ઋષભ પંતની 638 દિવસ બાદ ધમાકેદાર વાપસી, 'ગબ્બર'નો આ રેકોર્ડ તોડ્યો
ચેન્નાઈ ટેસ્ટ મેચમાં ભારત અને બાંગ્લાદેશ આમને-સામને છે. 2 મેચોની ટેસ્ટ શ્રેણીની આ પહેલી મેચ છે, જેના દ્વારા ઋષભ પંત લાંબા સમય બાદ ટેસ્ટ ક્રિકેટમાં પરત ફર્યો છે.
IND vs BAN: ચેન્નાઈ ટેસ્ટ મેચમાં ભારત અને બાંગ્લાદેશ આમને-સામને છે. 2 મેચોની ટેસ્ટ શ્રેણીની આ પહેલી મેચ છે, જેના દ્વારા ઋષભ પંત લાંબા સમય બાદ ટેસ્ટ ક્રિકેટમાં પરત ફર્યો છે. એક ભયાનક કાર અકસ્માતમાં ગંભીર રીતે ઘાયલ થયા બાદ પંત 638 દિવસ બાદ ટેસ્ટ ક્રિકેટમાં પરત ફર્યો હતો. ચેન્નાઈ ટેસ્ટની પ્રથમ ઈનિંગમાં રિષભ પંત પોતાની જૂની સ્ટાઈલમાં જોવા મળ્યો હતો પરંતુ તે કોઈ મોટી ઈનિંગ રમી શક્યો નહોતો. તે 39 રન બનાવીને પેવેલિયન પરત ફર્યો હતો. જો કે, બીજી ઇનિંગમાં તેણે ધમાકેદાર સદી ફટકારી.
Rishabh Pant marks his return to Test cricket with a breezy century 💯#WTC25 | 📝 #INDvBAN: https://t.co/rGbNF8A6pX pic.twitter.com/0QhACT03hy
— ICC (@ICC) September 21, 2024
ધોનીના રેકોર્ડની બરાબરી કરી
પંતે 124 બોલમાં 11 ચોગ્ગા અને 4 છગ્ગાની મદદથી તેની ટેસ્ટ કારકિર્દીની છઠ્ઠી ટેસ્ટ સદી પૂરી કરી હતી. આ રીતે તે ભારત માટે સૌથી વધુ ટેસ્ટ સદી ફટકારનાર વિકેટકીપર બન્યો હતો. તેણે મહેન્દ્ર સિંહ ધોનીના રેકોર્ડની બરાબરી કરી. ધોનીએ 90 ટેસ્ટની 144 ઇનિંગ્સમાં 6 સદી ફટકારી હતી. 638 દિવસ બાદ ટેસ્ટમાં તેના બેટથી 50થી વધુનો સ્કોર આવ્યો છે. આ પહેલા પંતે 23 ડિસેમ્બર 2022ના રોજ મીરપુરમાં બાંગ્લાદેશ સામે અડધી સદી ફટકારી હતી. પંતે 88 બોલમાં પોતાની ફિફ્ટી પૂરી કરી હતી. આ દરમિયાન તેણે 2 ચોગ્ગા અને 2 છગ્ગા ફટકાર્યા હતા. પોતાની અડધી સદી પૂરી કરતાની સાથે જ પંતે મેદાનની ચારે બાજુ મોટા શોટ રમવાનું શરૂ કર્યું. આ પછી, તેણે ટૂંક સમયમાં 5 ચોગ્ગા અને 1 છગ્ગા ફટકારીને પોતાનો વ્યક્તિગત સ્કોરને 80 થી આગળ લઈ ગયો. લંચ સુધી તે 82 રન બનાવીને રમી રહ્યો હતો. લંચ બાદ તરત જ તેણે સદી પૂરી કરીને નવો રેકોર્ડ બનાવ્યો હતો.
ભારતીય વિકેટકીપર દ્વારા સૌથી વધુ ટેસ્ટ સદી
6 - ઋષભ પંત*
6 - એમએસ ધોની
3 - રિદ્ધિમાન સાહા
પંતે શિખર ધવનનો રેકોર્ડ તોડ્યો
આ શાનદાર સદીની ઇનિંગ્સ દરમિયાન પંતે એક મોટી સિદ્ધિ પણ હાંસલ કરી હતી. તેણે ટેસ્ટ ક્રિકેટમાં ભારત માટે સૌથી વધુ રન બનાવવાના મામલે શિખર ધવનને પાછળ છોડી દીધો. શિખર ધવને 34 ટેસ્ટ મેચની 58 ઇનિંગ્સમાં 2315 રન બનાવ્યા હતા. હવે પંતે ચેન્નાઈ ટેસ્ટની બીજી ઈનિંગમાં અડધી સદી ફટકારીને ટેસ્ટ રનના મામલે ધવનને પાછળ છોડી દીધો છે. પંતે શિખર ધવનની જેમ મેચોની સમાન ઈનિંગ્સમાં 2400થી વધુ રન બનાવ્યા છે, જેમાં 6 સદી અને 11 અડધી સદી સામેલ છે. પંત ટેસ્ટ ક્રિકેટમાં સૌથી વધુ રન બનાવનાર 32મો ભારતીય બેટ્સમેન બની ગયો છે. આ સાથે જ ધવન 33મા સ્થાને સરકી ગયો છે.
જસપ્રીત બુમરાહે ખાસ યાદીમાં પોતાનું સ્થાન બનાવ્યું, આવુ કરનારો છઠ્ઠો ભારતીય બોલર બન્યો
ટોપ સ્ટોરી
ટ્રેન્ડિંગ સમાચાર
