કોણ હોવો જોઈએ ટીમ ઈન્ડિયાનો આગામી T20 કેપ્ટન? રવિ શાસ્ત્રીએ આ ખેલાડીને ગણાવ્યો મજબૂત દાવેદાર

જો સૂર્યકુમાર યાદવને દૂર કરવામાં આવે છે, તો ભારતની T20 ટીમનો આગામી કેપ્ટન કોણ હશે? શ્રેયસ ઐયર અને સંજુ સેમસનના નામ સંભવિત ઉમેદવારો તરીકે ઉભરી આવ્યા છે. હવે, રવિ શાસ્ત્રીએ આ બાબતે પોતાનો અભિપ્રાય આપ્યો છે.

ટીમ ઈન્ડિયા ટી20 કેપ્ટન

Source : x

Show Quick Read

Key points generated by AI, verified by newsroom

• સૂર્યકુમાર યાદવની કેપ્ટનસી પર સવાલ, નવા T20 કેપ્ટનની શોધ.
• શ્રેયસ અય્યર, સંજુ સેમસન મજબૂત દાવેદાર તરીકે ઉભરી આવ્યા.
• રવિ શાસ્ત્રીએ સંજુ સેમસનને T20 કેપ્ટન બનાવવાની હિમાયત કરી.
• સંજુ સેમસન રાજસ્થાન રોયલ્સ માટે કેપ્ટનશીપનો અનુભવ ધરાવે છે.

India T20 Captain: ભારતીય ક્રિકેટ ટીમના નવા T20 કેપ્ટનને લઈને પણ ચર્ચા ચાલુ છે, કારણ કે એક રિપોર્ટ અનુસાર સૂર્યકુમાર યાદવના વ્યક્તિગત પ્રદર્શનને જોતા તેમને કેપ્ટન પદ પરથી હટાવવા અંગે વિચારણા ચાલી રહી છે. નવા T20 કેપ્ટન તરીકે શ્રેયસ અય્યર, સંજુ સેમસન મજબૂત દાવેદાર દેખાઈ રહ્યા છે. આ દરમિયાન પૂર્વ ક્રિકેટર રવિ શાસ્ત્રીએ ICC રિવ્યુમાં સંજુને કેપ્ટન બનાવવાની હિમાયત કરી છે.

 

રવિ શાસ્ત્રીનું માનવું છે કે સંજુ સેમસનમાં કાબિલિયત તો શરૂઆતથી જ હતી, પરંતુ છેલ્લા કેટલાક સમયથી તે શાનદાર ફોર્મમાં છે અને આવનારા 2-3 વર્ષોમાં તે વધુ શાનદાર રમત બતાવશે. પૂર્વ ક્રિકેટર તેમને T20માં કેપ્ટનશિપ માટે મજબૂત દાવેદાર માને છે કારણ કે તેઓ ઘણી સીઝનથી રાજસ્થાન રોયલ્સ માટે કેપ્ટનશિપ પણ કરી રહ્યા છે.

રવિ શાસ્ત્રી શું બોલ્યા

ICC રિવ્યુમાં સંજના ગણેશન સાથે વાત કરતા શાસ્ત્રીએ કહ્યું, "આગામી T20 વર્લ્ડ કપ (2028) સુધી ભારત કદાચ નવા કેપ્ટનની શોધમાં હોય, આ વાત એ બાબત પર પણ નિર્ભર કરશે કે સૂર્યકુમાર યાદવનું પ્રદર્શન કેવું રહે છે. પરંતુ સંજુ સેમસને પોતાની જાતને કેપ્ટનશિપ માટે મજબૂત દાવેદાર તરીકે રજૂ કરી છે, તેઓ રાજસ્થાન રોયલ્સની પણ કમાન સંભાળી ચૂક્યા છે."

તેમણે વધુમાં ઉમેર્યું, "ટીમમાં સંજુનું સ્થાન પાકું છે. તે બેટિંગ ઓર્ડરમાં સૌથી ઉપર આવે છે અને અત્યંત આક્રમક બેટ્સમેન છે, તેથી મને લાગે છે કે આ તો માત્ર શરૂઆત છે અને આગામી 2-3 વર્ષોમાં તમે સંજુ પાસેથી હજુ ઘણું બધું જોવાના છો."

રવિ શાસ્ત્રીને નથી લાગતું કે સંજુ સેમસનની સાતત્યતા (consistency) હવે કોઈ મુદ્દો છે. તેમણે કહ્યું, "મને લાગે છે કે સેમસને તે તમામ સવાલોનો અંત લાવી દીધો છે. કાબિલિયત તો તેમનામાં શરૂઆતથી જ હતી. ફેન્સ એટલા માટે નિરાશ થતા હતા કારણ કે તેઓ પોતાની તે કાબિલિયત સાથે પૂરો ન્યાય કરી શકતા નહોતા."

પૂર્વ ક્રિકેટરે કહ્યું કે T20 વર્લ્ડ કપમાં શાનદાર પ્રદર્શન બાદ IPLની આ સીઝનમાં તેઓ જે રીતે રમી રહ્યા છે, તે કેપ્ટનશિપ માટે મજબૂત દાવેદાર બની ગયા છે. તેમણે કહ્યું, "IPLમાં જે પ્રકારની પરિપક્વતા તેઓ બતાવી રહ્યા છે, તેને જોતા મારું માનવું છે કે સંજુ સેમસન ભવિષ્યમાં કેપ્ટનશિપ માટે એક મજબૂત અને સ્પષ્ટ દાવેદાર બની ગયા છે."

આ પણ વાંચો

IPL 2026: ગ્રાઉન્ડ પર રોહિત શર્માની મસ્તી, રધરફોર્ડના દીકરા સાથે લુકા-છુપી રમતો દેખાયો, વીડિયો વાયરલ

'ઓય અંધેરે...' તિલક વર્મા પર વંશીય ટિપ્પણી કરીને બરાબરનો ભરાયો અર્શદીપ સિંહ; વીડિયો વાયરલ થતા મચ્યો હોબાળો