T20: ભારત-ન્યૂઝીલેન્ડ વચ્ચેની આજની ટી20 કોણ જીતશે ? બન્ને વચ્ચે આવા છે રેકોર્ડ, જાણો

ત્રણ મેચોની ટી20 સીરીઝમાં આજે 18 નવેમ્બરે સીરીઝની પહેલી મેચ ભારત અને ન્યૂઝીલેન્ડ રમાઇ રહી છે.

ફાઇલ તસવીર

IND vs NZ: આજે ભારત અને ન્યૂઝીલેન્ડની ટીમ વેલિંગ્ટનમાં આમને સામને ટકરાઇ રહી છે અને આ મુકાબલો આઇસીસી ટી20 વર્લ્ડકપ 2022 બાદ પહેલીવાર થઇ રહ્યો છે, બન્ને ટીમોનુ વર્લ્ડકપમાં પરફોર્મન્સ સારુ રહ્યું હતુ, સુપર 12માં રાઉન્ડમાં બન્ને ટીમો ટૉપ પર હતી, જોકે, સેમિ ફાઇનલમાં કીવી ટીમને પાકિસ્તાની ટીમે માત આપી અને ભારતીય ટીમને ઇંગ્લિશ ટીમે હરાવી હતી. બાદમાં ઇંગ્લિશ ટીમ પાકિસ્તાની ટીમને ફાઇનલમાં હારાવીને નવી ટી20 ચેમ્પીયન બની ગઇ હતી. 

ત્રણ મેચોની ટી20 સીરીઝમાં આજે 18 નવેમ્બરે સીરીઝની પહેલી મેચ ભારત અને ન્યૂઝીલેન્ડ રમાઇ રહી છે. સીરીઝ શરૂ થાય તે પહેલા બન્ને ટીમોના હેડ ટૂ હેડ રેકોર્ડ જોવા જોઇએ, જાણો બન્ને ટીમોમાંથી ટી20માં કોનુ પલડુ રહ્યું છે ભારે....... 

ભારત અને ન્યૂઝીલેન્ડ વચ્ચે રમાયેલી અત્યાર સુધીની ટી20 મેચોની વાત કરીએ તો ખબર પડશે કે ભારતીય ટીમ કીવી ટીમ પર થોડી હાવી રહી છે. બન્ને વચ્ચે અત્યાર સુધી કુલ 20 આંતરરાષ્ટ્રીય ટી20 મેચો રમાઇ છે, જેમાં ભારતીય ટીમને 11 મેચોમાં જીત હાંસલ થઇ છે, તો ન્યૂઝીલેન્ડની ટીમે 9 મેચોમાં જીત મેળવી છે. વળી, આંકડાઓમાં જોઇએ તો ભારતીય ટીમનુ દેશની બહાર પણ સારુ પ્રદર્શન દેખાઇ રહ્યું છે. ટીમ ઇન્ડિયા દેશની બહાર 6 મેચોમાં જીતી છે, જે બતાવે છે કેક ન્યૂઝીલેન્ડને તેની જ ધરતી પર પણ હરાવવાની તાકાત ભારતીય ટીમ રાખે છે. 

ભારતમાં ટીવી પર પણ થશે લાઇવ ટેલિકાસ્ટ -
ભારત અને ન્યૂઝીલેન્ડની વચ્ચે રમાનારી ટી20 સીરીઝના પ્રસારણના અધિકાર કોઇ ટીવી ચેનલ પાસે નથી, પરંતુ બુધવારે મોડી સાંજે ભારતીય ફેન્સ માટે આની વ્યવસ્થા પણ કરી દેવામાં આવી છે. આ સીરીઝની તમામ મેચોને હવે ભારતમાં ડીડી સ્પોર્ટ્સ ચેનલ પર જોઇ શકાશે. આ વિશે ડીડી સ્પોર્ટ્સે પોતાના સોશ્યલ મીડિયા એકાઉન્ટ્સ પર આની જાણકારી આપી છે. આમાં કહેવામાં આવ્યુ છે કે, આ સીરીઝનો આનંદ તમે ડીડી સ્પોર્ટ્સ (ફ્રી ડિશ અને બીજા ડિશ નેટવર્ક) પરથી ઉઠાવી શકો છો. 

કઇ મોબાઇલ એપ પર જોઇ શકાશે મેચ 
આ સીરીઝને ડિજીટલ પ્રસારણના અધિકાર અમેઝૉનની પ્રાઇમ વીડિયોની પાસે છે, આવામાં તમામ મેચોનું ઓનલાઇન સ્ટ્રીમિંગ પ્રાઇમ વીડિયો પર જોઇ શકાશે. જોકે આ માટે ફેન્સને પૈસા પણ ખર્ચવા પડશે અને અમેઝૉનની આ ઓટીટી એપ માટે સબ્સક્રિપ્શન લેવુ પડશે.

શું હશે મેચનું ટાઇમિંગ - 
ભારત અને ન્યૂઝીલેન્ડની વચ્ચે પહેલી ટી20 મેચ ભારતીય સમયાનુસાર બપોરે 12 વાગ્યાથી શરૂ થશે. આ માટે ટૉસનો સિક્કો અડધા કલાક પહેલા એટલે કે સવારે 11:30 વાગ્યાથી ઉછાળવામાં આવશે. 

ક્યાં રમાશે પહેલી ટી20 મેચ 
સીરીઝની પહેલી મેચ વેલિંગટનના સ્કાય સ્ટેડિયમમાં રમાશે.