આ તે કેવી ટીમ પસંદ કરી? 754 રન બનાવનાર ગિલને સ્થાન નહીં, રવીન્દ્ર જાડેજા પણ ટીમમાંથી બહાર

ભારત-ઇંગ્લેન્ડ વચ્ચે 5 ટેસ્ટ મેચની શ્રેણી 2-2 થી ડ્રો રહી, જેમાં ઘણા ખેલાડીઓએ શાનદાર પ્રદર્શન કર્યું. ઇંગ્લેન્ડના ભૂતપૂર્વ ક્રિકેટર સ્ટુઅર્ટ બ્રોડે આ શ્રેણીમાંથી શ્રેષ્ઠ 11 ખેલાડીઓ પસંદ કર્યા છે.

આ તે કેવી ટીમ પસંદ કરી? 754 રન બનાવનાર ગિલને સ્થાન નહીં

Source : सोशल मीडिया

Shubman Gill not in playing 11: ભારત અને ઇંગ્લેન્ડ વચ્ચેની ટેસ્ટ શ્રેણી 2-2 થી ડ્રો રહ્યા બાદ ક્રિકેટ જગતમાં ચર્ચા ચાલી રહી છે કે શ્રેણીના શ્રેષ્ઠ ખેલાડીઓ કોણ હતા. આ ચર્ચામાં ઇંગ્લેન્ડના ભૂતપૂર્વ ક્રિકેટર સ્ટુઅર્ટ બ્રોડે બંને ટીમના ખેલાડીઓમાંથી એક સંયુક્ત પ્લેઇંગ ઇલેવન પસંદ કરી છે, જેમાં તેણે ઘણા ચાહકોને આશ્ચર્યચકિત કર્યા. પ્લેયર ઑફ ધ સીરિઝ બનેલા શુભમન ગિલ અને અનુભવી ઑલરાઉન્ડર રવિન્દ્ર જાડેજા જેવા ખેલાડીઓને ટીમમાં સ્થાન ન મળતા સોશિયલ મીડિયા પર સવાલો ઉભા થયા છે. બ્રોડના મતે, ચોથા નંબર પર ગિલ કરતાં જો રૂટ વધુ સારો વિકલ્પ છે, જ્યારે જાડેજા કરતાં બેન સ્ટોક્સ વધુ સારો ઑલરાઉન્ડર છે.

બ્રોડની સંયુક્ત પ્લેઇંગ ઇલેવન:

• યશસ્વી જયસ્વાલ
• કેએલ રાહુલ
• ઓલી પોપ
• જો રૂટ
• હેરી બ્રુક
• બેન સ્ટોક્સ (કેપ્ટન)
• ઋષભ પંત
• વોશિંગ્ટન સુંદર
• જોફ્રા આર્ચર
• જસપ્રીત બુમરાહ
• મોહમ્મદ સિરાજ

ગિલ અને જાડેજાને કેમ સ્થાન ન મળ્યું?

સોશિયલ મીડિયા પર ચાહકોના પ્રશ્નોનો જવાબ આપતા સ્ટુઅર્ટ બ્રોડે આ અંગે સ્પષ્ટતા કરી.

• શુભમન ગિલ: ગિલને બાકાત રાખવા પાછળનું કારણ બ્રોડે જણાવ્યું કે, "ગિલ તેની ભૂમિકામાં ચોથા નંબર પર હોવો જોઈતો હતો, પરંતુ જો રૂટ હાલમાં ચોથા નંબર પર તેના કરતા વધુ સારા ખેલાડી છે." જોકે, આ આંકડા ગિલની તરફેણમાં છે: ગિલે 10 ઇનિંગ્સમાં 754 રન બનાવ્યા, જેમાં 4 સદીનો સમાવેશ થાય છે, જ્યારે જો રૂટે 9 ઇનિંગ્સમાં 537 રન બનાવ્યા, જેમાં 3 સદી સામેલ હતી. ગિલે એક ઇનિંગ્સમાં 269 રન અને બીજીમાં 161 રન બનાવીને ટેસ્ટમાં સૌથી વધુ રન (430) બનાવવાનો ભારતીય રેકોર્ડ બનાવ્યો હતો. બીજી તરફ, રૂટે આ શ્રેણીમાં 150 નો સર્વોચ્ચ સ્કોર બનાવ્યો અને ટેસ્ટમાં સૌથી વધુ રન બનાવનાર વિશ્વનો બીજો બેટ્સમેન બન્યો.
• રવિન્દ્ર જાડેજા: રવિન્દ્ર જાડેજાને પણ ટીમમાં સામેલ કરવામાં આવ્યો ન હતો. આ અંગે બ્રોડે કહ્યું, "બેન સ્ટોક્સ રવિન્દ્ર જાડેજા કરતા વધુ સારા છે, ખાસ કરીને બોલિંગમાં." જોકે, જાડેજાએ આ શ્રેણીમાં બે અર્ધસદી (89 અને 69) ફટકારી હતી અને લોર્ડ્સમાં વોશિંગ્ટન સુંદર સાથે ભાગીદારી કરીને ભારતને મેચ ડ્રો કરાવવામાં પણ મહત્વની ભૂમિકા ભજવી હતી. આ છતાં, બ્રોડે સ્ટોક્સને પસંદ કર્યો અને તેને ટીમના કેપ્ટન પણ બનાવ્યા.

આ પણ વાંચો

શું BCCI ના નવા નિયમને કારણે જસપ્રીત બુમરાહ ટેસ્ટ ક્રિકેટમાંથી નિવૃત્તિ લેશે? જાણો આ રિપોર્ટના ચોંકાવનારા કારણો

BCCI નો કડક નિર્ણય: પરિવાર પર પ્રતિબંધ બાદ હવે ક્રિકેટરો પોતીની રાતે આ કામ નહીં કરી શકે? મોટો ખુલાસો