SA vs WI: ત્રીજી ટી-20માં સાઉથ આફ્રિકાને હરાવીને વેસ્ટ ઇન્ડિઝે જીતી સીરિઝ, નિર્ણાયક મેચમાં સાત રનથી મેળવ્યો વિજય

દક્ષિણ આફ્રિકા અને વેસ્ટ ઈન્ડિઝ વચ્ચે રમાયેલી ત્રણ મેચની T20 શ્રેણીમાં વેસ્ટ ઈન્ડિઝે 2-1થી કબજો કર્યો હતો

ફોટોઃ ICC

SA vs WI 3rd T20I: દક્ષિણ આફ્રિકા અને વેસ્ટ ઈન્ડિઝ વચ્ચે રમાયેલી ત્રણ મેચની T20 શ્રેણીમાં વેસ્ટ ઈન્ડિઝે 2-1થી કબજો કર્યો હતો. વેસ્ટ ઈન્ડિઝે ત્રીજી અને નિર્ણાયક મેચ જીતીને શ્રેણી જીતી લીધી હતી. T20 સીરિઝની ત્રીજી મેચ જોહનિસબર્ગના વોન્ડરર્સ સ્ટેડિયમમાં રમાઈ હતી. આ મેચમાં વેસ્ટ ઈન્ડિઝનો 7 રને વિજય થયો હતો. મેચમાં વેસ્ટ ઈન્ડિઝના બેટ્સમેન રોમારિયો શેફર્ડે અણનમ 44 રન બનાવ્યા અને ઝડપી બોલર અલઝારી જોસેફે 5 વિકેટ ઝડપી હતી.

At 161 for 8 in 15.4 overs, West Indies looked like they would fall short of a match-winning total.

Romario Shepherd and Alzarri Joseph then stepped up to clinch a T20I series win for the visitors 👏 https://t.co/6bzciN0xbH #SAvWI pic.twitter.com/eNvbrDF7JB

— ESPNcricinfo (@ESPNcricinfo) March 28, 2023

સીરિઝની અન્ય બે મેચોની જેમ આ મેચ પણ હાઈ સ્કોરિંગ મેચ હતી. બંને ટીમોએ 200 રનનો આંકડો પાર કર્યો હતો. પ્રથમ બેટિંગ કરવા ઉતરેલી વેસ્ટ ઈન્ડિઝની ટીમે 20 ઓવરમાં 8 વિકેટે 220 રન બનાવ્યા હતા. જેમાં 9મા નંબરે બેટિંગ કરવા આવેલા રોમારીયો શેફર્ડે 22 બોલમાં 2 ચોગ્ગા અને 3 છગ્ગાની મદદથી 44 રનની અણનમ ઇનિંગ રમી હતી. આ સિવાય નિકોલસ પૂરને ટીમ માટે 19 બોલમાં 2 ચોગ્ગા અને 4 છગ્ગાની મદદથી 41 રન જોડ્યા હતા. ઓપનિંગ પર આવેલા બ્રેન્ડન કિંગે 36 અને મિડલ ઓર્ડર બેટ્સમેન રેમન રેફરે 27 રન બનાવ્યા હતા.

First SERIES WIN as CAPTAIN! Thanks to all involved, until next time South Africa 🇿🇦.#Rpowell52 pic.twitter.com/703d9d74Wy

— Rovman Powell (@Ravipowell26) March 29, 2023

રનનો પીછો કરતા દક્ષિણ આફ્રિકાની ટીમ 20 ઓવરમાં 6 વિકેટે 213 રન જ બનાવી શકી હતી. ટીમ માટે રીઝા હેન્ડ્રિક્સે 44 બોલમાં 83 રનની ઇનિંગ રમી હતી. તેની ઇનિંગમાં 11 ચોગ્ગા અને 2 છગ્ગાનો સમાવેશ થાય છે. આ સિવાય રિલે રોસોએ પણ 21 બોલમાં 4 ચોગ્ગા અને 3 છગ્ગાની મદદથી 42 રન બનાવ્યા હતા. જો કે બંને બેટ્સમેનોની શાનદાર ઈનિંગ્સ ટીમને જીત અપાવી શકી નહોતી.

ત્રીજી મેચમાં પાંચ વિકેટ લેનાર વેસ્ટ ઈન્ડિઝના ઝડપી બોલર અલ્ઝારી જોસેફને 'પ્લેયર ઓફ ધ મેચ'નો ખિતાબ આપવામાં આવ્યો હતો. તેણે 40 રન આપીને 4 ઓવરમાં 5 વિકેટ લીધી હતી, જ્યારે વેસ્ટ ઈન્ડિઝના બેટ્સમેન જોન્સન ચાર્લ્સને તેની શાનદાર ઈનિંગ્સ માટે 'પ્લેયર ઓફ ધ સીરિઝ' તરીકે પસંદ કરવામાં આવ્યો હતો. ચાર્લ્સે પ્રથમ મેચમાં 14 બોલમાં 28 રન બનાવ્યા હતા. બીજી મેચમાં તેણે 46 બોલમાં 10 ચોગ્ગા અને 11 છગ્ગાની મદદથી 118 રન બનાવ્યા હતા.