Vaibhav Suryavanshi U19 Debut: વૈભવ સૂર્યવંશીની તોફાની બેટિંગ જોઇ ઇંગ્લેન્ડ ટીમ 'ખૌફ' માં, કરી દીધો ચોગ્ગા-છગ્ગાનો વરસાદ
Vaibhav Suryavanshi U19 Debut: વૈભવે IPLમાં પોતાની વિસ્ફોટક બેટિંગથી બધાનું દિલ જીતી લીધું હતું અને હવે તેનો અંડર-19 ભારતીય ટીમમાં પણ સમાવેશ કરવામાં આવ્યો છે
Vaibhav Suryavanshi U19 Debut: ભારતીય ક્રિકેટનું ભવિષ્ય કહેવાતો 14 વર્ષનો વૈભવ સૂર્યવંશી આ દિવસોમાં જબરદસ્ત ફોર્મમાં છે. IPL 2025 માં રાજસ્થાન રૉયલ્સ માટે ડેબ્યૂ કરનારો આ યુવા ડાબોડી ઓપનર હવે ઇંગ્લેન્ડ પ્રવાસ પહેલા બેંગલુરુમાં નેશનલ ક્રિકેટ એકેડેમી (NCA) ખાતે ચાલી રહેલા અંડર-૧૯ કેમ્પમાં બોલરો પર નિશાન સાધી રહ્યો છે. વૈભવે બધા બોલરો સામે ચોગ્ગા અને છગ્ગાનો વરસાદ કર્યો છે, પછી ભલે તે પેસર્સ હોય કે સ્પિનર્સ. તેના શાનદાર ફોર્મથી સ્પષ્ટ થઈ ગયું છે કે તે ઇંગ્લેન્ડમાં આગામી સીરીઝમાં પણ બોલરો પર ભારે વરસાદ કરશે.
વૈભવે IPLમાં પોતાની વિસ્ફોટક બેટિંગથી બધાનું દિલ જીતી લીધું હતું અને હવે તેનો અંડર-19 ભારતીય ટીમમાં પણ સમાવેશ કરવામાં આવ્યો છે. હાલમાં, ભારતીય અંડર-19 ટીમ બેંગ્લોરમાં નેશનલ ક્રિકેટ એકેડેમી (NCA) ખાતે કેમ્પિંગ કરી રહી છે, જ્યાં આખી ટીમ આગામી ઇંગ્લેન્ડ પ્રવાસ માટે પ્રેક્ટિસ કરી રહી છે.
ભારતની અંડર-19 ટીમ ઇંગ્લેન્ડ રમવા જશે
ભારતીય અંડર-19 ટીમ આ મહિનાના અંત સુધીમાં ઇંગ્લેન્ડ પ્રવાસ માટે રવાના થશે, જ્યાં તેમને ઇંગ્લેન્ડની અંડર-19 ટીમ સાથે 5 વનડે અને 2 ટેસ્ટ મેચ રમવાની છે. આ સીરીઝની પહેલી વનડે 27 જૂને હોવના કાઉન્ટી ગ્રાઉન્ડ ખાતે રમાશે. 17 વર્ષીય આયુષ મ્હાત્રેને આ ટીમના કેપ્ટન તરીકે પસંદ કરવામાં આવ્યો છે. આયુષ આઈપીએલ 2025માં ચેન્નાઈ સુપર કિંગ્સની જર્સીમાં જોવા મળ્યો હતો.
વૈભવ આ પ્રવાસ માટે ખૂબ જ ગંભીર લાગે છે. તે બેંગલુરુમાં ચાલી રહેલા કેમ્પમાં નેટમાં ખૂબ પરસેવો પાડી રહ્યો છે અને બોલરો પર સંપૂર્ણ રીતે પ્રભુત્વ મેળવી રહ્યો છે. તેનું ફોર્મ જોઈને ટીમ મેનેજમેન્ટ પણ તેનાથી ખૂબ પ્રભાવિત થયું છે, જેના કારણે તેને ટોપ ઓર્ડરમાં મોટી ભૂમિકા ભજવવાની જવાબદારી સોંપવામાં આવી છે. સોશિયલ મીડિયા પર વાયરલ થઈ રહેલા એક વીડિયોમાં, વૈભવ મોટા છગ્ગા મારતો જોવા મળે છે, જે સાબિત કરે છે કે તે ઈંગ્લેન્ડ પ્રવાસ માટે સંપૂર્ણપણે તૈયાર છે.
IPLમાં ઇતિહાસ રચાયો
વૈભવ સૂર્યવંશીએ 19 એપ્રિલ 2025ના રોજ લખનઉ સુપર જાયન્ટ્સ સામે જયપુરમાં પહેલી વાર IPLમાં ડેબ્યૂ કર્યું હતું, જેમાં તેણે પહેલા જ બોલ પર સિક્સર ફટકારીને પોતાની કારકિર્દીની ધમાકેદાર શરૂઆત કરી હતી. આ પછી, 28 એપ્રિલના રોજ સવાઈ માનસિંહ સ્ટેડિયમ ખાતે, તેણે ગુજરાત ટાઇટન્સ સામે માત્ર 35 બોલમાં સદી ફટકારી, જેનાથી તે T20 ઇતિહાસમાં સૌથી ઝડપી સદી ફટકારનાર ભારતીય બેટ્સમેન બન્યો. આ તોફાની ઇનિંગ સાથે, RR એ માત્ર 15.5 ઓવરમાં 210 રનનો લક્ષ્યાંક હાંસલ કર્યો.
IPLની આ સિઝનમાં વૈભવે રાજસ્થાન રોયલ્સ માટે 7 મેચમાં 206.55 ના સ્ટ્રાઇક રેટથી કુલ 252 રન બનાવ્યા. તેના ઉત્તમ સ્ટ્રાઇક રેટને કારણે, તેને 'સુપર સ્ટ્રાઇકર ઓફ ધ સિઝન' એવોર્ડ પણ આપવામાં આવ્યો. IPL સમાપ્ત થયા પછી, તેણે ઇંગ્લેન્ડ પ્રવાસની તૈયારી શરૂ કરી.
ટોપ સ્ટોરી
ટ્રેન્ડિંગ સમાચાર
