAN, Match Highlights: દક્ષિણ આફ્રિકાએ બાંગ્લાદેશને 149 રનથી હરાવ્યું, પોઈન્ટ ટેબલમાં બીજા સ્થાન પર પહોંચ્યું

જીત સાથે આફ્રિકન ટીમ પોઈન્ટ ટેબલમાં બીજા સ્થાને પહોંચી ગઈ છે અને સેમીફાઈનલ માટે પોતાનો દાવો મજબૂત કરી લીધો છે.

દક્ષિણ આફ્રિકાએ બાંગ્લાદેશને હરાવ્યું

SA vs BAN: ODI વર્લ્ડ કપ 2023ની 23મી મેચમાં દક્ષિણ આફ્રિકાએ બાંગ્લાદેશને હરાવ્યું હતું. આ જીત સાથે આફ્રિકન ટીમ પોઈન્ટ ટેબલમાં બીજા સ્થાને પહોંચી ગઈ છે અને સેમીફાઈનલ માટે પોતાનો દાવો મજબૂત કરી લીધો છે. આ મેચમાં દક્ષિણ આફ્રિકાએ ટોસ જીતીને પ્રથમ બેટિંગ કરીને 382 રન બનાવ્યા હતા. જવાબમાં બાંગ્લાદેશની ટીમ માત્ર 233 રન બનાવી ઓલઆઉટ થતાં દક્ષિણ આફ્રિકાએ 149 રનથી મેચ જીતી હતી.

ડી કોકની સદીથી આફ્રિકાએ ખડક્યો મોટો સ્કોર

ટોસ જીતીને પ્રથમ બેટિંગ કરવા ઉતરેલી આફ્રિકન ટીમની શરૂઆત ખરાબ રહી હતી. રીસ હેન્ડ્રીક્સ 12 રન બનાવીને આઉટ થયો હતો અને રાસી વેન ડેર ડુસેન એક રન બનાવીને આઉટ થયો હતો. હેન્ડ્રીક્સને શોરીફુલ અને ડુક્વેની મિરાજે આઉટ કર્યો હતો. આ પછી ક્વિન્ટન ડી કોકે કેપ્ટન એડન માર્કરામ સાથે ત્રીજી વિકેટ માટે 131 રનની ભાગીદારી કરી હતી. ડી કોકે તેની ODI કારકિર્દીની 20મી સદી અને આ વર્લ્ડ કપની ત્રીજી સદી ફટકારી હતી.   માર્કરામે તેની ODI કારકિર્દીની નવમી અડધી સદી ફટકારી હતી. શાકિબે આ ભાગીદારી તોડી. માર્કરમ 69 બોલમાં સાત ચોગ્ગાની મદદથી 60 રન બનાવીને આઉટ થયો હતો. તે જ સમયે, તેની 150મી ODIમાં, ડી કોકે 140 બોલમાં 15 ચોગ્ગા અને સાત છગ્ગાની મદદથી 174 રનની ઇનિંગ રમી હતી. આ વર્લ્ડ કપમાં આ સર્વોચ્ચ વ્યક્તિગત સ્કોર છે. આ પહેલા આ રેકોર્ડ ડેવિડ વોર્નરના નામે હતો. તેણે પાકિસ્તાન સામે 163 રનની ઇનિંગ રમી હતી. આ પછી હેનરિક ક્લાસને 34 બોલમાં પોતાની અડધી સદી પૂરી કરી હતી. ક્લાસેન અને ડી કોક વચ્ચે 141 રનની ભાગીદારી થઈ હતી. ક્લાસને 49 બોલમાં બે ચોગ્ગા અને આઠ છગ્ગાની મદદથી 90 રનની ઇનિંગ રમી હતી. ડેવિડ મિલર 15 બોલમાં એક ચોગ્ગા અને ચાર છગ્ગાની મદદથી 34 રન બનાવ્યા બાદ અણનમ રહ્યો હતો. જ્યારે માર્કો જેન્સેન એક રન બનાવીને અણનમ રહ્યો હતો.  

A stupendous 174 helps Quinton de Kock garner his second @aramco #POTM of #CWC23 🎇#SAvBAN pic.twitter.com/iDYuhawehD

— ICC (@ICC) October 24, 2023

ડી કોકની ત્રીજી સદી

ડી કોકે વર્લ્ડ કપમાં પોતાની ત્રીજી સદી ફટકારી છે. ડી કોકે 101 બોલમાં પોતાની સદી પૂરી કરી હતી. ક્વિન્ટન ડી કોકે વર્લ્ડકપ 2023ની શરૂઆત પહેલા ટુર્નામેન્ટ બાદ ક્રિકેટમાંથી સંન્યાસની જાહેરાત કરી હતી.

વિશ્વ કપની એક જ આવૃત્તિમાં સૌથી વધુ સદી

• 5 - રોહિત શર્મા (2019)
• 4 - કુમાર સંગાકારા (2015)
• 3 - માર્ક વો (1996)
• 3 - સૌરવ ગાંગુલી (2003)
• 3 - મેથ્યુ હેડન (2007)
• 3 - ડેવિડ વોર્નર (2019)
• 3* - ક્વિન્ટન ડી કોક (2023)

મહમુદુલ્લા સિવાયના બેટ્સમેનો નિષ્ફળ

મેચ જીતવા 383 રનના ટાર્ગેટ સામે બાંગ્લાદેશની ટીમ 46.4 ઓવરમાં 233 રનમાં ઓલઆઉટ થઈ હતી. બાંગ્લાદેશ તરફથી મહમુદુલ્લાએ સર્વાધિક 111 રન બનાવ્યા હતા.

The South Africa juggernaut rolls on in Mumbai 🤩

The Proteas garner a massive net run rate boost with another emphatic win ✅#CWC23 | #SAvBAN 📝: https://t.co/PVE1gu760U pic.twitter.com/etLHr2EIRT

— ICC (@ICC) October 24, 2023