U19 Women's T20 World Cup 2025: અંડર 19 ટીમ ઈન્ડિયાએ રચ્યો ઈતિહાસ, ઈંગ્લેન્ડને હરાવી ફાઈનલમાં જગ્યા બનાવી 

ભારતે અંડર-19 મહિલા T20 વર્લ્ડ કપ 2025ની ફાઇનલમાં જગ્યા બનાવી લીધી છે. ટીમ ઈન્ડિયાએ શુક્રવારે સેમિફાઈનલમાં ઈંગ્લેન્ડને હરાવ્યું હતું.

ટીમ ઈન્ડિયાની જીત

Source : X/BCCI

India vs England U19 W T20 World Cup 2025: ભારતે અંડર-19 મહિલા T20 વર્લ્ડ કપ 2025ની ફાઇનલમાં જગ્યા બનાવી લીધી છે. ટીમ ઈન્ડિયાએ શુક્રવારે સેમિફાઈનલમાં ઈંગ્લેન્ડને હરાવ્યું હતું. ભારતીય અંડર-19 ટીમે આ મેચ 9 વિકેટે જીતી લીધી હતી. જી કમલિનીએ ટીમ ઈન્ડિયા માટે જોરદાર પ્રદર્શન કર્યું અને અણનમ અડધી સદી ફટકારી. તેણે 50 બોલમાં 56 રનની ઇનિંગ રમી હતી. કમલિનીની આ ઇનિંગમાં 8 ચોગ્ગા સામેલ હતા.  ભારતે અંડર-19 મહિલા T20 વર્લ્ડ કપ 2025માં ખૂબ જ શાનદાર પ્રદર્શન કર્યું છે. ટીમ ઈન્ડિયા અત્યાર સુધીમાં એક પણ મેચ હારી નથી. 

પ્રથમ બેટિંગ કરતા ઈંગ્લેન્ડે 8 વિકેટ ગુમાવીને 113 રન બનાવ્યા હતા. આ દરમિયાન ઓપનર ડ્વીના પેરિને 45 રનની ઇનિંગ રમી હતી. 40 બોલનો સામનો કરીને તેણે 6 ફોર અને 2 સિક્સર ફટકારી હતી. ટ્રોડી જોન્સને 25 બોલનો સામનો કર્યો અને 30 રન બનાવ્યા. તેણે 3 ફોર અને 1 સિક્સ ફટકારી હતી. આ દરમિયાન ભારત તરફથી આયુષી શુક્લાએ 2 વિકેટ લીધી હતી. તેણે 4 ઓવરમાં 21 રન આપ્યા હતા. પારુણિકા અને વૈષ્ણવી શર્માએ 3-3 વિકેટ લીધી હતી.

𝗜𝗻𝘁𝗼 𝗧𝗵𝗲 𝗙𝗶𝗻𝗮𝗹! 👏 👏

The unbeaten run in the #U19WorldCup continues for #TeamIndia! 🙌 🙌

India march into the Final after beating England by 9⃣ wickets and will now take on South Africa in the summit clash! 👌 👌

Scorecard ▶️ https://t.co/rk4eoCA1B0 #INDvENG pic.twitter.com/n3uIoO1H1Q

— BCCI Women (@BCCIWomen) January 31, 2025

ટીમ ઈન્ડિયાએ 15 ઓવરમાં મેચ જીતી લીધી -

ઈંગ્લેન્ડે આપેલા ટાર્ગેટનો પીછો કરવા ઉતરેલી ટીમ ઈન્ડિયાએ માત્ર 15 ઓવરમાં જ મેચ જીતી લીધી હતી. જી કમલિની અને જી ત્રિશા ભારત માટે ઓપનિંગ કરવા આવ્યા હતા. આ દરમિયાન ત્રિશાએ 29 બોલનો સામનો કર્યો અને 35 રન બનાવ્યા. તેણે 5 ચોગ્ગા ફટકાર્યા હતા. જ્યારે કમલિનીએ અડધી સદી ફટકારી હતી. તેણે 50 બોલમાં અણનમ 56 રન બનાવ્યા હતા. કમલિનીની આ ઇનિંગમાં 8 ચોગ્ગા સામેલ હતા. સાનિકા ચાલકેએ અણનમ 11 રન બનાવ્યા હતા. તેણે એક ફોર ફટકારી તી. 

ભારતે સતત 6 મેચ જીતી -

અંડર-19 મહિલા T20 વર્લ્ડ કપ 2025માં ટીમ ઈન્ડિયા અત્યાર સુધી એક પણ મેચ હારી નથી. ભારતે વેસ્ટ ઈન્ડિઝ, મલેશિયા, શ્રીલંકા, બાંગ્લાદેશ અને સ્કોટલેન્ડને હરાવ્યા હતા. ટીમ ઈન્ડિયાએ સેમિફાઈનલમાં ઈંગ્લેન્ડને હરાવ્યું હતું.