(Source: ECI/ABP News/ABP Majha)
Ind vs Pak, T20 WC : ટી-20 વર્લ્ડકપના હાઈ વોલ્ટેજ મુકાબલામાં પાકિસ્તાને ભારતને 10 વિકેટે હરાવ્યું
T20 World Cup, Ind vs Pak :T20 વર્લ્ડ કપ (T20 WC 2021)માં આજે ભારત અને પાકિસ્તાન વચ્ચે મહામુકાબલો હતો. પાકિસ્તાનની 10 વિકેટે જીત થઈ છે.
LIVE
Background
T20 World Cup, Ind vs Pak :T20 વર્લ્ડ કપ (T20 WC 2021)માં આજે ભારત અને પાકિસ્તાન વચ્ચે મહામુકાબલો હતો. પ્રથમ બેટિંગ કરતા ભારતીય ટીમે પાકિસ્તાનને 152 રનનો ટાર્ગેટ આપ્યો હતો જેને પાકિસ્તાની ટીમે 17.5 ઓવરમાં એકપણ વિકેટ ગુમાવ્યા વિના હાંસલ કરી લીધો હતો. મોહમ્મદ રિઝવાને અણનમ 79 અને બાબર આઝમે અણનમ 68 રન બનાવ્યા હતા.
ભારત આ મેચ 10 વિકેટે હારી ગયું
મોહમ્મદ શમીની ઓવરના પહેલા જ બોલ પર મોહમ્મદ રિઝવાને સિક્સર ફટકારીને પાકિસ્તાનને જીતની નજીક પહોંચાડ્યું હતું. ઓવરના બીજા અને ત્રીજા બોલ પર રિઝવાને સતત બે ચોગ્ગા ફટકાર્યા હતા. બાબર આઝમે આ ઓવરના છેલ્લા બોલ પર 2 રન લઈને પાકિસ્તાનને જીત અપાવી હતી. ભારત આ મેચ 10 વિકેટે હારી ગયું હતું. પ્રથમ બેટિંગ કરતા ભારતીય ટીમે પાકિસ્તાનને 152 રનનો ટાર્ગેટ આપ્યો હતો જેને પાકિસ્તાની ટીમે 18 ઓવરમાં એકપણ વિકેટ ગુમાવ્યા વિના હાંસલ કરી લીધો હતો. મોહમ્મદ રિઝવાને અણનમ 79 અને બાબર આઝમે અણનમ 68 રન બનાવ્યા હતા.
પાકિસ્તાનની 10 વિકેટે જીત
પાકિસ્તાને ભારતને હાઈ વોલ્ટેજ મુકાબલામાં 10 વિકેટથી હાર આપી છે.
બાબર આઝમની અડધી સદી
પાકિસ્તાન મજબૂત સ્થિતિમાં છે. પાકિસ્તાનનો સ્કોર 100 રનને પાર પહોંચી ગયો છે. બાબર આઝમને શાનદાર ઈનિંગ રમતા અડધી સદી ફટકારી છે. પાકિસ્તાનનો સ્કોર 14 ઓવરમાં એક પણ વિકેટ ગુમાવ્યા વગર 112 રન છે.
ભારતને વિકેટની જરુર છે.
ભારતને વિકેટની જરુર છે. પાકિસ્તાનની ટીમેે 8.1 ઓવરમાં એક પણ વિકેટ ગુમાવ્યા વગર 53 રન બનાવી લીધા છે.
પાકિસ્તાનનો સ્કોર 5 ઓવર પછી 35/0
મોહમ્મદ શમીની આ ઓવરના ત્રીજા બોલ પર બાબર આઝમે ચોગ્ગો ફટકાર્યો હતો. ઓવરના પાંચમા બોલ પર મોહમ્મદ રિઝવાને પણ ચોગ્ગો ફટકારીને ટીમનો સ્કોર આગળ વધાર્યો, શમીની આ ઓવર ઘણી મોંઘી હતી. પાકિસ્તાનનો સ્કોર 5 ઓવર પછી 35/0
ટ્રેન્ડિંગ સમાચાર
ટોપ સ્ટોરી
