Tilak Varma Record: નાની ઉંમરે તિલક વર્માએ રચ્યો ઇતિહાસ, કોહલી-રોહિતને પાછળ છોડી બનાવ્યો રેકોર્ડ

Tilak Varma T20I record: ઈંગ્લેન્ડ સામેની બીજી T20 મેચમાં માત્ર 24 રન બનાવીને તિલકે આ શાનદાર અને ઐતિહાસિક સિદ્ધિ પોતાના નામે કરી લીધી છે.

Tilak Varma Fastest Youngest Indian Batsman 1500 T20I Runs Record 2026

Source : ai

Show Quick Read

Key points generated by AI, verified by newsroom

• તિલક વર્માએ ૧૫૦૦ T20I રનનો સૌથી યુવા રેકોર્ડ બનાવ્યો.
• તેણે વિરાટ, રોહિત જેવા દિગ્ગજોનો રેકોર્ડ તોડ્યો.
• તેનું T20I પ્રદર્શન અત્યંત શાનદાર, બે સદી સાથે.

Tilak Varma T20I record: શનિવારે (4 જુલાઈ) ભારત અને ઈંગ્લેન્ડ વચ્ચે રમાયેલી બીજી T20 મેચમાં ભારતીય ક્રિકેટના યુવા સિતારાઓએ કમાલ કરી દીધી છે. એક તરફ 15 વર્ષીય વૈભવ સૂર્યવંશીએ ડેબ્યૂ કરીને સૌથી યુવા ખેલાડી બનવાનું બહુમાન મેળવ્યું, તો બીજી તરફ યુવા ડેશિંગ બેટ્સમેન તિલક વર્માએ એક જબરદસ્ત ઈતિહાસ રચી દીધો. તિલકે વિરાટ કોહલી, રોહિત શર્મા અને કેએલ રાહુલ જેવા દિગ્ગજોને પાછળ છોડીને એક એવો મોટો રેકોર્ડ પોતાના નામે કરી લીધો છે, જે આવનારા સમયમાં તોડવો ઘણો મુશ્કેલ બની રહેશે.

માત્ર 23 વર્ષની ઉંમરે 1500 T20I રનની સિદ્ધિ

આ મોટો રેકોર્ડ છે ભારત માટે T20 ઈન્ટરનેશનલમાં સૌથી નાની ઉંમરે 1500 રન પૂરા કરવાનો. રસપ્રદ વાત એ છે કે, વરસાદના કારણે રદ થયેલી પહેલી જ T20 મેચમાં અભિષેક શર્માએ 25 વર્ષ અને 300 દિવસની ઉંમરે આ રેકોર્ડ પોતાના નામે કર્યો હતો. પરંતુ, આ રેકોર્ડની ખુશી જાઝો સમય ટકી નહીં. બીજી જ મેચમાં માત્ર 24 રન બનાવીને તિલક વર્માએ અભિષેકનો આ તાજો રેકોર્ડ તોડી નાખ્યો. તિલક હવે 23 વર્ષ અને 238 દિવસની નાની ઉંમરે 1500 T20 રન પૂરા કરનાર પ્રથમ અને સૌથી યુવા ભારતીય ખેલાડી બની ગયો છે.

ભારત માટે 1500 T20 રન બનાવનાર સૌથી યુવા ખેલાડીઓનું લિસ્ટ:

23 વર્ષ 238 દિવસ: તિલક વર્મા

25 વર્ષ 300 દિવસ: અભિષેક શર્મા

27 વર્ષ 143 દિવસ: વિરાટ કોહલી

28 વર્ષ 230 દિવસ: કેએલ રાહુલ

30 વર્ષ 234 દિવસ: રોહિત શર્મા

30 વર્ષ 290 દિવસ: હાર્દિક પંડ્યા

31 વર્ષ 212 દિવસ: સુરેશ રૈના

32 વર્ષ 115 દિવસ: સૂર્યકુમાર યાદવ

33 વર્ષ 340 દિવસ: શિખર ધવન

37 વર્ષ 214 દિવસ: એમએસ ધોની

આ પણ વાંચોઃ ‘મેચ ત્યાં જ પૂરી થઈ ગઈ હતી...’ આકાશ ચોપરાએ જણાવ્યો ભારતની હારનો અસલી ટર્નિંગ પોઇન્ટ

કેવી રહી છે તિલક વર્માની આંતરરાષ્ટ્રીય સફર?

ભારત માટે વ્હાઈટ બોલ (સીમિત ઓવરની) ક્રિકેટમાં તિલક વર્માનું પ્રદર્શન અત્યાર સુધી અત્યંત શાનદાર અને આક્રમક રહ્યું છે. તેણે પોતાની આંતરરાષ્ટ્રીય કારકિર્દીમાં અત્યાર સુધી 5 વનડે અને 53 T20 મેચ રમી છે. વનડેની 4 ઇનિંગ્સમાં તેણે 1 અડધી સદી સાથે 68 રન બનાવ્યા છે.

જ્યારે તેની ખરી તાકાત T20 માં જોવા મળે છે. T20 ઇન્ટરનેશનલની 50 ઇનિંગ્સમાં તેના નામે 1501 રન નોંધાયેલા છે. આ ફોર્મેટમાં તેની બેટિંગ એવરેજ 44.14 અને સ્ટ્રાઈક રેટ 143.49 નો રહ્યો છે, જેમાં 2 શાનદાર સદી અને 7 અડધી સદી સામેલ છે. અણનમ 120 રન એ તેનો અત્યાર સુધીનો સર્વોચ્ચ T20 સ્કોર છે.

આ પણ વાંચોઃ IND vs ENG: ભારત-ઇંગ્લેન્ડ ત્રીજી T20I ના સમયમાં ફેરફાર, જાણો હવે કેટલા વાગ્યે શરૂ થશે મેચ