રણજી મેચ રમવા માટે BCCI વિરાટને કેટલો પગાર આપશે? જાણો રેલવે સામેની મેચમાં 'કિંગ' કોહલીની ફી

Virat Kohli, Railways vs Delhi, Ranji Trophy: ટીમ ઈન્ડિયાનો સુપરસ્ટાર વિરાટ કોહલી લગભગ 13 વર્ષ પછી રણજી ટ્રોફીમાં રમી રહ્યો છે. તે અરુણ જેટલી સ્ટેડિયમમાં રેલવે સામે દિલ્હી ટીમનો ભાગ છે.

વિરાટ કોહલી

નોંધનીય છે કે ભારતીય ક્રિકેટ કંટ્રોલ બોર્ડ (BCCI) ના સ્થાનિક પગાર માળખા મુજબ, 20-40 રણજી ટ્રોફી મેચ રમનારા ખેલાડીઓને દરરોજ 50,000 રૂપિયા મળે છે.

અત્યાર સુધીમાં વિરાટ કોહલીએ રણજી ટ્રોફીની 23 મેચોમાં 1,547 રન કર્યા છે. આનો અર્થ એ થયો કે વિરાટ કોહલી આ મેચથી 50,000 રૂપિયા કમાશે.

આ રકમ ટીમ ઈન્ડિયા માટે A+ ગ્રેડ ખેલાડી તરીકે વાર્ષિક અથવા દરેક ટેસ્ટ મેચ માટે મળતી રકમ કરતાં ઘણી ઓછી છે. A+ ગ્રેડ ખેલાડી તરીકે વિરાટ કોહલીને વાર્ષિક 7 કરોડ અથવા દરેક ટેસ્ટ મેચ માટે 15 લાખ રૂપિયા મળે છે

વિરાટ કોહલીને જોવા માટે તેમના હજારો ચાહકો સ્ટેડિયમ પહોંચી ગયા છે. આ મેચના પહેલા દિવસે, જ્યારે વિરાટ મેદાન પર હતો, ત્યારે એક ચાહક સુરક્ષા ઘેરો તોડીને વિરાટના પગ સ્પર્શ કરવા મેદાનમાં પહોંચી ગયો હતો.

જોકે, રણજી ટ્રોફીમાં પણ વિરાટ કોહલીનું ખરાબ ફોર્મ ચાલુ છે. રેલવે સામેની મેચની પહેલી ઇનિંગમાં કોહલી માત્ર 6 રન બનાવીને આઉટ થયો હતો.