Rohit Sharma: મુંબઈ બોરીવલીથી લઈ ટીમ ઈન્ડિયાના હિટમેન સુધીની સફર, રોહિત શર્માની સ્ટોરી
એક દિવસ, જ્યારે લાડ નેટ સેશન માટે મોડું થયું, ત્યારે તેણે રોહિતને તેના બેટિંગ સ્ટ્રોકની પ્રેક્ટિસ કરતા જોયો. જ્યારે લાડને સમજાયું કે રોહિત પણ બેટિંગ કરી શકે છે.
જ્યારે રોહિત શર્મા ચાર વર્ષ પહેલાં ભારતના ODI વર્લ્ડ કપ અભિયાન માટે કેપ્ટન વિરાટ કોહલીની સાથે ટીમના વાઈસ કેપ્ટન તરીકે ઇંગ્લેન્ડ જવા રવાના થયો હતો, ત્યારે તેના બાળપણના કોચ અને માર્ગદર્શક દિનેશ લાડે રોહિતના મોટા ભાગના ચાહકો જેવી જ લાગણી વ્યક્ત કરી હતી. "વર્લ્ડ કપ તેના માટે ઘણો મહત્વનો છે. જ્યારે તે 2011માં ચૂકી ગયો હતો, તો આ તેની કારકિર્દીનો ટર્નિંગ પોઈન્ટ સાબિત થયો. હવે, મને આશા છે કે તે ટ્રોફી હાથમાં લઈને પરત ફરશે.
2023 સુધી ઝડપથી આગળ વધતા, રોહિત શર્માએ નોંધપાત્ર સફળતા હાંસિલ કરી છે. તે 2019 માં ટ્રોફી લીધા વગર પરત ફર્યો, પરંતુ પ્લેયર ઓફ ધ ટૂર્નામેન્ટ બનવુ માત્ર અંતિમ પુરસ્કારથી ચૂકવાનુ એકમાત્ર આશ્વાસન હોઈ શકે છે.
રોહિત હવે ઈન્ડિયન પ્રીમિયર લીગમાં સંયુક્ત રીતે સૌથી સફળ કેપ્ટન છે. તે વ્હાઈટ-બોલ ક્રિકેટમાં સૌથી ખતરનાક ઓપનર પણ છે અને તે પોતાની જાતને વિશ્વાસપાત્ર ટેસ્ટ ઓપનર તરીકે સ્થાપિત કરવામાં સફળ રહ્યો છે. 2020 માં, તેને ખેલ રત્ન એવોર્ડથી નવાજવામાં આવ્યો, જે ભારતમાં રમતગમતનું સર્વોચ્ચ સન્માન છે. ગુરુના પ્રયત્નોની પણ પ્રશંસા કરવામાં આવી હતી. લાડ કે જેઓ શાર્દુલ ઠાકુરને કોચિંગ પણ આપી ચૂક્યા છે, તેમને દ્રોણાચાર્ય એવોર્ડ એનાયત કરવામાં આવ્યો હતો.
અપેક્ષાઓનો બોજ વહન કરવું હંમેશા રોહિત માટે સ્વાભાવિક રીતે જ આવ્યું છે. જ્યારે તે 12 વર્ષનો હતો, ત્યારે તેના પિતા અને પાંચ ભાઈ-બહેનોએ તેને બોરીવલીમાં ક્રિકેટ કેમ્પમાં મોકલવા માટે સંસાધનો એકત્રિત કર્યા અને મિત્રો પાસેથી પૈસા ઉછીના લીધા. તે સમયે રોહિત તેના દાદા-દાદી અને કાકા રવિ સાથે રહેતો હતો.
લાડ - જે કેમ્પમાં કોચિંગ આપી રહ્યા હતા - રોહિતના ઓફ-સ્પિનથી પ્રભાવિત થયા અને રવિને તેને સ્વામી વિવેકાનંદ ઈન્ટરનેશનલ સ્કૂલમાં દાખલ કરવા માટે રાજી કર્યા. તેણે તેની ફી માફી પણ મેળવી લીધી. રોહિત ઝડપથી શાળા સંચાલન અને સ્થાનિક ક્રિકેટ સમુદાયની અપેક્ષાઓનું કેન્દ્ર બની ગયો, જે તેણે પોતાની ઓફ-સ્પિન વડે ગેમ જીતીને પૂરી કરી.
એક દિવસ, જ્યારે લાડ નેટ સેશન માટે મોડું થયું, ત્યારે તેણે રોહિતને તેના બેટિંગ સ્ટ્રોકની પ્રેક્ટિસ કરતા જોયો. જ્યારે લાડને સમજાયું કે રોહિત પણ બેટિંગ કરી શકે છે.
લાડ કહે છે કે, “ઘણીવાર એવું કહેવામાં આવે છે કે આર્થિક રીતે નબળા પરિવારોના બાળકો ક્રિકેટર તરીકે વિકાસ પામતા નથી. હું તમને કહી શકું છું કે જો તમારી પાસે પ્રતિભા અને સખત મહેનત કરવાની ઇચ્છા હોય અને નસીબદાર હોય તો તમારી નાણાકીય પૃષ્ઠભૂમિમાં કોઈ ફરક પડતો નથી. રોહિત શર્મા તેનું એક આકર્ષક ઉદાહરણ છે,”
રોહિતની પ્રતિભાથી પ્રભાવિત થયા પછી, સુપ્રસિદ્ધ રમાકાંત આચરેકરના શિષ્ય અને પશ્ચિમ રેલ્વેના ભૂતપૂર્વ ખેલાડી લાડે મુંબઈમાં તેમના મિત્રોને "બાંદ્રાના બાળકો પર ધ્યાન આપવા માટે મનાવવાની કોશિશ કરી.
અંડર-16માં પસંદગી ટ્રાયલમાંથી બાકાત થતાં રોહિતને શરુઆતમાં અસફળતાનો સામનો કરવો પડ્યો હતો, પરંતુ જ્યારે BCCI એ વય મર્યાદાને અંડર-15 અને અંડર-17માં બદલીને તેને એક વધારાનું વર્ષ આપ્યું ત્યારે કિસ્મતે તેને સાથ આપ્યો. તેની પ્રતિભા નિખરીને સામે આવી, જેનાથી તેને મુંબઈની પસંદગીના ટ્રાયલ દરમિયાન પ્લેયર ઓફ ધ ટુર્નામેન્ટનો ખિતાબ મળ્યો.
લાડે નિર્ણાયક ભૂમિકા ભજવી અને રોહિત અને તેના પરિવારને તેની બિલ્ડિંગમાં ઘર શોધવામાં મદદ કરી. આ સિવાય અસાધારણ પ્રતિભાને પારખવા માટે જાણીતા વાસુ પરાંજપેની નજરે રોહિતની પ્રગતિ સુનિશ્ચિત કરી. પરાંજપેના પ્રભાવે રોહિતનું સ્થાન માત્ર અંડર-17 ટીમમાં જ નહીં, પણ પ્લેઈંગ ઈલેવનમાં પણ સુરક્ષિત કર્યું. પરાંજપેએ તે સમયે મુખ્ય જુનિયર પસંદગીકાર પ્રવિણ આમરેને એક સ્થાનિક મેચમાં રોહિતની બેટિંગ જોવા માટે ફરજ પાડી હતી. 2004 સુધીમાં, રોહિતને પહેલેથી જ મુંબઈના ઉભરતા સ્ટાર તરીકે ઓળખવામાં આવતો હતો.
રોહિતની ક્ષમતા જોયા પછી તરત જ એર ઈન્ડિયાના ક્રિકેટ સેટ-અપમાં એક પ્રભાવશાળી વ્યક્તિ આમ્રેએ રોહિત માટે 2006માં U-19 વર્લ્ડ કપ માટે પસંદ કરવામાં આવ્યો તે પહેલાં જ તેને ક્રિકેટ શિષ્યવૃત્તિ અપાવી. લાડ કહે છે કે, એક સારા કોચને હંમેશા ખ્યાલ હોવો જોઈએ કે જ્યારે કોઈ પ્રતિભા તેની રમત સારી રીતે જાણે છે, ત્યારે તેણે તેને છોડી દેવો જોઈએ. આખો સમય કોચિંગ ન કરતા રહો. તેના બદલે, તમારે ખેલાડી તમારી પાસે પ્રશ્ન લઈને આવે તેની રાહ જોવી પડશે,”
"જો તે ન કરે, તો તેનો અર્થ એ છે કે ખેલાડી પરિપક્વ થઈ ગયો છે અથવા ક્યારેક લાગે છે કે બાળપણના કોચ તેની કુશળતામાં વધારો કરી શકતા નથી. તે સારું છે, તેથી તેણે 10મું પાસ કર્યા પછી, મેં ભાગ્યે જ રોહિત સાથે તેના ક્રિકેટ વિશે ચર્ચા કરી હતી. અમે રમત વિશે સતત ચર્ચા કરતા, પરંતુ ભાગ્યે જ તેની રમત પર ચર્ચા કરી હતી.”
રોહિતે બેલફાસ્ટમાં આયર્લેન્ડ વિ. ભારત, 23 જૂન, 2007 માં આંતરરાષ્ટ્રીય ક્રિકેટમાં ડેબ્યૂ કર્યા પછી, તે જ વર્ષે દક્ષિણ આફ્રિકામાં ભારતની T20 વર્લ્ડ કપ ટીમના સૌથી યુવા સભ્ય તરીકે તેને લાગ્યું કે તેને બહાર છોડવામાં આવ્યો છે, જો કે લાડની ભૂમિકા અત્યાર સુધીમાં કોચમાંથી માર્ગદર્શકમાં બદલાઈ ગઈ હતી. “મેં તેને ફક્ત એટલું જ કહ્યું હતું કે તે સિનિયર્સ પાસેથી શીખે અને તે જે પણ કરી રહ્યો હોય તેનો આનંદ લે. ત્યારબાદ યુવરાજ સિંહ ઈજાના કારણે દક્ષિણ આફ્રિકાની મેચમાં રમી શક્યો ન હતો. રોહિતને બેટિંગ કરવાની તક મળી, અને તેણે તેનો ભરપુર ફાયદો ઉઠાવ્યો અને અડધી સદી ફટકારી.
ટીમ ઈન્ડિયાની ઐતિહાસિક સફરમાંથી પરત ફર્યા બાદ, રોહિત અને તેના સાથી ખેલાડીઓને મુંબઈ એરપોર્ટથી વાનખેડે સ્ટેડિયમ સુધીની ઓપન-ટોપ બસ પરેડ દરમિયાન હજારો ચાહકો ઉમટી પડ્યા હતા, જ્યાં એમએસ ધોની ટીમને પ્રથમ વિશ્વ T20 જીતવા બદલ સન્માનિત કરવામાં આવ્યા હતા.
તે દિવસના એક અઠવાડિયા પછી, રોહિત ઘરે પાછો આવ્યો અને લાડને કહ્યું કે તે ભૂખ્યો છે. “હું જાણતો હતો કે તે શેનો ઉલ્લેખ કરી રહ્યો હતો. તે સમયે તેના ઘરે માંસાહારી ખોરાક રાંધવામાં આવતો ન હતો, તેથી તે અમારા ઘરે આવતો હતો. તે મારા દ્વારા રાંધેલા અડધા તળેલા ઈંડાનો પ્રતિકાર કરી શક્યો નહિ,” લાડ કહે છે. “તમે માનશો નહિ. તે રાત્રે, રોહિત, તેનો ભાઈ, મારો પુત્ર સિદ્ધેશ અને અન્ય એક છોકરો - તેમાંથી ચારે - 60 થી વધુ ઇંડા ખાધા. હું રસોઈ કરીને થાકી ગયો હતો, પરંતુ તે તેને લાયક હતા. રોહિતે ઈંડા અને સ્ટ્રીટ ફૂડની પોતાની ઈચ્છાને જાળવી રાખી છે.
તેઓ આગળ કહે છે કે, “જેમ જેમ રોહિત તેના સૌથી પ્રિય સ્વપ્નનો તરફ વધી રહ્યો છે, એક પુનરાવર્તનની આશા રાખે છે. “તેના માટે બીજી તક મેળવવી મુશ્કેલ હશે. પરંતુ હું જાણું છું કે તે પોતાની જાત પર વિશ્વાસ કરે છે. અને હું તેના અને ભાગ્યમાં વિશ્વાસ કરું છું, તેથી આશા રાખીએ કે તે અમદાવાદમાં પણ એવું જ કરશે જે રીતે ધોનીએ 2011માં વાનખેડેમાં કર્યું હતું”
ટ્રેન્ડિંગ સમાચાર
ટોપ સ્ટોરી
