T20 WC 2024 Super 8: ટી20 વર્લ્ડકપમાં સુપર-8નું પિક્ચર સાફ.... ભારતની ક્યારે ને કોની સાથે થશે ટક્કર, જુઓ શિડ્યૂલ
T20 World Cup 2024 Super 8 Schedule: અત્યારે અમેરિકા અને વેસ્ટ ઈન્ડિઝમાં આઇસીસીનો ટી20 વર્લ્ડકપ 2024 ચાલી રહ્યો છે
T20 World Cup 2024 Super 8 Schedule: અત્યારે અમેરિકા અને વેસ્ટ ઈન્ડિઝમાં આઇસીસીનો ટી20 વર્લ્ડકપ 2024 ચાલી રહ્યો છે. લગભગ લીગ મેચો પુરી થઇ ચૂકી છે અને સાથે સાથે નેક્સ્ટ રાઉન્ડ સુપર-8નું પિક્ચર પણ સાફ થઇ ગયુ છે. હવે સુપર-8માં ટીમો પ્રવેશી ચૂકી છે. રવિવારે સ્કૉટલેન્ડ સામે ઓસ્ટ્રેલિયાની 5 વિકેટની જીતે ઈંગ્લેન્ડે જીત મેળવી, સાથે જ તેને સુપર 8માં પ્રવેશ કરી લીધો. તેમજ બાંગ્લાદેશ સુપર-8માં પહોંચનારી 8મી અને છેલ્લી ટીમ બની ગઈ છે. બાંગ્લાદેશે નેપાળને 21 રને હરાવીને સુપર-8માં એન્ટ્રી કરી છે.
ભારતીય ટીમ અને અમેરિકા (યુએસએ) ગ્રુપ-એમાંથી ક્વૉલિફાય થયા છે. ગૃપ બીમાંથી ઓસ્ટ્રેલિયા અને ઈંગ્લેન્ડે પ્રવેશ કર્યો છે. અફઘાનિસ્તાન અને વેસ્ટ ઈન્ડિઝે ગૃપ સીમાંથી જગ્યા બનાવી છે. જ્યારે ગૃપ-ડીમાંથી દક્ષિણ આફ્રિકા અને હવે બાંગ્લાદેશ સુપર-8માં ક્વૉલિફાય થયા છે.
ભારતની પ્રથમ મેચ 20 જૂને
સુપર-8માં 4 ટીમોના બે ગૃપ હશે. જો આ બંને ગૃપમાંથી બે ટીમ ટોપ પર રહેશે તો તેમને સેમિફાઈનલમાં જગ્યા મળશે. ગૃપ-1માં ભારત ઉપરાંત બાંગ્લાદેશ, ઓસ્ટ્રેલિયા અને અફઘાનિસ્તાન છે. વેસ્ટ ઈન્ડિઝ, યુએસએ, દક્ષિણ આફ્રિકા અને ડિફેન્ડિંગ ચેમ્પિયન ઈંગ્લેન્ડને ગૃપ-2માં રાખવામાં આવ્યા છે.
રોહિત શર્માની કેપ્ટનશીપવાળી ભારતીય ટીમ સુપર-8 રાઉન્ડમાં તેની પ્રથમ મેચ 20 જૂને બાર્બાડોસમાં રમશે. આ મેચ અફઘાનિસ્તાન સામે થશે. આ પછી બીજી મેચ 22 જૂને એન્ટિગુઆમાં રમાશે. આ મેચમાં બાંગ્લાદેશ સાથે ટક્કર થશે.
ભારતીય ટીમ સુપર-8માં તેની છેલ્લી મેચ 24 જૂને સેન્ટ લુસિયામાં રમશે. આ ટક્કર બરાબરીની રહેવાની છે, જેમાં ઓસ્ટ્રેલિયા સાથે ટક્કર થશે. સુપર-8માં ભારતની તમામ મેચો ભારતીય સમય અનુસાર રાત્રે 8 વાગ્યાથી શરૂ થશે.
સુપર-8નું ગૃપ
ગૃપ-1: ભારત, ઓસ્ટ્રેલિયા, બાંગ્લાદેશ, અફઘાનિસ્તાન
ગૃપ-2: યુએસએ, ઈંગ્લેન્ડ, વેસ્ટ ઈન્ડિઝ, દક્ષિણ આફ્રિકા
ટી20 વર્લ્ડકપ 2024માં સુપર-8 મેચોનું શિડ્યૂલ
19 જૂન - યુએસએ વિરૂદ્ધ દક્ષિણ આફ્રિકા, એન્ટિગુઆ, રાત્રે 8 વાગ્યે
20 જૂન - ઈંગ્લેન્ડ વિરૂદ્ધ વેસ્ટ ઈન્ડિઝ, સેન્ટ લુસિયા, સવારે 6 વાગ્યે
20 જૂન - અફઘાનિસ્તાન વિરૂદ્ધ ભારત, બાર્બાડોસ, રાત્રે 8 વાગ્યે
21 જૂન - ઓસ્ટ્રેલિયા વિરૂદ્ધ બાંગ્લાદેશ, એન્ટિગુઆ, સવારે 6 વાગ્યે
21 જૂન - ઇંગ્લેન્ડ વિરૂદ્ધ દક્ષિણ આફ્રિકા, સેન્ટ લુસિયા, રાત્રે 8 વાગ્યે
22 જૂન - યુએસએ વિરૂદ્ધ વેસ્ટ ઈન્ડિઝ, બાર્બાડોસ, સવારે 6 વાગ્યે
22 જૂન- ભારત વિરૂદ્ધ બાંગ્લાદેશ, એન્ટિગુઆ, રાત્રે 8 વાગ્યે
23 જૂન - અફઘાનિસ્તાન વિરૂદ્ધ ઓસ્ટ્રેલિયા, સેન્ટ વિન્સેન્ટ, સવારે 6 વાગ્યે
23 જૂન - યુએસએ વિરૂદ્ધ ઈંગ્લેન્ડ, બાર્બાડોસ, રાત્રે 8 વાગ્યે
24 જૂન - વેસ્ટ ઈન્ડિઝ વિરૂદ્ધ દક્ષિણ આફ્રિકા, એન્ટિગુઆ, સવારે 6 વાગ્યે
24 જૂન - ઓસ્ટ્રેલિયા વિરૂદ્ધ ભારત, સેન્ટ લુસિયા, રાત્રે 8 વાગ્યે
25 જૂન - અફઘાનિસ્તાન વિરૂદ્ધ બાંગ્લાદેશ, સેન્ટ વિન્સેન્ટ, સવારે 6 વાગ્યે
27 જૂન - સેમિફાઇનલ 1, ગયાના, સવારે 6 વાગ્યે
27 જૂન - સેમિફાઇનલ 2, ત્રિનિદાદ, રાત્રે 8 વાગ્યે
29 જૂન - ફાઇનલ, બાર્બાડોસ, રાત્રે 8 વાગ્યે
ટોપ સ્ટોરી
ટ્રેન્ડિંગ સમાચાર
